एफिसी 5:20 - नेवाः बाइबल

²⁰ न्‍ह्याबलें न्‍ह्यागु ज्‍याखँय् नं छिमिसं झी प्रभु येशू ख्रीष्‍टया नामय् परमेश्‍वर बाःयात सुभाय् ब्‍यु।

एफिसी 5:20 ပူးပေါင်းရင်းမြစ်များ

अय्‍यूब 1:21

थथे धाल, “जि जिमि मांया प्‍वाथं हे नांगां वया, अले जि नांगां हे वने। परमप्रभुं बियादिल अले परमप्रभुं हे यंकादिल। परमप्रभुयागु नां तःधनेमा।”

भजनसंग्रहया सफू 34:1

परमप्रभुयात जिं धन्‍य धयाच्‍वने न्‍ह्याबलें वय्‌कःयात हे तःधंकाच्‍वनी जिगु में न्‍ह्याबलें।

यशैया 63:7

परमप्रभुं झीगु निंतिं यानादीगु फुक्‍क ज्‍याया निंतिं वय्‌कःयात प्रशंसा यायेमा, वय्‌कलं यानादीगु दयामायाया बारे जिं धयाबी, वय्‌कःया दया व करुणा कथं, वय्‌कलं इस्राएलया घरानाया निंतिं तसकं भिंगु ज्‍या यानादिल।

यूहन्‍ना 15:16

छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

प्रेरित 5:41

थथे येशू ख्रीष्‍टयागु नामय् दाय्‌काः दुःख सी बहःपिं जूगुलिं प्रेरितत तसकं लय्‌लय्‌तायाः सभां पिहां वन।

रोमी 1:8

दकलय् न्‍हापां जिं परमेश्‍वरयात येशू ख्रीष्‍टपाखें छिपिं फुक्‍कसिगु निंतिं सुभाय् बी, छाय्‌धाःसा सारा संसार न्‍यंक छिमिसं यानाच्‍वंगु विश्‍वासयागु खँ बय्‌बय् जुयाच्‍वंगु दु।

१ कोरिन्‍थी 1:4

ख्रीष्‍ट येशूं छिमित दया माया यानादीगुलिं जिं न्‍ह्याबलें परमेश्‍वरयात सुभाय् बियाच्‍वनागु दु।

१ कोरिन्‍थी 15:24

अले तिनि दक्‍व फुक्‍कं मदय्‌का छ्वयादी। अबलय् ख्रीष्‍टं फुक्‍क शासन, अधिकार व शक्ति मदय्‌का छ्वयाः राज्‍य परमेश्‍वर बाःयात लःल्‍हानादी।

एफिसी 5:4

बांमलाःगु खँ, म्‍वाःमदुगु खँ व घच्‍चाइपुगु खँ ल्‍हाना जुइ मते। बरु परमेश्‍वरयात सुभाय् बीगु याना च्‍वँ।

फिलिप्‍पी 1:3

छिमिगु लुमन्‍तिइ जिं परमेश्‍वरयात न्‍ह्याबलें सुभाय् बियाच्‍वनागु दु।

फिलिप्‍पी 4:6

छुं खँय् नं पीर काये मते। छिमित माःगु खँ प्रार्थना यानाः सुभाय् बियाः परमेश्‍वरयात बिन्‍ति या।

कलस्‍सी 3:17

छिमिसं न्‍ह्यागु याःसां, न्‍ह्यागु धाःसां प्रभु येशूयागु नामं या, अले वय्‌कःया नामं परमेश्‍वर बाःयात सुभाय् ब्‍यु।

१ थेसलोनिकी 3:9

छिमिसं यानाः हे जिपिं परमेश्‍वरया न्‍ह्यःने लय्‌तायाच्‍वने फइ। छिमिगु निंतिं परमेश्‍वरयात न्‍ह्याक्‍व सुभाय् ब्‍यूसां गाइ मखु।

१ थेसलोनिकी 5:18

न्‍ह्यागु खँय् न्‍ह्यागु जूसां परमेश्‍वरयात सुभाय् बियाः च्‍वँ। ख्रीष्‍टयात विश्‍वास यानाः छिमिसं थथे यायेमा धयागु हे परमेश्‍वरयागु इच्‍छा खः।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

२ थेसलोनिकी 2:13

प्रभुया यःपिं दाजुकिजापिं, जिमिसं परमेश्‍वरयात सुभाय् मब्‍यूसे च्‍वने मफु, छाय्‌धाःसा वय्‌कलं छिमित पवित्र आत्‍मां जाय्‌काः पवित्र यानाः व सत्‍य खँय् विश्‍वास याकाः मुक्ति बीत न्‍हापांनिसें हे ल्‍ययादीगु खः।

हिब्रू 13:15

अय्‌जूगुलिं झीसं सदां ख्रीष्‍टया नामय् परमेश्‍वरयात तःधंकेमाः। थ्‍व झीगु म्‍हुतुं वय्‌कःयात छाइगु बलि खः।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।