एफिसी 6:19 - नेवाः बाइबल

¹⁹ जिगु निंतिं नं छिमिसं प्रार्थना यानाब्‍यु। जिं नवाइबलय् परमेश्‍वरं जितः वचन व नवायेत साहस बियादीमा, अले जिं वय्‌कःयागु भिंगु खँ नं मेपिन्‍त बांलाक ध्‍वाथुइका बी फयेमा धकाः प्रार्थना या।

एफिसी 6:19 ပူးပေါင်းရင်းမြစ်များ

प्रेरित 13:46

अय्‌नं पावल व बारनाबासं मग्‍यासे थथे धाल – “परमेश्‍वरयागु भिंगु खँ छिकपिन्‍त निं न्‍हापालाक न्‍यंके माःगु खः। छिकपिन्‍सं हे न्‍यने मयः धाल धाःसा, अले थःपिन्‍त अनन्‍त जीवन कायेत मल्‍वःपिं ताय्‌कल धाःसा आः जिपिं यहूदीमखुपिन्‍थाय् वनाः कं वने।

प्रेरित 14:3

अय्‌नं इपिं मग्‍यासे प्रभुयागु वचन स्‍यँस्‍यं तःन्‍हु तक अन च्‍वनाच्‍वन। इमिसं नवाःगु प्रभुयागु वचन खः धकाः दसि बीत इमिसं यक्‍व अजू चायापुगु चिं व ज्‍या यानाक्‍यन।

प्रेरित 18:26

वं धर्मशास्‍त्र स्‍यनीगु छेँय् वनाः मग्‍यासे स्‍यनेकने याना जुल। थथे वं स्‍यना जूगु प्रिस्‍किला व अकिलासं न्‍यनाः वयात थःगु छेँय् ब्‍वना यंकाः परमेश्‍वरयागु लँयागु खँ अज्‍जं बांलाक ध्‍वाथुइका बिल।

प्रेरित 19:8

अले पावलं स्‍वला तक धर्मशास्‍त्र स्‍यनीगु छेँय् वनाः इपिं दक्‍वसिया न्‍ह्यःने मनूतय्‌त मग्‍यासे परमेश्‍वरया राज्‍ययागु खँ कनाः विश्‍वास याकेगु कुतः यात।

प्रेरित 2:4

थुकथं इपिं फुक्‍कं पवित्र आत्‍मां जायाः वय्‌कःयागु शक्तिं इमिसं मेमेगु भाषां नवाना हल।

प्रेरित 28:31

थुकथं वं परमेश्‍वरयागु राज्‍ययागु खँ न्‍यंकाः प्रभु येशू ख्रीष्‍टयागु खँ स्‍यनाच्‍वन। वयात सुनानं पने मफु, अले वं मग्‍यासे थथे यानाच्‍वन।

प्रेरित 4:13

पत्रुस व यूहन्‍नां आखः मसःसां थथे मग्‍यासे लिसः ब्‍यूगु न्‍यनाः फुक्‍कं छक्‍क जुल। अले इपिं येशू नाप जूपिं खः धकाः नं इमिसं सिल।

प्रेरित 4:29

आः ला प्रभु, इमिसं जिमित गय् च्‍वंक ख्‍यानाच्‍वन। अथे जूगुलिं छिकपिनि दासतय्‌त अझ हे मग्‍यासे नवाये फय्‌कादिसँ।

प्रेरित 4:31

प्रार्थना याये सिधये धुंकाः इपिं मुनाच्‍वंगु थाय् सन। अले इपिं फुक्‍कं पवित्र आत्‍मां जाल। अले इमिसं परमेश्‍वरयागु वचन मग्‍यासे नवाना जुल।

प्रेरित 9:27

अले बारनाबासं वयात प्रेरिततय्‌थाय् ब्‍वना हयाः गथे लँय् वनाच्‍वंबलय् प्रभुं दर्शन बियाः शाऊल नाप नवानादिल, अले दमस्‍कसय् छफुति हे मग्‍यासे वं येशूयागु खँ न्‍यंकल धकाः कन।

प्रेरित 9:29

अले ग्रीक भाय् ल्‍हाइपिं यहूदीत नाप नं जवाःसवाः याः जुल। अय्‌जूगुलिं इमिसं वयात स्‍यायेत स्‍वल।

रोमी 15:30

यःपिं दाजुकिजापिं, झी प्रभु येशू ख्रीष्‍टया नामं व पवित्र आत्‍मां बियादीगु मायां जिगु निंतिं जिलिसें मदिक्‍क परमेश्‍वरयात प्रार्थना यानाब्‍यु धकाः बिन्‍ति यानाच्‍वना।

रोमी 16:25

परमेश्‍वरयात तःधंकि, छाय्‌धाःसा छिमिगु विश्‍वास बल्‍लाकादी फुम्‍ह परमेश्‍वर हे खः। न्‍हापांनिसें गुप्‍त तयातःगु येशू ख्रीष्‍टयागु भिंगु खँ आः सकसितं सीके बियादीगु दु।

१ कोरिन्‍थी 1:5

ख्रीष्‍टयात विश्‍वास याःगुलिं छिपिं फुक्‍क खँय् तःमि जुल। छिमिके सकतां ज्ञान नं दत, अले बांलाक थुइकाः खँ नं ल्‍हाये सल।

१ कोरिन्‍थी 2:7

जिं परमेश्‍वरयागु हे गुप्‍ति ज्ञानया खँ ल्‍हाना च्‍वना। थ्‍व संसार हे मदुनिबलय् निसें परमेश्‍वरं झीगु महिमाया निंतिं थ्‍व ज्ञान झीत ल्‍ययातःगु खः। थ्‍व ज्ञान मनूतपाखें सुलाच्‍वंगु गुप्‍ति खँ खः।

१ कोरिन्‍थी 4:1

जिपिं परमेश्‍वरयागु गुप्‍ति खँ लःल्‍हाना तःपिं ख्रीष्‍टया च्‍यःत खः धकाः छिमिसं भाःपीमाः।

२ कोरिन्‍थी 1:11

छिमिसं नं जिमिगु ग्‍वाहालिया निंतिं थथे हे प्रार्थना यानाः परमेश्‍वरं जिमित आशिष बियादीगुलिं यक्‍वसिनं वय्‌कःयात सुभाय् बियाच्‍वंगु दु।

२ कोरिन्‍थी 3:12

थ्‍व खँय् आशा यानाः हे जिमिसं मग्‍यासे थथे नवाये फुगु खः।

२ कोरिन्‍थी 6:11

कोरिन्‍थय् च्‍वंपिं यःपिं दाजुकिजापिं, धायेमाःगु खँ फुक्‍कं सुमचुकूसे छिमित धयाबियागु हे दु। जिमिगु नुगः चक्‍कं।

२ कोरिन्‍थी 7:4

छिमित जिं यक्‍व हे पत्‍याः यानाच्‍वनागु दु। छिमिगुपाखें जिं फुइँ यायेथाय् दु। छिमिगुपाखें सान्‍त्‍वना दयाः न्‍ह्यागु दुःखकष्‍ट जूसां जितः लय्‌ता वः।

२ कोरिन्‍थी 8:7

छिमिके दुगु फुक्‍क खँय् छिपिं तःमि, विश्‍वास यायेगुलिइ, नवायेगुलिइ, ज्ञानय्, ग्‍वाहालि बीगुलिइ अले जिमित माया यायेगुलिइ नं। उकिं भेटी बीगुलिइ नं छिमिसं अथे याना क्‍यँ धकाः जिमिसं बिन्‍ति यानाच्‍वना।

एफिसी 1:9

ख्रीष्‍टपाखें पूवंकादीगु फुक्‍क गुप्‍ति ज्‍याखँ वय्‌कलं झीत सीके बियादिल।

एफिसी 3:9

दक्‍व फुक्‍कं सृष्‍टि यानादीम्‍ह परमेश्‍वरं न्‍हापांनिसें थ्‍व गुप्‍ति खँ सुयातं सीके बियामदी। आः धाःसा वय्‌कलं थ्‍व गुप्‍ति खँ जिगुपाखें फुक्‍क मनूतय्‌त सीके बियादीगु दु।

कलस्‍सी 2:2

छिमित साहस दयेमा, अले थःथवय् माया यानाच्‍वनेमा धकाः जिं थथे यानाच्‍वनागु खः। अले छिमिसं फुक्‍क खँ ध्‍वाथुइके फइ। थुकथं छिमिसं परमेश्‍वरयागु गुप्‍ति खँ ख्रीष्‍टयात नं बांलाक म्‍हसीके फइ।

कलस्‍सी 4:3

जिमिगु निंतिं नं प्रार्थना या। ख्रीष्‍टयागु खँ कनेत व परमेश्‍वरयागु वचन न्‍यंकेत वय्‌कलं न्‍ह्याथासं लँ चायेकादीमा धकाः प्रार्थना या। थुकियागु निंतिं हे जिं थथे झ्‍यालखानाय् कुंका च्‍वनेमाल।

१ थेसलोनिकी 2:2

आम्‍कन वये न्‍ह्यः फिलिप्‍पी च्‍वंपिन्‍सं जिमित दुःख बियाः नं जिमिगु इज्‍जत तकं काल धकाः ला छिमिसं सि हे स्‍यू। अय्‌नं परमेश्‍वरं जिमित साहस बियादीगुलिं जिमिसं न्‍ह्याक्‍व हे विरोधीत दःसां छिमित भिंगु खँ न्‍यंकेगु मत्‍वःता।

१ थेसलोनिकी 5:25

दाजुकिजापिं, जिमिगु निंतिं प्रार्थना या।

२ थेसलोनिकी 3:1

दाजुकिजापिं, प्रभुयागु भिंगु खँ न्‍यंकभनं न्‍यनावनेमा, अले छिमिसं थें फुक्‍कसिनं न्‍यनाः विश्‍वास यायेमा धकाः जिमिगु निंतिं प्रार्थना याना च्‍वँ।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

फिलेमोन 1:22

मेगु छता खँ नं धाये – छिमिसं प्रार्थना यानाच्‍वंगुलिं जि हानं छिमिथाय् वये दइ ला धकाः आशा यानाच्‍वनागु दु। अय्‌जूगुलिं जितः क्‍वथा छकू स्‍वयाः तयाति।

हिब्रू 13:18

जिमिगु निंतिं प्रार्थना याना हे च्‍वँ। जिमित विश्‍वास दु, जिमिगु नुगः यचुसे च्‍वँ, छाय्‌धाःसा जिमित बांलाःगु ज्‍या जक याये मास्‍ति वः।