एफिसी 6:23 - नेवाः बाइबल

²³ दाजुकिजापिं, फुक्‍कसितं परमेश्‍वर बाः व प्रभु येशू ख्रीष्‍टपाखें शान्‍ति, दया माया व विश्‍वास दयाच्‍वनेमा।

एफिसी 6:23 ပူးပေါင်းရင်းမြစ်များ

उत्‍पत्ति 43:23

वं धाल, “ग्‍याये मते। छिमि व छिमि बौया परमेश्‍वरं छिमिगु बोराय् वहः तयाब्‍यूगु जुइ। छिमिसं ब्‍यूगु वहः ला जिं कयागु हे खः।” अले वं शिमियोनयात इमिथाय् हल।

यूहन्‍ना 14:27

“छिमित शान्‍ति बिया थके। जिं जिगु शान्‍ति छिमित बी। संसारं बीगु थज्‍याःगु शान्‍ति ला जिं छिमित बी मखु। छिमिसं नुगः मछिंके म्‍वाः, अले ग्‍याये नं म्‍वाः।

रोमी 1:7

परमेश्‍वरं सःताः पवित्र यानातःपिं रोमय् च्‍वंपिं परमेश्‍वरया यःपिं फुक्‍कसित छिमित झी परमेश्‍वर बाः व प्रभु येशू ख्रीष्‍टया दया माया व शान्‍ति दयेमा।

रोमी 15:33

शान्‍ति बियादीम्‍ह परमेश्‍वर छिपिंनाप दयेमा। आमेन।

१ कोरिन्‍थी 1:3

झी परमेश्‍वर बाः व प्रभु येशू ख्रीष्‍टं दया माया व शान्‍ति बियादीमा।

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।

गलाती 5:6

झीपिं ख्रीष्‍टनाप मिलय् जुइ धुन धाःसा म्‍हय् चिं तःसां मतःसां छुं नं पाइ मखु। झीत माःगु ला विश्‍वास खः। थ्‍व हे विश्‍वासं यानाः झीसं माया याये फइ।

गलाती 6:16

थथे न्‍हूपिं जुयाः म्‍वानाच्‍वंपिं धात्‍थेंयापिं इस्राएलीतय्‌त परमेश्‍वरं दया व शान्‍ति बियादीमा।

एफिसी 6:24

झी प्रभु येशू ख्रीष्‍टयात दुनुगलंनिसें माया याइपिं फुक्‍कसितं परमेश्‍वरयागु दया माया दयाच्‍वनेमा।

१ थेसलोनिकी 5:8

झीपिं जलय् च्‍वनीपिं जूगुलिं झीसं थःत कःघाना च्‍वनेमाः। झीसं ला विश्‍वास व मायायात छातिइ चीगु नँयागु पाता थें चिना तयेमाः अले मुक्तियागु आशायात तपुलि थें पुया च्‍वनेमाः।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

२ थेसलोनिकी 3:16

शान्‍ति बियादीम्‍ह प्रभु थःम्‍हं हे छिमित न्‍ह्याबलें फुक्‍क कथंयागु शान्‍ति बियादीमा। प्रभु छिपिं फुक्‍क नाप दीमा।

१ तिमोथी 1:14

ख्रीष्‍ट येशूयात यानागु विश्‍वास व मायां यानाः वय्‌कलं जितः तसकं दया यानादिल।

१ तिमोथी 1:3

जि माकेडोनियाय् वने त्‍यनाबलय् छन्‍त एफिससय् हे च्‍वँ धकाः धयागु खः। मखुगु खँ स्‍यनिपिन्‍त पनेत छ अज्‍ज नं अन हे च्‍वनाच्‍वँ।

१ तिमोथी 5:8

सुनां थःथितियागु, अज्‍ज ला थः हे जहानपिनिगु तकं सुसाःकुसाः याइ मखु, वयागु विश्‍वास सितिं वंगु ति ग्‍यनी। अज्‍याःपिं मनूत विश्‍वास मयाःपिं स्‍वयाः नं मभिंपिं जुइ।

१ पत्रुस 5:14

आम्‍कन च्‍वंपिं दाजुकिजापिं सकसितं थःथवय् यचु नुगलंनिसें माया यानाः ज्‍वजलपा यायेगु या। ख्रीष्‍टया मनूत, छिमित शान्‍ति दयाच्‍वनेमा।

३ यूहन्‍ना 1:14

याकनं हे जि आम्‍कन वयेत स्‍वयाच्‍वनागु दु। अले जिं छन्‍त फुक्‍क खँ कने।

प्रकाश 1:4

एशियाय् दुगु न्‍हय्‌गू मण्‍डलीयात यूहन्‍नापाखें ज्‍वजलपा। आः नं दीम्‍ह, न्‍हापा नं दीम्‍ह, अले झायादीत्‍यंम्‍ह, व वय्‌कःयागु सिंहासनयागु लिक्‍क च्‍वंपिं न्‍हय्‌म्‍ह आत्‍मापाखें छिमित दया माया व शान्‍ति दयेमा।

१ शमूएल 25:6

छिमिसं वयात धयाब्‍यु, ‘छि, छिकपिनि परिवार अले छिनापं दुपिं सकलें मनूतय्‌गु भिं जुइमा। छिं थः फैतय्‌गु सँ चानाच्‍वंगु दु धयागु खँ जिं न्‍यनागु दु।