एफिसी 6:16 - नेवाः बाइबल

¹⁶ विश्‍वास हे छिमित बचय् याना तइगु ढाल खः। थुकिं छिमिसं शैतानयागु न्‍ह्याथें ज्‍याःगु मियागु वाण नं स्‍याये फइ।

एफिसी 6:16 ပူးပေါင်းရင်းမြစ်များ

उत्‍पत्ति 15:1

थथे जूगुयां छुं ई लिपा परमप्रभुं अब्रामयात दर्शन बियाः थथे धयादिल, “ग्‍याये मते अब्राम। जिं छन्‍त बचय् याये। जिं छन्‍त तःधंगु सिरपाः बी।”

२ शमूएल 22:36

हे परमप्रभु! छिं जितः थःगु ढाल बियाः बचय् यानादीगु दु। छिगु ग्‍वाहालिं जितः तःधंकादीगु दु।

भजनसंग्रहया सफू 120:4

वय्‌कलं छन्‍त सिपाइँया च्‍वामुगु वाणं अले च्‍यानाच्‍वंगु हेंग्‍वां सजाँय बियादी।

भजनसंग्रहया सफू 7:13

वय्‌कलं थःगु ग्‍यानापुगु ल्‍वाभः ज्‍वनादी। वय्‌कलं थःगु मियागु वाण ल्‍ह्वनादी।

हितोपदेश 18:10

परमप्रभुयागु नां बल्‍लाःगु किल्‍ला थें खः। धर्मी मनूत थन वनाः थःगु रक्षा याये फइ।

मत्ती 5:37

छु धायेमाःगु खः – खःसा खः जक धा, मखुसा मखु जक धा। थुलिं अप्‍वः खँ शैतानपाखेंयागु जक खः।

२ कोरिन्‍थी 1:24

छिमिगु विश्‍वासयात जिमिसं थःगु ल्‍हातय् कायेत स्‍वयागु मखु। छिमिसं क्‍वात्तुक विश्‍वास यानाच्‍वंगु दु। छिमित लय्‌ताय्‌केत हे जिपिं छिपिंनाप ज्‍या यानाच्‍वनागु खः।

१ थेसलोनिकी 5:19

पवित्र आत्‍मायागु इच्‍छायात त्‍यलेत स्‍वये मते।

१ थेसलोनिकी 5:8

झीपिं जलय् च्‍वनीपिं जूगुलिं झीसं थःत कःघाना च्‍वनेमाः। झीसं ला विश्‍वास व मायायात छातिइ चीगु नँयागु पाता थें चिना तयेमाः अले मुक्तियागु आशायात तपुलि थें पुया च्‍वनेमाः।