एफिसी 4:32 - नेवाः बाइबल

³² गथे ख्रीष्‍टयात विश्‍वास याःगुलिं परमेश्‍वरं छिमित क्षमा यानादिल, अथे हे छिमिसं नं थःथवय् क्षमा बीगु यानाः दया माया याना च्‍वँ।

एफिसी 4:32 ပူးပေါင်းရင်းမြစ်များ

२ शमूएल 7:21

थःगु वचनया कारणं अले थःगु इच्‍छा कथं छिं छिम्‍ह दासयात सीके बियादीत थ्‍व तःधंगु ज्‍या यानादीगु दु।

भजनसंग्रहया सफू 112:9

वं मगाःमचाःपिन्‍त नुगः चक्‍कंकाः बी, वयागु दया माया सदां दयाच्‍वनी। व बल्‍लाइ अले वयात इज्‍जत दइ।

भजनसंग्रहया सफू 145:9

परमप्रभुं सकसितं भिं यानादी, वय्‌कःया दयां वय्‌कलं यानादीगु फुक्‍क ज्‍याय् दइ।

हितोपदेश 12:10

धर्मी मनुखं थः पशुतय्‌त छु छु माः धकाः बिचाःसंचाः याइ, तर दुष्‍ट मनूयाके नुगः हे दइ मखु।

हितोपदेश 19:11

बुद्धि दुपिं मनूतय्‌सं थःगु तंयात क्‍वत्‍यला तइ। अले नुगलय् स्‍याःगु खँयात नं मिखा तिस्‍सिनाबीगु इमिगु तःजिगु गुण खः।

हितोपदेश 19:22

आसाकुति जुयेगु धयागु मछालापुसे च्‍वंगु खँ खः। मखुगु खँ ल्‍हानाजुयेगु स्‍वयाः चीमि जुयाच्‍वनेगु बांलाः।

यशैया 57:1

धर्मी मनूत नाश जुयावनी अय्‌नं थ्‍व खँयात सुनानं वास्‍ता याइ मखु। भक्ततय्‌त ल्‍ह्वनाः यंकी, तर मभिंपाखें बचय् यायेत धर्मी मनूयात ल्‍ह्वनाः यंकूगु खँ सुनानं थुइ मखु।

यर्मिया 38:12

अले कूशी एबेद-मेलेकं यर्मियायात धाल, “छंगु याकु व खिपःया दथुइ थुपिं भ्‍वाथःगु कापः ति।” यर्मियां अथे हे यात।

मत्ती 6:12

अले जिमिगु अपराध क्षमा यानादिसँ, गथे जिमिसं नं जिमि अपराधीतय्‌त क्षमा यानाबियागु दु।

मर्कूस 11:25

सुनानं छिमित छुं याःगु दुसा प्रार्थना यायेबलय् छिमिसं इमित न्‍ह्याबलें क्षमा या, अले स्‍वर्गय् च्‍वनादीम्‍ह छिमि परमेश्‍वर बाःनं नं छिमित अथे हे क्षमा याइ।

लूका 1:78

झी परमेश्‍वर तसकं भिंम्‍ह व दया माया दुम्‍ह खः। अय्‌जूगुलिं वय्‌कलं तसकं थीगु मुक्तियागु निभाः जः झीत खय्‌कादी।

लूका 11:4

जिमिगु पाप क्षमा यानादिसँ, गथे जिमिसं नं जिमित स्‍यंकूपिन्‍त क्षमा याना बियाच्‍वनागु दु। प्रभु, जिमित सह याये मफय्‌क जाँचय् लाकादी मते।’”

लूका 17:4

इमिसं न्‍हिच्‍छिइ न्‍हय्‌कः छिमिगु विरोधय् पाप यानाः न्‍हय्‌कः तकं छिमिथाय् वयाः ‘जिं पश्‍चाताप याये’ धकाः धाः वःसा छिमिसं क्षमा ब्‍यु।”

लूका 6:35

“अय्‌जूगुलिं छिमिसं शत्रुतय्‌त माया यानाः इमित भिं या। लित कायेगु मतिइ मतसे त्‍यासा ब्‍यु। अले छन्‍त तःधंगु सिरपाः दइ। अले हानं छिपिं दकलय् तःधंम्‍ह परमेश्‍वरया काय्‌पिं जुइ। छिमि परमेश्‍वर बाःनं लोभीतय्‌त नं, तसकं मभिंपिं मनूतय्‌त नं, उतिकं हे दया माया यानादी।

लूका 6:37

“कर्पिनिगु न्‍याय याये मते, अले छिमिगु नं न्‍याय याइ मखु। कर्पिन्‍त दोष बी मते, अले छिमित नं दोष बी मखु। क्षमा ब्‍यु, अले छिमित नं क्षमा बी।

प्रेरित 28:2

अबलय् वा वयाच्‍वंगुलिं चिकुसे च्‍वनाच्‍वन। अन च्‍वंपिन्‍सं जिमित सःताः दया यानाः मि छ्वय्‌काबिल।

रोमी 12:10

छिपिं विश्‍वासी दाजुकिजापिं थःथवय् दुनुगलंनिसें माया याना च्‍वँ। थःथवय् हनाबना तया च्‍वँ।

१ कोरिन्‍थी 13:4

माया दुम्‍ह मनुखं सह यानाच्‍वनी व दया याइ। नुगः मुइकी मखु, थथःम्‍हं तुं तःधंछुया जुइ मखु, अले घमण्‍ड याइ मखु।

२ कोरिन्‍थी 2:10

थुकथं छिमिसं सुयात क्षमा याइ वयात जिं नं क्षमा बी। छाय्‌धाःसा जिं सुयातं छुं खँय् क्षमा याये माःसा छिमिगु हे निंतिं ख्रीष्‍टया न्‍ह्यःने यानाबी।

२ कोरिन्‍थी 2:7

न्‍ह्यागु हे जूसां आः छिमिसं वयात क्षमा यानाः साहस ब्‍यु। थथे मयाःसा वं झन तसकं नुगलय् स्‍याकी।

२ कोरिन्‍थी 6:6

जिमिसं यानागु भिंगु ज्‍यां व बुद्धिं यानाः सह याये फुगुलिं, दया माया यानाजुयागुलिं, पवित्र आत्‍मा दुगुलिं, धात्‍थेंगु माया यानाः जिपिं परमेश्‍वरयागु ज्‍या याइपिं मनूत खः धकाः क्‍यना।

एफिसी 5:1

छिपिं परमेश्‍वरया यःपिं मस्‍त जूगुलिं वय्‌कः थें जुइत स्‍व।

याकूब 5:11

इमिसं अथे सहयाना च्‍वने फुगुलिं झीसं इमित “धन्‍य खः” धकाः धयाच्‍वना। अय्‍यूब धाःम्‍ह मनुखं नं गथे लिपा तक सह यानाच्‍वन, अले प्रभुं हे वयात यक्‍व लिधंसा बियादीगु खँ नं छिमिसं स्‍यू। प्रभुयागु दया माया तःधं।

२ पत्रुस 1:7

परमेश्‍वरयात मानय् यानाः जक मगाः, विश्‍वासीतय्‌त दया माया याये फय्‌केमाः। अले हानं विश्‍वासीतय्‌त जक मखु, विश्‍वासी मखुपिन्‍त नं माया याये फय्‌केमाः।

१ यूहन्‍ना 1:9

अय्‌नं झीसं थःगु पाप मानय् यात धाःसा परमेश्‍वरं झीगु पाप क्षमा यानादी, अले झीगु मनय् च्‍वंगु फुक्‍क पाप नं च्‍वत्तुक हुयादी, छाय्‌धाःसा वय्‌कः भरोसा याये बहःम्‍ह व धर्मीम्‍ह खः।

१ यूहन्‍ना 2:12

अय् जि यःपिं मस्‍त, ख्रीष्‍टयागु नामं यानाः छिमिसं याःगु फुक्‍क पाप परमेश्‍वरं क्षमा यानादिल।

रुथया सफू 2:20

नाओमीं धाल, “परमप्रभुं बोअजयात सुवाः बियादीमा, परमप्रभुं म्‍वाःपिन्‍त व सीपिन्‍त माया यायेगु त्‍वःतामदी। छाय्‌धाःसा व मनू ला झी सतिक थःलाम्‍ह मनू खः।”