एफिसी 6:15 - नेवाः बाइबल

¹⁵ शान्‍ति बीगु भिंगु खँ न्‍यंकः वनेत लाकां न्‍ह्यानाः तयार जु।

एफिसी 6:15 ပူးပေါင်းရင်းမြစ်များ

श्रेष्‍ठगीत 7:1

हे अजू चाइपुसे च्‍वंम्‍ह ल्‍यासेम्‍ह मिसा, लाकां न्‍ह्यानातःगु छंगु तुति गुलि बांलाः। छम्‍ह कारिगरं दय्‌कातःगु थें छंगु यइपुस्‍से च्‍वंगु तुति रत्‍न थें च्‍वं।

यशैया 52:7

डाँडात जुयाः सुसमाचार न्‍यंकःवनीपिनिगु तुति गुलि बांलाः, गुपिन्‍सं शान्‍तिया घोषणा याइ, गुपिन्‍सं भिंगु बुखँ हइ, अले उद्धारयात घोषणा याइ, गुपिन्‍सं सियोनयात थथे धाइ, “छिमि परमेश्‍वरं राज्‍य यानादी।”

हबकूक 3:19

परमप्रभु परमेश्‍वर जिगु बल खः, वय्‌कलं जिगु तुति चल्‍लाया तुति थें यानादी, वय्‌कलं जितः तः तःजाःगु थासय् वने बहःम्‍ह यानादी। लय् तइम्‍हसिया निंतिं – जिगु तार बाजाय् थाइगु लय्।

मर्कूस 6:9

बरु लाकां न्‍ह्यानाः हुँ। वसः नं छजु जक फिनाः हुँ।”

लूका 15:22

“तर अबुम्‍हय्‌सिनं च्‍यःतय्‌त सःताः थथे धाल – ‘याकनं हे दकलय् बांलाःगु वसः हयाः वयात पुंकि। वयागु पतिनय् अंगू नं न्‍ह्याकाः ब्‍यु। अले तुतिइ लाकां नं न्‍ह्याकाः ब्‍यु।

रोमी 10:15

मछ्वय्‌कं गथे यानाः मनूतय्‌सं न्‍यंकः वनी? यशैयायागु सफुलिइ थथे च्‍वयातःगु दु – “भिंगु खँ न्‍यंक वःपिं मनूत वयाच्‍वंगु गुलि बांलाः।”

व्‍यवस्‍था 33:25

इमिगु मू ध्‍वाखाय् न व कँय्‌यागु गजबार जुइ, इमिगु बल इमिगु न्‍हि थें जुइ।”