एस्‍तर 1:18 - नेवाः बाइबल

¹⁸ रानीं थुकथं व्‍यवहार याःगु खँ फारस व मादीया भारदारतय् कलाःपिन्‍सं न्‍यनेवं हे इमिसं नं थः भाःतपिन्‍त अथे हे व्‍यवहार याइ। अले थुकिं यानाः फुक्‍कभनं थः भाःतपिन्‍त हनाबना तयेगु त्‍वःताछ्वइ अले भाःतपिं थः कलाःपिंनापं तम्‍वइ।

एस्‍तर 1:18 ပူးပေါင်းရင်းမြစ်များ

१ राजा 11:3

सोलोमनया न्‍हय्‌सःम्‍ह जुजु खलःयापिं कलाःपिं दु। वया स्‍वसःम्‍ह मथ्‍याःपिं कलाःपिं नं दु। वया कलाःपिन्‍सं वयागु मनयात परमेश्‍वरपाखें तापाकाबिल।

एस्‍तर 1:17

रानीं थथे याःगु ज्‍या फुक्‍क मिसातय्‌सं न्‍यनी अले थुकिं यानाः इमिसं नं थः भाःतयात मानय् मयाइ। अले इमिसं थथे धाइ, ‘महाराज अहासूरसं रानी वश्‍तीयात थःथाय् हयेत उजं बियादिल तर रानी वये मानय् मजुल।’

एस्‍तर 1:19

“छसपोलया इच्‍छा दःसा वश्‍ती रानी थनिंनिसें गुबलें छसपोलया न्‍ह्यःने वये दइ मखु धकाः शाही उजं बियादिसँ। थ्‍व उजं फारस व मादीतय्‌गु कानूनय् गुबलें महिलिगुकथं च्‍वकादिसँ। अले वश्‍ती रानी स्‍वयाः बहःम्‍ह व बांलाःम्‍ह मिसायात रानी जुइ बियादिसँ।

न्‍यायकर्ता 5:29

वया मिस्‍त मध्‍ये बुद्धि दुम्‍ह छम्‍हय्‌सिनं वयात लिसः बी। धात्‍थें हे वया मामं नं थःम्‍हं थःत थथे धयाच्‍वनी,