एफिसी 6:18 - नेवाः बाइबल

¹⁸ न्‍ह्याबलें छिमिसं पवित्र आत्‍मायागु शक्ति कयाः प्रार्थना या, अले परमेश्‍वरयागु ग्‍वाहालि फ्‍वँ। होशियार जु, अले न्‍ह्याथासय् च्‍वंपिं विश्‍वासीतय्‌गु निंतिं मदिक्‍क प्रार्थना या।

एफिसी 6:18 ပူးပေါင်းရင်းမြစ်များ

१ राजा 8:52

“छिगु मिखा थःदासया बिन्‍ति व छिकपिनि मनूत इस्राएलीतय्‌गु बिन्‍तिया निंतिं चालाच्‍वनेमा। इमिसं बिन्‍ति याइबलय् छिं ध्‍यान बियाः न्‍यनादिसँ।

१ राजा 8:54

सोलोमनं परमप्रभुयात थ्‍व बिन्‍ति यायेधुंकाः स्‍वर्गपाखे ल्‍हाः ल्‍ह्वनाः थः पुलिं चुयाच्‍वंगु परमप्रभुया वेदीया न्‍ह्यःनं व दन।

१ राजा 8:59

जिं थौं परमप्रभुया न्‍ह्यःने यानागु बिन्‍ति व प्रार्थना चान्‍हि झी परमप्रभु परमेश्‍वरया नुगलय् दयाच्‍वनेमा, अले वय्‌कलं न्‍हि न्‍हिया माःकथं थःदासया व थः प्रजा इस्राएलया न्‍याय यायेगु यायेमा।

१ राजा 9:3

परमप्रभुं वयात धयादिल, “जिं छंगु प्रार्थना व जिगु न्‍ह्यःने याःगु बिन्‍ति न्‍यनागु दु। छं दय्‌कूगु थ्‍व देगलय् जिं थःगु नां न्‍ह्याबलेंया निंतिं तयाः उकियात पवित्र यानागु दु। जिगु मिखा व मन न्‍ह्याबलें अन वनाच्‍वनी।

एस्‍तर 4:8

यहूदीतय्‌त नाश यायेगु उजं दुगु व शूशनय् पिकाःगु जुजुया उजं पौया छगू नक्‍कल वं हताकयात बिल। व यंका एस्‍तरयात ब्‍यु अले फुक्‍क खँ वयात कं अले वं जुजुयाथाय् वनाः धयाबीमा व थःगु जातिया मनूतय्‌के जुजुया दया दयेमा धकाः मोर्दकैनं एस्‍तरयाथाय् बुखँ बीत हताकयात लितछ्वल।

अय्‍यूब 27:10

वयात दक्‍व शक्ति दुम्‍ह परमेश्‍वरपाखें लसता दइ ला? वं न्‍ह्याबलें वय्‌कःया नां कयाः बिन्‍ति यानाच्‍वनी ला?

भजनसंग्रहया सफू 4:1

जिं सःतेबलय् जितः लिसः बियादिसँ। जितः दोषं मुक्त यानादीम्‍ह, हे जिमि परमेश्‍वर, जितः जिगु दुःखं पार यानाबियादिसँ। जितः दया यानादिसँ, अले जिगु प्रार्थना न्‍यनादिसँ।

भजनसंग्रहया सफू 6:9

परमप्रभुं जिगु प्रार्थना न्‍यनादी धुंकल। परमप्रभुं जिगु प्रार्थनाया लिसः बियादी।

यशैया 26:16

परमप्रभु, छिं थः प्रजायात सजाँय बियादीगु दु। अले मनय् दुःखकष्‍ट जुयाः इमिसं छितः बिन्‍ति यात।

दानिएल 6:10

व पौलय्‌ सही याये धुंकूगु सियाः दानिएल थःगु छेँय् वन। वयागु छेँय्‌या तलय्‌यागु क्‍वथाया झ्‍याः यरूशलेमपाखे स्‍वः। अले न्‍हापा न्‍हापा याःगु थें झ्‍याःपाखे स्‍वयाः वं परमेश्‍वरया न्‍ह्यःने न्‍हि स्‍वकः पुलिं चुयाः सुभाय् बीगु व प्रार्थना यायेगु यात।

दानिएल 9:20

जिगु व थः इस्राएली दाजुकिजापिनिगु पाप नाला कयाः परमप्रभु जिमि परमेश्‍वरयात वय्‌कःया पवित्र पर्वतया निंतिं बिन्‍ति याना हे च्‍वना।

होशे 12:4

याकूबं स्‍वर्गदूतनापं ल्‍वानाः हे त्‍याकल। व ख्‍वल, अले वं आशिषया निंतिं इनाप यात। वं बेथेलय् वय्‌कःयात नापलात, अले वय्‌कःनापं वं खँ ल्‍हात।

जकरिया 12:10

“दाऊदया घराना व यरूशलेमयापिं मनूतय्‌त दया व प्रार्थनाया आत्‍मां जाय्‌काबी। इमिसं थःपिन्‍सं सुयाब्‍यूम्‍ह मनू, जितः स्‍वइ। अले मनूत याक काय्‌या निंतिं शोक याःगु थें वयागु निंतिं इपिं दुखं च्‍वनी। दकलय् न्‍हापा बूम्‍ह काय्‌या निंतिं थें दुखं च्‍वनी।

मत्ती 17:21

थज्‍याःगु ज्‍या अपसं मच्‍वंकं व प्रार्थना मयाय्‌कं याये फइ मखु।”

मत्ती 26:41

मद्यंसे प्रार्थना याना च्‍वँ, मखुसा छिपिं जाँचय् लाइ। आत्‍मा ला न्‍ह्यचिलाच्‍वंगु दु, म्‍ह जक बमलाः।”

मर्कूस 13:33

अय्‌जूगुलिं होश‍यानाच्‍वँ, छाय्‌धाःसा थथे गुबलय् जुइ धकाः छिमिसं मस्‍यू।

मर्कूस 14:38

मद्यंसे प्रार्थना याना च्‍वँ, मखुसा छिपिं जाँचय् लाइ। आत्‍मा ला तयार दु, म्‍ह धाःसा बमलाः।”

लूका 21:36

अय्‌जूगुलिं होश‍ यानाच्‍वँ। व दिनय् जू वइगु फुक्‍क खं बचय् जुइत व मनूया काय्‌या न्‍ह्यःने दने फय्‌केत छिमिसं न्‍ह्याबलें प्रार्थना याना च्‍वँ।”

लूका 22:46

अले वय्‌कलं धयादिल – “छिपिं छाय् द्यनाच्‍वनागु? दनाः प्रार्थना या। अले जक दुःखकष्‍ट जू वःसां छिपिं बल्‍लाना च्‍वने फइ।”

लूका 3:26

माथ, मत्ताथियास, सेमैन, योसेख, योदा,

लूका 3:37

मतूशेलह, हनोक, येरेद, महलालेल, केनान,

प्रेरित 1:14

इपिं फुक्‍कं छगू हे मनयापिं जुयाः मेमेपिं मिसात, येशूया मां मरियम व वय्‌कःया किजापिं नाप प्रार्थना यानाच्‍वनीगु खः।

प्रेरित 10:2

व छम्‍ह धर्मीम्‍ह मनू खः। व अले वया जहानपिं फुक्‍कसिनं परमेश्‍वरयात मानय् याः। वं फ्‍वं वःपिन्‍त नुगः मस्‍यासे ब्‍यू। अले परमेश्‍वरयात न्‍ह्याबलें प्रार्थना नं याः।

प्रेरित 12:5

पत्रुसयात झ्‍यालखानाय् कुनातःबलय् मण्‍डलीइ च्‍वंपिन्‍सं वयात त्‍वःताब्‍यु धकाः परमेश्‍वरयाके प्रार्थना यानाच्‍वन।

प्रेरित 6:4

जिपिं जक प्रार्थनाय् व परमेश्‍वरयागु वचन न्‍यंकेगु ज्‍याय् जुयाच्‍वने।”

रोमी 12:12

छिमिके तःधंगु आशा दुगुलिं लय्‌ताया च्‍वँ। दुःखकष्‍ट जूसां सहयाना च्‍वँ। प्रार्थना यायेगु गुबलें त्‍वःते मते।

रोमी 8:15

थथे खः धयागु जूसा परमेश्‍वरया न्‍ह्यःने दास थें ग्‍याना च्‍वनेमाःगु मन्‍त, बरु काय् जुइगु आत्‍मा झीत बियादीगुलिं झीपिं वय्‌कःया सन्‍तान खः धकाः झीसं धाये दत। थथे झीसं “अब्‍बा, बाः” धकाः धाये दत।

गलाती 4:6

झीपिं नं परमेश्‍वरया काय्‌पिं खः धकाः सीकेत परमेश्‍वरं थः काय्‌यागु आत्‍मा झीगु नुगलय् तयादिल। अले थ्‍व हे आत्‍मां झीगु नुगलं “अब्‍बा, जिमि बाः” धकाः धयादी।

एफिसी 1:16

जिं परमेश्‍वरयात न्‍ह्याबलें सुभाय् बियाच्‍वनागु दु। अले प्रार्थना यायेबलय् छिमित नं लुमंकाच्‍वनागु दु।

एफिसी 2:22

छिपिं नं मेपिं थें पवित्र आत्‍माय् परमेश्‍वर च्‍वनादीगु छेँ जुइत नापनापं च्‍वजाया वनी।

एफिसी 3:18

अले छिमिसं नं परमेश्‍वरया मनूतय्‌सं थें ख्रीष्‍टयागु मायायागु हाकः, ब्‍या, जाः गुलि दु धकाः बांलाक सीके फइ।

एफिसी 3:8

परमेश्‍वरया चिधंम्‍ह स्‍वयाः नं अज्‍ज चिधंम्‍ह मनू जितः हे ख्रीष्‍टयागु तःजिगु भिंगु खँ यहूदीमखुपिन्‍त न्‍यंकः वनेगु ज्‍या परमेश्‍वरं लःल्‍हानादिल।

एफिसी 6:19

जिगु निंतिं नं छिमिसं प्रार्थना यानाब्‍यु। जिं नवाइबलय् परमेश्‍वरं जितः वचन व नवायेत साहस बियादीमा, अले जिं वय्‌कःयागु भिंगु खँ नं मेपिन्‍त बांलाक ध्‍वाथुइका बी फयेमा धकाः प्रार्थना या।

फिलिप्‍पी 1:4

छिमिगु निंतिं जिं न्‍ह्याबलें लय्‌लय्‌तातां प्रार्थना यानाच्‍वनागु दु।

फिलिप्‍पी 4:6

छुं खँय् नं पीर काये मते। छिमित माःगु खँ प्रार्थना यानाः सुभाय् बियाः परमेश्‍वरयात बिन्‍ति या।

कलस्‍सी 1:3

जिमिसं छिमिगु निंतिं प्रार्थना यायेबलय् झी प्रभु येशू ख्रीष्‍टया बाः परमेश्‍वरयात न्‍ह्याबलें सुभाय् बियाच्‍वनागु दु।

कलस्‍सी 1:4

छाय्‌धाःसा छिमिसं येशू ख्रीष्‍टयात विश्‍वास यानाच्‍वंगु व परमेश्‍वरया मनूतय्‌त दया माया यानाच्‍वंगु खँ जिमिसं न्‍यना तयागु दु।

कलस्‍सी 4:2

छिमिसं प्रार्थना यायेगु गुबलें त्‍वःते मते। म्‍हुतुं जक प्रार्थना यायेगु मखु, दुनुगलंनिसें परमेश्‍वरयात सुभाय् बियाः प्रार्थना यायेमाः।

१ थेसलोनिकी 5:17

न्‍ह्याबलें प्रार्थना याना च्‍वँ।

१ तिमोथी 2:1

अय्‌जूगुलिं दक्‍वसिबय् न्‍हापां मण्‍डलीयापिन्‍त जिं धाये – फुक्‍क मनूतय्‌गु निंतिं प्रार्थना व बिन्‍ति यायेगु व सुभाय् बीगु या।

२ तिमोथी 1:3

जिं जिमि तापाःबाज्‍यापिन्‍सं थें दुनुगलंनिसें परमेश्‍वरयागु ज्‍या यानाच्‍वनागु दु। प्रार्थना यायेबलय् जिं छन्‍त लुमंकाः चान्‍हिं परमेश्‍वरयात सुभाय् बियाच्‍वनागु दु।

फिलेमोन 1:5

प्रभु येशू ख्रीष्‍ट व फुक्‍क विश्‍वासीतय्‌त छं उतिकं माया व विश्‍वास यानाच्‍वंगु खँ जिं न्‍यनागु दु।

हिब्रू 5:7

संसारय् दीबलय् हे येशूं मिखाय् ख्‍वबि हाय्‌काः थःत हानं म्‍वाका दीम्‍हय्‌सित बिन्‍ति व प्रार्थना यानादिल। वय्‌कः क्‍वमिलुम्‍ह जूगुलिं व बाःयात दुनुगलंनिसें मानय् यानादीम्‍ह जूगुलिं वय्‌कःयागु बिन्‍ति व प्रार्थना परमेश्‍वरं न्‍यनादिल।

१ पत्रुस 4:7

थ्‍व संसार याकनं हे मदया वनिन। उकिं मन थातय् लाकाः प्रार्थना याना च्‍वँ।

यहूदा 1:20

यःपिं पासापिं, छिमिसं जक परमेश्‍वरयात क्‍वात्तुक विश्‍वास याना च्‍वँ, अले पवित्र आत्‍मायागु शक्तिं सदां प्रार्थना याना च्‍वँ।

१ शमूएल 1:12

वं ताःई तक परमप्रभुया न्‍ह्यःने प्रार्थना याना हे च्‍वन। एलीं वयागु म्‍हुतु संगु खन।