30 छाय्धाःसा झीपिं वय्कःयागु म्हया ब्वत खः।
अले मनुखं धाल, “थ्व ला जिगु हे क्वँचं दुगु क्वँय् व लां दुगु ला खः। थ्वयात मिसा धकाः धायेगु जुइ। छाय्धाःसा वयात मिजंया म्हं लिकयाः दय्कूगु खः।”
थथे हे झीपिं नं यक्व दसां ख्रीष्टयागु म्हय् ला छम्ह हे जक खः। अले थीथी म्हब्वत छगू छगू यानाः मिलय् यानातःपिं खः।
छिमिगु म्ह ख्रीष्टयागु म्हब्व खः धकाः छिमिसं मस्यू ला? थथे खः धयागु जूसा ख्रीष्टयागु म्हब्वयात वेश्यायागु म्हब्व यायेगु ला? थथे ला जुइ हे मफइगु खँ खः।
मण्डली ख्रीष्टयागु म्ह खः। थ्व हे म्ह न्ह्याथाय् दीम्ह व न्ह्यागु खं पूवंकादीम्ह वय्कःयागु पूवंगु रूप खः।
सुनानं थःगु म्हयात हेला याइ मखु, बरु ख्रीष्ट येशूं मण्डलीयात यानादी थें बांलाक म्हाला-साला याना तइ।
थुमिसं ख्रीष्टयात क्वात्तुक ज्वनी मखु, गुम्ह मण्डलीया छ्यं खः। छेनं यानाः हे फुक्क म्हब्व मिलय् जुइ फइ, अले म्ह छम्हं स्वाना च्वने फइ। अले जक परमेश्वरया यःकथं म्ह थाहां वये फइ।
