एफिसी 6:13 - नेवाः बाइबल

¹³ अय्‌जूगुलिं परमेश्‍वरं बियादीगु फुक्‍क ल्‍वाभः ज्‍वँ। अले मभिंगु इलय् शैतानं हय्‌क्‍काः वःसां छिपिं व नाप ल्‍वाये फइ। अले लिपा तकं छिपिं त्‍याना हे च्‍वनी।

एफिसी 6:13 ပူးပေါင်းရင်းမြစ်များ

उपदेशक 12:1

दुःखया ई वये न्‍ह्यः, अले “थ्‍व ई वइगु जितः मयः” धकाः छं धाये न्‍ह्यः हे थःगु ल्‍याय्‌म्‍हया इलय् थःत दय्‌कादीम्‍हय्‌सित लुमंकेगु या!

आमोस 6:3

छिमिसं वयाच्‍वंगु विपत्तियात चीकाछ्वइ, तर आतंकया ईयात न्‍ह्यःने हइ।

मलाकी 3:2

वय्‌कः झाइबलय् सुनां सह याये फइ? वय्‌कः खने दइबलय् सु दनाच्‍वने फइ? छाय्‌धाःसा वय्‌कः लुँकःमितय्‌गु मि व ध्‍वब्‍यातय्‌गु साबुं थें खः।

लूका 21:36

अय्‌जूगुलिं होश‍ यानाच्‍वँ। व दिनय् जू वइगु फुक्‍क खं बचय् जुइत व मनूया काय्‌या न्‍ह्यःने दने फय्‌केत छिमिसं न्‍ह्याबलें प्रार्थना याना च्‍वँ।”

लूका 8:13

ल्‍वहं दुथाय् लाःगु पुसा परमेश्‍वरयागु वचन न्‍यनाः लय्‌लय्‌तायाः विश्‍वास याइपिं मनूत खः। अय्‌नं वचन इमिगु दुनुगलय् थ्‍यंक दुहां मवंगुलिं इमिसं छुं ई तक जक विश्‍वास याइ। दुःखकष्‍ट वयेवं इमिसं विश्‍वास यायेगु त्‍वःताछ्वइ।

रोमी 13:12

चा फुइन, आः न्‍हि वइन। उकिं खिउँबलय् यायेगु ज्‍या त्‍वःताः जःयागु ल्‍वाभः ज्‍वनाः तयार जु।

२ कोरिन्‍थी 10:4

थ्‍व संसारयागु हतियार ज्‍वनाः जिपिं ल्‍वानाच्‍वनागु मदु, बरु परमेश्‍वरं बियादीगु शक्तिं म्‍वाःमदुगु खँ ल्‍हानाजुइपिन्‍त जिमिसं बुकाबियागु दु।

एफिसी 5:16

इलं लाःबलय् हे छिमिसं भिंगु ज्‍याखँ याना जु, छाय्‌धाःसा ई तसकं मभिं।

एफिसी 5:6

छिमिसं सुयागुं बकंफुस्‍लु खँ न्‍यने मते। थुकिं छिमित स्‍यंकी। परमेश्‍वरयात विश्‍वास मयाइपिन्‍सं वय्‌कःयागु तं फयेमाली।

कलस्‍सी 4:12

छिमिथाय् हे च्‍वंम्‍ह ख्रीष्‍ट येशूया मेम्‍ह दास इपाफ्रासं नं छिमित ज्‍वजलपा धयाहःगु दु। छिमिसं क्‍वात्तुक विश्‍वास यानाः परमेश्‍वरयात यःकथं जक यानाच्‍वने फयेमा धकाः वं छिमिगु निंतिं न्‍ह्याबलें प्रार्थना यानाच्‍वंगु दु।

याकूब 4:7

उकिं छिमिसं वय्‌कलं धयादीगु खँ मानय् याना च्‍वँ। शैतानं धाःगु खँ मानय् याये मते, अले वं छिमित थी फइ मखु।

१ पत्रुस 4:1

ख्रीष्‍टं शरीरय् दुःख सियादी थें तुं छिपिं नं सीमाःसां लिचिले मते, छाय्‌धाःसा सुनां शरीरय् दुःख फइ, वं पाप यायेगु त्‍वःती।

प्रकाश 3:10

“छिमिसं न्‍ह्यागु दुःखकष्‍ट सहयाना नं जिगु वचन मानय् यानाच्‍वन। उकिं जिं नं छिमित संसारय् च्‍वंपिं फुक्‍कसितं जाँचय् यायेत जू वइगु दुःखकष्‍टं बचय् याये।

प्रकाश 6:17

छाय्‌धाःसा वय्‌कलं न्‍याय व सजाँय याइगु दिं वये धुंकल, उकिं सु जक बचय् जुयाः च्‍वने फइ?”