7 उकिं थज्याःपिं मनूत नाप बुला जुयाः जुइ मते।
खुँयात नापलाइबलय् छ खुँया हे पासा जुइगु, अले छ व्यभिचारीतनापं मिलय् जुयाः जुइगु।
बुद्धिमानपिंलिसे जुइपिं बुद्धिमान हे जुइ। मूर्खतलिसे जुइपिन्सं थःत स्यंकी।
छिमि म्वाये मंदुसा थःपिनिगु ग्वाज्यः पहः त्वःति, अले म्वायेत स्व। बुद्धिया लँय् जु।”
खलःयात वं ख्याच्वः बिल, “थुपिं मभिंपिं मनूतय्गु पालपाखें तापाक्क च्वँ। अले इमिगु छुं नं थी मते, मखुसा इमिगु पापया हुनिं छिपिं नं मदयावनी।”
विश्वासी मखुपिं मनूत नाप बुला जुयाः इमिसं थें ज्या सना जुइ मते। इमिसं याना जू थें झीसं याना जुइ मज्यू। भिंगु व मभिंगु मिलय् जुइ फइ ला? अले जः व खिउँ मिलय् जुइ फइ ला?
जिं धयाच्वनागु गुप्ति खँ थ्व हे खः – परमेश्वरयागु भिंगु खँ न्यना काःगुलिं यहूदीतय्त थें यहूदीमखुपिन्त नं परमेश्वरं उतिकं आशिष बियादी। थुपिं निखलः नं छम्ह हे खः। परमेश्वरं थुमित नं ख्रीष्ट येशूयात विश्वास याक्वसित बी धकाः धयादीगु बियादी।
खिउँथाय् जुयाच्वंपिनिगु ज्याखं तापाक हे च्वँ, बरु इमिसं यानाच्वंगु ज्या मभिं धकाः क्यनाब्यु।
हथाय् चायाः सुयातं छेनय् ल्हाः तयाः मण्डलीयागु ज्याय् तये मते, छाय्धाःसा व मनू मभिंम्ह जूसा वयागु पाप छन्त नं लाइ। थःत पापपाखें तापाक हे ति।
अले जिं स्वर्गं थथे धयाहःगु मेगु सः ताल – “जि यःपिं मनूत, वयाथासं पिहां वा। मवल धाःसा छिमिसं नं व नाप व्यभिचार याइ। वलिसे पाप याये मते, मखुसा छिमिसं वलिसे तुं सजाँय फयेमाली।
