एफिसी 6:3 - नेवाः बाइबल

³ “अथे याना च्‍वंसा जक छिमिगु भिं जुइ, अले छिपिं यक्‍व दँ म्‍वानाच्‍वने दइ।”

एफिसी 6:3 ပူးပေါင်းရင်းမြစ်များ

यशैया 3:10

धर्मी मनूतय्‌त धा, “छिमित भिं हे जुइ, छिमिसं थःम्‍हं याःगु ज्‍याया सिरपाः कायेखनी।”

यर्मिया 35:7

छिमिसं गुबलें छेँय् दय्‌के मते, पुसा नं तये मते वा दाखक्‍यब नं दय्‌के मते। छिमिसं थज्‍याःगु ज्‍या गुबलें याये मते। तर जिवंकाःछि हे छिपिं पालय् च्‍वँ। अले छिपिं चाचाःहिला जुयाच्‍वंगु थ्‍व देशय् ताःई तक च्‍वनी।’

यर्मिया 42:6

व जिमित यःगु जुइमा वा मयःगु जुइमा, जिमिसं परमप्रभु जिमि परमेश्‍वरया आज्ञा पालन याये, गुम्‍हय्‌सिथाय् जिमिसं छितः छ्वयेत्‍यनागु दु। जिमित बां हे लायेमा, छाय्‌धाःसा जिमिसं परमप्रभु जिमि परमेश्‍वरयागु आज्ञा पालन याये।”

एफिसी 6:2

“काय् म्‍ह्याय्‌पिन्‍सं थः मां बौयात हनाबना तयेमाः” – परमेश्‍वरं बचंनापं तुं बियादीगु थ्‍व न्‍हापांगु आज्ञा खः।

एफिसी 6:4

बौपिन्‍सं थः मस्‍तय्‌त तंचाय्‌केगु याये मते, बरु इमित प्रभुयागु खँ स्‍यनेकने यानाः वय्‌कःया अनुशासनय् ब्‍वलंकी।

व्‍यवस्‍था 12:25

छिमिसं उकियात नये मते, अले छिमिसं परमप्रभुया मिखाय् भिं ताःगु ज्‍या याःगुलिं छिपिं व छिमि लिपायापिं सन्‍तानतय्‌गु भिं जुइमा।

व्‍यवस्‍था 12:28

जिं छिमित बियागु आज्ञा बांलाक न्‍यँ, अले छिमिसं परमप्रभु छिमि परमेश्‍वरयात यःगु ज्‍या याःगुलिं छिमिगु व छिमि सन्‍तानतय्‌गु भिं जुइ।

व्‍यवस्‍था 22:7

मांम्‍हय्‌सित त्‍वःताः मचायात छिमिसं यंके फु। अले छिमिगु भिं जुइ व छिपिं ताःई तक म्‍वाइ।

व्‍यवस्‍था 4:40

थौं जिं छिमित बीत्‍यनागु वय्‌कःया विधि व आज्ञा मानय् या, गुकिं यानाः छिमिगु व छिमि सन्‍तानतय्‌गु भिं जुइमा, अले परमप्रभु छिमि परमेश्‍वरं छिमित न्‍ह्याबलेंया निंतिं बियादीगु देशय् छिपिं ताःई तक म्‍वानाच्‍वनेमा।

व्‍यवस्‍था 5:16

“परमप्रभु छिमि परमेश्‍वरं आज्ञा बियादीगु थें छिमिसं थः मां-बौयात हनाबना या, अले परमेश्‍वरं बीत्‍यंगु देशय् छिपिं ताःई तक म्‍वाइ। अले अन छिमित भिं जुइ।”

व्‍यवस्‍था 5:33

परमप्रभु छिमि परमेश्‍वरं छिमित बियादीगु आज्ञाकथं फुक्‍क लँपुइ हुँ। अले छिमिसं अधिकार यायेगु देशय् छिपिं म्‍वानाच्‍वनी व छिमिगु भिं जुइ, अले छिपिं ताःई तक म्‍वाइ।

व्‍यवस्‍था 6:18

परमप्रभुयागु मिखाय् छु छु पाय्‌छि व भिं जू व हे जक या, अले छिमिगु भिं जुइ। अले छिमि पुर्खानापं परमप्रभुं पाफयाः बचं बियादीगु थें छिमिसं व भिंगु देश त्‍याकाकाये फइ।

व्‍यवस्‍था 6:3

हे इस्राएल न्‍यँ, थुपिं फुक्‍क बांलाक्‍क मानय् या अले छिमिगु भिं जुइ। परमप्रभु छिमि पुर्खातय् परमेश्‍वरं छिमित बचं बियादीगु थें दुरु व कस्‍ति बाः वयाच्‍वंगु देशय् छिमिगु ल्‍याः यक्‍व अप्‍वः जुइ।

रुथया सफू 3:1

छन्‍हु रुथया माजु नाओमीं वयात धाल, “हे जिमि म्‍ह्याय्, छु छंगु भिं जुइगु थाय् ममालेगु ला?