एफिसी 6:4 - नेवाः बाइबल

⁴ बौपिन्‍सं थः मस्‍तय्‌त तंचाय्‌केगु याये मते, बरु इमित प्रभुयागु खँ स्‍यनेकने यानाः वय्‌कःया अनुशासनय् ब्‍वलंकी।

एफिसी 6:4 ပူးပေါင်းရင်းမြစ်များ

उत्‍पत्ति 18:19

जिं वयात ल्‍ययागुलिं वं थः मस्‍तय्‌त व सन्‍तानयात खःगु व भिंगु ज्‍या यानाः परमप्रभुया लँय् जुइत उजं बिइ। थुकिं हे परमप्रभुं अब्राहामलिसे चिनादीगु बाचा पूवंके फइ।”

१ इतिहास 28:20

हानं दाऊदं थःकाय् सोलोमनयात धाल, “बल्‍लाः व साहसी जुयाः थ्‍व ज्‍या या। ग्‍याये मते, नुगः क्‍वतुंके मते, परमप्रभु परमेश्‍वर, जिमि परमेश्‍वर छनापं दी। परमप्रभुया देगःया सेवाया निंतिं फुक्‍क माःगु ज्‍या छं पूरा मयातले वय्‌कलं छन्‍त ग्‍वाहालि बियाच्‍वनी, वय्‌कलं छन्‍त त्‍वःतादी मखु।

१ इतिहास 29:19

जिमि काय् सोलोमनयात छिगु फुक्‍क आज्ञा, व्‍यवस्‍था व विधि मानय् यायेगु व छिगु देगः दय्‌केगु मन बियादिसँ। छिगु देगः दय्‌केत जिं थुपिं सामान ज्‍वरय् यानागु दु।”

हितोपदेश 19:18

थः मस्‍तय्‌त भिंकि छाय्‌धाःसा उकी आशा दइ, मखुसा छं थः मस्‍तय्‌त स्‍यंकी।

हितोपदेश 22:15

मस्‍तय्‌गु नुगलय् म्‍वाःमदुगु खँ वयाच्‍वनी, तर इमित न्‍वानाः थज्‍याःगु खं तापाकेमा।

हितोपदेश 22:6

थः मस्‍तय्‌त भिंगु लँय् जुइकि, बुरा जुइकाः तकं इपिं व हे लँय् जुयाच्‍वनी।

हितोपदेश 29:15

अनुशासनं मस्‍तय्‌त बुद्धि बी, थःयत्‍थें जुइपिं मस्‍तय्‌सं थः मांयात मछालापुकी।

हितोपदेश 29:17

थःकाय्‌यात कजय् याना तल धाःसा छन्‍त शान्‍ति दइ, अले नुगःयात आनन्‍द दइ।

यशैया 38:19

म्‍वाःपिं व म्‍वानाच्‍वंपिन्‍सं जक छिगु प्रशंसा याइ, गथे थौं जिं यानाच्‍वना। बौनं थः काय्‌पिन्‍त छिगु विश्‍वास याये बहःगु खँया बारे कनी।

एफिसी 6:3

“अथे याना च्‍वंसा जक छिमिगु भिं जुइ, अले छिपिं यक्‍व दँ म्‍वानाच्‍वने दइ।”

व्‍यवस्‍था 4:9

तर बांलाक होश यानाच्‍वँ, छिमिसं मिखां खंगु खँ गुबलें ल्‍वममंकेत होश यानाच्‍वँ अले छिमिसं म्‍वानाच्‍वंतले थुपिं आज्ञा थःगु मनं चिला वंकेबी मते। अले थुपिं आज्ञा थः काय्‌म्‍ह्याय्‌पिं व छय्‌पिन्‍त बीगु पक्‍का या।

व्‍यवस्‍था 6:7

उपिं आज्ञा छिमिसं थःकाय् म्‍ह्याय्‌पिन्‍त बांलाक स्‍यँ। छेँय् च्‍वनीबलय्, लँय् जुइबलय् ग्‍वार्तुला च्‍वनीबलय् अले दनीबलय् उकिया बारे खँल्‍हाबल्‍हा यायेगु या।

कलस्‍सी 3:21

बौपिन्‍सं नं काय् म्‍ह्याय्‌पिन्‍त तं चाय्‌के मज्‍यू। मखुसा इमिगु साहस हे मदयावनी।

२ तिमोथी 1:5

छं यचुगु नुगलं विश्‍वास याःगु जि अज्‍जं लुमनि। छिमि बज्ये लोइस व मां युनिसं नं अथे हे यचुगु नुगलं विश्‍वास याःगु खः। छं अज्‍ज नं उकथं हे यचुगु नुगलं विश्‍वास यानाच्‍वंगु दइ धकाः जितः विश्‍वास दु।

२ तिमोथी 3:15

मचांनिसें हे छं धर्मशास्‍त्रयागु खँ सीकातःगु दु। थुकिं हे छन्‍त ख्रीष्‍ट येशूयात विश्‍वास यानाः दइगु मुक्तियागु खँ थुइके फय्‌का बी।

यहोशू 24:15

परमप्रभुयागु सेवा याये मयःसा सुयागु सेवा यायेगु खः व छिमिसं थौं ल्‍य। छिमि पुर्खातय्‌सं यूफ्रेटिस खुसिया उखे पुजा याःपिं द्यःत कि छिपिं आः च्‍वनाच्‍वंगु देशयापिं एमोरीतय् द्यःत? जि व जिमि छेँजःपिन्‍सं धाःसा परमप्रभुयागु हे सेवा याये।”

न्‍यायकर्ता 13:12

मानोहं धाल, “छिं धाःगु खँ जुइ धुंकाः व मचां गज्‍याःगु नियम मानय् यायेमाः? व मचां गज्‍याःगु जीवन हनेमाः?”