एफिसी 5:2 - नेवाः बाइबल

² ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

एफिसी 5:2 ပူးပေါင်းရင်းမြစ်များ

उत्‍पत्ति 8:21

उकिं लय्‌तायाः परमप्रभुं मनं मनं धयादिल, “मनूया नुगलय् मचांनिसें हे मभिंगु खँ बुयावःसां आः हाकनं जिं मनूया कारणं पृथ्‍वीयात सराः बी मखुत। अले न्‍हापा याना थें आः हाकनं ज्‍यान दुपिं फुक्‍कसितं नाश याये मखुत।

प्रस्‍थान 29:18

भ्‍याःचाया म्‍ह छम्‍हं वेदीइ छ्वय्‌काछ्व। थ्‍व परमप्रभुया निंतिं विशेष देछा, नस्‍वाःगु होमबलि खः।

प्रस्‍थान 29:25

अनंलि व फुक्‍कयात इमिगु ल्‍हातं कयाः परमप्रभुयात यःगु नस्‍वाःकथं वय्‌कःयात विशेष देछा, होमबलिया वेदीइ छ्वय्‌काब्‍यु। थ्‍व परमप्रभुयात मिं छाःगु बलि खः।

लेवी 1:13

वं बलि बीहःम्‍ह पशुयागु आतापुति भ्‍वरि व तुतियात लखं सिलेमाः। अले पुजाहारीं फुक्‍क यंकाः वेदीइ छ्वय्‌केमाः। थ्‍व परमप्रभुयात यःगु नस्‍वाः वःगु होमबलि, विशेष देछा खः।

लेवी 1:17

उकी देछाःम्‍ह झंगःयात कुचा मयासें पपूया दथुं फायेमाः। पुजाहारीं वेदीइ दुगु मि च्‍वय् सिँइ झंगःयात छ्वय्‌केमाः। थ्‍व परमप्रभुयात यःगु नस्‍वाः वःगु होमबलि, विशेष देछा खः।

लेवी 1:9

आतापुति भ्‍वरि व तुति धाःसा लखं सिलेमाः अले व फुक्‍कयात पुजाहारीं वेदीइ छ्वाकेमाः। थ्‍व परमप्रभुयात यःगु नस्‍वाः वःगु विशेष देछा, होमबलि खः।

लेवी 3:16

अले पुजाहारीं विशेष देछायात वेदीइ छ्वय्‌केमाः। थ्‍व परमप्रभुयात नस्‍वाः वःगु नसा थें जुइ। दाः दक्‍व परमप्रभुया लागिं जक खः।

आमोस 5:21

“छिमिगु धर्मयागु नखःचखः खनाः जि घच्‍चाः, जिं छिमिगु मुँज्‍यात सह याये हे मफु।

गन्‍ती 7:21

होमबलिया निंतिं छम्‍ह द्वहंचा, छम्‍ह भ्‍याःचा व छम्‍ह दच्‍छि दुम्‍ह चिधिकःम्‍ह भ्‍याःचा,

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

यूहन्‍ना 13:34

छगू न्‍हूगु आज्ञा जिं छिमित बीत्‍यना। छिपिं थःथवय् माया याना च्‍वँ। गथे जिं छिमित माया यानागु खः, अथे हे छिमिसं थःथवय् माया यानाच्‍वनेमाः।

यूहन्‍ना 6:51

स्‍वर्गं वःगु अनन्‍त जीवन दुगु मरि जि हे खः। थ्‍व मरि सुनानं नल धाःसा व न्‍ह्याबलें म्‍वानाच्‍वनी। संसारयात जिं बीत्‍यनागु अनन्‍त जीवन बीगु मरि जिगु म्‍ह खः।”

रोमी 15:16

जितः यहूदीमखुपिन्‍त परमेश्‍वरयागु भिंगु खँ कनेत ख्रीष्‍ट येशूयाम्‍ह च्‍यः यानादीगुलिं पुजाहारीं छाःथें जिं नं परमेश्‍वरयात यःगु पवित्र आत्‍मां शुद्ध यानातःपिं यहूदीमखुपिन्‍त छाये हयागु दु।

रोमी 4:25

झीत पापं छुतय् यायेत येशूयात स्‍याकेत लःल्‍हानादिल, अले झीत धर्मी ठहरय् यायेत हानं म्‍वाकादिल।

रोमी 8:3

झीपिं बमलाःबलय् व्‍यवस्‍थां यायेमाःगु ज्‍या याये मफुगुलिं परमेश्‍वरं थःकाय्‌यात छ्वयाहयादिल। वय्‌कः झीपिं थें तुं मनू जुयाः झीगु पाप सिला छ्वयेत बलिदान जुयादिल। थथे यानाः वय्‌कलं झीगु शरीरय् पापयागु दोष क्‍यनादिल।

रोमी 8:37

अय्‌नं झीसं दुःखकष्‍ट सी माःसां झीत माया यानादीम्‍हय्‌सिनं यानाः झीपिं त्‍याका वःपिं स्‍वयाः नं तःधंपिं खः।

१ कोरिन्‍थी 16:14

न्‍ह्यागु हे ज्‍याखँ याःसां छिमिसं कर्पिन्‍त माया यानाः यायेगु या।

१ कोरिन्‍थी 5:7

थथे पुलांगु पापयागु सोडायात छिमिसं वांछ्वयेमाः, अले छिपिं पवित्र जुइ। छिपिं सोडा मतसे न्‍हायातःगु छ्वचुं जुइ। छुत्‍कारायागु नखः वये धुंकल, छाय्‌धाःसा झीत मुक्ति बीम्‍ह ख्रीष्‍ट, झीम्‍ह छुत्‍काराया चीधिकःम्‍ह भ्‍याःचा बलिदान जुयादी धुंकल।

२ कोरिन्‍थी 2:14

परमेश्‍वरयात सुभाय् दु, छाय्‌धाःसा ख्रीष्‍टलिसे तुं जिपिं नं न्‍ह्याबलें त्‍याना च्‍वनेत वय्‌कलं जिमित दया माया यानादीगु दु। अले जिमिगुपाखें भिंगु खँ नस्‍वाः थें न्‍यंकभनं न्‍यंकादीगु दु।

२ कोरिन्‍थी 2:15

जिं न्‍यंकागु ख्रीष्‍टयागु भिंगु खँ परमेश्‍वरयात तःधंकेगु नस्‍वाः थें खः। थ्‍व मुक्ति काःपिं व नाश जुइपिनि दथुइ नं जिपिं परमेश्‍वरया निंतिं ख्रीष्‍टया नस्‍वाः खः।

२ कोरिन्‍थी 8:9

झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।

गलाती 1:4

थ्‍व मभिंगु इलं बचय् यायेत झीगु पापयागु निंतिं झी परमेश्‍वर बाःनं धयादी थें येशू थः हे सिनादिल।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

एफिसी 1:4

संसार मदुनिबलय् हे परमेश्‍वरं झीत वय्‌कःया न्‍ह्यःने धर्मी ठहरय् जुइत व पवित्र यायेत ल्‍ययादीगु खः।

एफिसी 3:17

उकिं विश्‍वासं यानाः ख्रीष्‍ट छिमिगु नुगलय् च्‍वनादी। छिमिगु नुगलय् मायां हा काय् फयेमा, अले छिपिं मायायागु लिधंसाय् च्‍वने फयेमा धकाः जिं प्रार्थना यानाच्‍वनागु दु।

एफिसी 3:19

दक्‍व ज्ञान बुद्धि स्‍वयाः नं तःधंगु वय्‌कःयागु मायायात छिमिसं थुइके फयेमा, अले वय्‌कःयागु फुक्‍क भिंगु बांलाःगु खं छिमिगु नुगः जायाच्‍वनेमा धकाः नं जिं प्रार्थना यानाच्‍वनागु दु।

एफिसी 4:15

दया माया यानाः सत्‍य खँ ल्‍हानाः झीपिं न्‍ह्यागु ज्‍याखँय् नं झीम्‍ह थकालि ख्रीष्‍ट थें जुयाः न्‍ह्यज्‍यायेमाः।

एफिसी 4:2

न्‍ह्याबलें क्‍वमिलु, स्‍वजा व सह याइपिं जुयाः थःथवय् माया यानाः

एफिसी 5:15

उकिं गथे यानाः जुइमाःगु खः बांलाक होश या। मूर्खत थें मखु, बुद्धि दुपिं थें जु।

एफिसी 5:25

ख्रीष्‍ट येशूं मण्‍डलीयात थःगु प्राण बिया तकं माया यानादिल। अथे हे मिजंतय्‌सं नं थः कलाःयात माया यायेमाः।

व्‍यवस्‍था 27:6

छिमिसं बँय्‌यागु ल्‍वहँतं परमप्रभु थः परमेश्‍वरयागु वेदी दय्‌कि, अले अन परमप्रभु थः परमेश्‍वरयागु निंतिं होमबलि छा।

फिलिप्‍पी 4:18

छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।

कलस्‍सी 3:14

थ्‍व स्‍वयाः तःधंगु ला थःथवय् माया यानाच्‍वनेगु हे खः। थ्‍व हे मायां छिपिं फुक्‍कसित छप्‍पँ व छधी याना तइ।

१ थेसलोनिकी 4:9

आः छिमित थःथवय् माया यानाच्‍वनेमाः धकाः जिमिसं च्‍वया च्‍वनेमाःगु मदु, छाय्‌धाःसा थ्‍व खँ ला छिमित परमेश्‍वरं हे स्‍यनादीगु दु।

१ तिमोथी 2:6

वय्‌कः फुक्‍क मनूतय्‌गु पलेसाय् सिनादिल। न्‍हापांनिसें हे क्‍वःछिना तःकथं वय्‌कः पाय्‌छि इलय् सिनादिल।

१ तिमोथी 4:12

सुनानं छंगु ल्‍याय्‌म्‍हसूयात हेबाय्‌चबाय् याये मफयेमा, बरु छं खं, चालचलनं, मायां, विश्‍वासं व शुद्ध जुयाः इमि न्‍ह्यःने नमूना जुयाः क्‍यँ।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

हिब्रू 8:3

तःधंपिं पुजाहारीत फुक्‍कं परमेश्‍वरयात बी हःगु छायेत व बलि बीत तयातःपिं खः। अय्‌जूगुलिं झी दकलय् तःधंम्‍ह पुजाहारीं नं छुं न छुं ला छाये हे माल।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

हिब्रू 9:23

स्‍वर्गयागु किपालु थें जक यानाः दय्‌कातःगु थ्‍व फुक्‍कयात थथे हिं शुद्ध याये हे माः। अथे हे स्‍वर्गय् च्‍वंगुयात ला थ्‍व स्‍वयाः भिंगु बलिदानं शुद्ध यायेमाः।

हिब्रू 9:26

थथे झाःझाः पतिं झायेमाःगु जूसा ला ख्रीष्‍टं संसारयागु सृष्‍टि जूसांनिसें तःकः मछि दुःख सी मालिगु खः। तर वय्‌कः संसारयागु अन्‍त जुइ त्‍यय्‌काः आः सदांयात छकलं झायाः मनूतय्‌गु पाप हुया छ्वयेत थः हे बलिदान जुयादिल।

१ पत्रुस 4:8

दक्‍वसिबय् तःधंगु ला, छिपिं थःथवय् दुनुगलंनिसें माया याना च्‍वँ, छाय्‌धाःसा मायां हे न्‍ह्यागु पापयात नं त्‍वपुया तइ।

१ यूहन्‍ना 3:16

थुकथं झीसं माया धयागु छु खः धकाः स्‍यू – झीगु निंतिं ख्रीष्‍ट सिनादिल, उकिं झीसं नं झी दाजुकिजापिनिगु निंतिं सीत तकं लिफः स्‍वये मज्‍यू।

१ यूहन्‍ना 3:23

वय्‌कलं झीत आज्ञा यानादीगु थ्‍व हे खः – वय्‌कःया काय् येशू ख्रीष्‍टयात झीसं विश्‍वास यायेमाः। दाजुकिजापिन्‍त माया यानाच्‍वनेमाः। थथे हे याना च्‍वँ धकाः ख्रीष्‍टं नं झीत धयादीगु दु।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 5:9

इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।