एफिसी 5:23 - नेवाः बाइबल

²³ गथे मण्‍डली ख्रीष्‍टया म्‍ह खः, अले मण्‍डलीया छ्यं मुक्ति बीम्‍ह ख्रीष्‍ट खः अथे हे मिसातय् हामा वया भाःत खः।

एफिसी 5:23 ပူးပေါင်းရင်းမြစ်များ

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

१ कोरिन्‍थी 6:13

सुनानं थथे नं धायेफु – “नयेगु प्‍वाःयागु लागि खः, अले प्‍वाः नयेगु लागि खः।” थ्‍व ला खः, अय्‌नं थ्‍व नितां परमेश्‍वरं मदय्‌का छ्वयादी। मनूयागु म्‍ह व्‍यभिचार याना जुइत मखु, बरु प्रभुयात तःधंकेत खः। उकिं म्‍हयात माःगु फुक्‍कं प्रभुं बियादी।

एफिसी 4:15

दया माया यानाः सत्‍य खँ ल्‍हानाः झीपिं न्‍ह्यागु ज्‍याखँय् नं झीम्‍ह थकालि ख्रीष्‍ट थें जुयाः न्‍ह्यज्‍यायेमाः।

एफिसी 5:24

अय्‌जूगुलिं गथे मण्‍डली ख्रीष्‍ट येशूं धाःथें च्‍वनी, अथे हे मिसात नं थः भाःतं धाःथें च्‍वनेमाः।

कलस्‍सी 1:18

मण्‍डली वय्‌कःयागु म्‍ह खः, अले वय्‌कः मण्‍डलीयागु छ्यं खः। वय्‌कः हे दकलय् न्‍हापा दुम्‍ह, अले दकलय् न्‍हापां सिनाः म्‍वानावःम्‍ह खः। वय्‌कःयात फुक्‍कसियां प्रभु यायेत थथे यानादीगु खः।

१ थेसलोनिकी 1:10

छिमिसं परमेश्‍वरया काय् स्‍वर्गं झाइतिनि धकाः लँ स्‍वयाच्‍वंगु दु हं। वय्‌कः परमेश्‍वरं सीम्‍हं म्‍वाकादीम्‍ह येशू खः। न्‍याय याइबलय् वय्‌कलं झीत बचय् यानादी।

प्रकाश 19:7

झी सकसिनं लय्‌लय्‌तायाः महिमा व हनाबना बियाः वय्‌कःयात तःधंके नु। चीधिकःम्‍ह भ्‍याःचायागु ब्‍याहा जुइन। वय्‌कःया भम्‍चा वय्‌कःयाथाय् वयेत थथःम्‍हं तुं तयार जुयाच्‍वने धुंकल।

प्रकाश 5:9

इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।