एस्‍तर 1:11 - नेवाः बाइबल

¹¹ इमित रानी वश्‍तीयात श्रीपेच पुइकाः थःथाय् हजि धकाः जुजुं उजं बिल। रानी तसकं बांलाःम्‍ह हिसि दुम्‍ह जुयाच्‍वन। उकिं वं वयागु हिसि सकल मनूत व भारदारतय् न्‍ह्यःने क्‍यने मास्‍ति वय्‌कूगु खः।

एस्‍तर 1:11 ပူးပေါင်းရင်းမြစ်များ

२ शमूएल 14:25

अब्‍शालोम थें बांलाःम्‍ह व प्रशंसा याये ल्‍वःम्‍ह इस्राएलय् सुं नं मदु। वयाके छ्यनंनिसें तुति तक छुं नं ख्‍वं मदु।

एस्‍तर 1:12

इमिसं वनाः महाराजयागु उजं रानी वश्‍तीयात न्‍यंकल। तर रानी वये मानय् मजुल। उकिं जुजु तसकं तम्‍वल, तमं मि जुल।

एस्‍तर 2:17

जुजुं मेपिं ब्‍याहा मजूनिपिं मिसातय्‌त स्‍वयाः एस्‍तरयात यक्‍वः माया यात। अले वयात तसकं यय्‌कल। अले वयागु छेनय् श्रीपेच पुइकाः वश्‍तीया थासय् वयात रानी यात।

एस्‍तर 6:8

वयागु निंतिं जुजुं थःम्‍हं हे फीगु वसः, जुजुं गइम्‍ह छेनय्‌ शाही चिं दुम्‍ह सल हय्‌केबियादिसँ।

हितोपदेश 16:9

मनूतय्‌सं थथे याये अथे याये धकाः ग्‍वसाः ग्‍वइ, तर परमप्रभुं हे छु यायेगु धकाः क्‍वःछिनादी।

हितोपदेश 31:30

हिसिं झंगः लाये यः, बांलाः ब्‍वयावनी। तर परमप्रभुया भय काइम्‍ह मिसा तःधंके बहः जू।

१ शमूएल 25:3

वयागु नां नाबाल खः अले वया कलाःया नां अबीगेल खः। अबीगेल तसकं बांलाःम्‍ह व बुद्धि दुम्‍ह खः। तर वया भाःत कालेबया वंशया छम्‍ह नुगः छाःम्‍ह व मभिंगु ज्‍या याइम्‍ह खः।