एफिसी 5:5 - नेवाः बाइबल

⁵ छिमिसं सि हे स्‍यू, व्‍यभिचार यानाजुइपिं, मभिंपिं व कर्पिनिगुली मिखा वंकाः जुइपिं मनूत परमेश्‍वर व ख्रीष्‍टयागु राज्‍यय् च्‍वने खनी मखु। कर्पिनिगुली मिखा वंकाः जुइगु ला मूर्ति पुजा यायेगु ति हे ग्‍यं।

एफिसी 5:5 ပူးပေါင်းရင်းမြစ်များ

प्रस्‍थान 20:17

“थः जःलाखःलाया छेँय्, कलाः, च्‍यःभ्‍वातिं, द्वहं, गधा व छुं खँय् नं ल्‍वःवंके मते।”

प्रेरित 20:32

“आः जिं छिकपिन्‍त परमेश्‍वरया ल्‍हातय् व वय्‌कःया दया मायां जाःगु वचनय् त्‍वःताच्‍वना। वय्‌कलं हे छिकपिन्‍त विश्‍वासय् बल्‍लाकादी, अले यक्‍व आशिष बियादी।

प्रेरित 8:21

थ्‍व ज्‍याखँय् छं ल्‍हाः तये फइ मखु, छाय्‌धाःसा परमेश्‍वरयागु न्‍ह्यःने छंगु नुगः वँचु।

गलाती 5:19

मनूतय्‌गु बानी छु खः बांलाक हे सी दु। मनूतय्‌गु बानी थ्‍व हे खः – व्‍यभिचार यायेगु, मभिंगु मतिइ तयेगु, लाः लाः थें यानाजुइगु,

गलाती 5:21

डाहा यायेगु, अय्‌लाः थ्‍वँ त्‍वना जुइगु, मोजमज्‍जा यानाजुइगु, थथे हे मेमेगु ज्‍या यानाजुइगु। थज्‍याःपिं परमेश्‍वरयागु राज्‍यय् दुहां वने फइ मखु धकाः जिं न्‍हापा नं धायेधुन, आः नं थ्‍व हे खँ जिं छिमित धयाच्‍वना।

एफिसी 5:3

व्‍यभिचार यायेगु, मभिंगु मतिइ तया जुइगु व कर्पिनिगुली मिखा वंकाः जुइगु यानाः जुइ मज्‍यू।

कलस्‍सी 1:13

वय्‌कलं हे झीत शैतानयागु खिउँगु राज्‍यं लिगनाः थः यःम्‍ह काय्‌यागु राज्‍यय् हयादिल।

कलस्‍सी 3:5

अय्‌जूगुलिं संसारयागु ज्‍याखं छिमिसं थःत कःघाना च्‍वँ। व्‍यभिचार याये मते, मभिंगु ज्‍याखँ याये मते, लाः लाः थें सना जुइ मते, मभिंगु मतिइ तया जुइ मते, कर्पिनिगुली मिखा वंके मते, गुगु मूर्ति पुजा यायेगु ति हे ग्‍यं।

१ तिमोथी 6:10

फुक्‍क मभिंगु व बांमलाःगु ज्‍याया हा हे धिबायागु माया खः। गुलिखय् मनूतय्‌सं धिबायागु लोभय् लानाः विश्‍वास यायेगु हे त्‍वःताब्‍यूगु दु। उकिं सह याये मफयेक दुःखकष्‍ट जुयाः नुगः हीका च्‍वनेमाली।

१ तिमोथी 6:17

थ्‍व संसारय् च्‍वंपिं तःमि धाय्‌का च्‍वंपिन्‍त अप्‍वः तःधंछुया जुइ मते धकाः धयाब्‍यु। इमिगु धनसम्‍पत्ति सदां दयाच्‍वनी मखु। उकिं इमित धनसम्‍पत्तिइ मखु, बरु झीत फुक्‍कं बियादीम्‍ह परमेश्‍वरयाके भरोसा तया च्‍वँ धकाः धयाब्‍यु।

हिब्रू 13:4

ब्‍याहायात सकसिनं तःधंकेमाः। निम्‍हतिपूया दथुइ थःथवय् विश्‍वास दयेमाः, छाय्‌धाःसा व्‍यभिचार याइपिन्‍त व ब्‍याहा याये धुंकाः नं मेपिं नाप जुयाः स्‍यनिपिन्‍त परमेश्‍वरं न्‍याय यानादी।

यहोशू 7:21

झीसं लाका कयागु सामानय् जिं बेबिलोनयागु छपु बांलाःगु गा, निसः शेकेल ति वहः व नेय्‌गू शेकेल ति लुँयागु कथि खनाबलय् जितः ल्‍वःवन अले जिं उपिं कया। उपिं जिगु पाल दुने बँय् सुचुका तयागु दु। व दकलय् क्‍वय् वहः दु।”

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”

प्रकाश 22:15

शहरं पिने धाःसा घच्‍चायापुगु ज्‍या याइपिं, जादु क्‍यनिपिं, व्‍यभिचार याइपिं, ज्‍यानमारात, मूर्ति पुजा याइपिं, मखुगु ज्‍याखँ यायेगु यय्‌कीपिं व मखुगु ज्‍याखँ जक यानाजुइपिं दइ।