एफिसी 4:29 - नेवाः बाइबल

²⁹ छिमिगु म्‍हुतुं बांमलाःगु खँ पिहां मवयेमा। माःगु, भिंगु व ज्‍यूगु जक खँ ल्‍हाना जु। अले न्‍यनीपिन्‍त नं न्‍ह्याइपुसे च्‍वनी।

एफिसी 4:29 ပူးပေါင်းရင်းမြစ်များ

भजनसंग्रहया सफू 45:2

छि मनूत मध्‍ये दकले बांलाःम्‍ह खः। छिगु म्‍हुतुसिइ दया जाःगु दु। उकिं परमेश्‍वरं छितः न्‍ह्याबलेंया लागि आशिष बियादीगु दु।

भजनसंग्रहया सफू 5:9

इमिगु म्‍हुतुइ खःगु खँ धयागु हे मदु। इमिगु नुगलय् स्‍यंकेगु खँ जक दु। इमिगु कथुप्‍वाः चालाच्‍वंगु चिहान थें खः इमिगु में च्‍वछायाः जक खँ ल्‍हाना जुइ।

भजनसंग्रहया सफू 52:2

न्‍हिच्‍छिं छं स्‍यंकेत ग्‍वसाः ग्‍वया जुइगु, छंगु मे ला ज्‍वःगु छुरि थें च्‍वं, छं मखुगु खँ ल्‍हायेगुलिइ तसकं जाः।

भजनसंग्रहया सफू 71:24

जिं न्‍हिन्‍हिं सकसितं छिगु धार्मिकताया बारे कने, छाय्‌धाःसा जितः स्‍यायेत स्‍वयाजूपिं सकलें मछालेमाःगु दु, अले इमिगु इज्‍जत वंगु दु।

हितोपदेश 12:13

दुष्‍ट मनूत थःगु हे मभिंगु खँया जालय् क्‍यनी। तर धर्मी मनूत दुःखया जालं पिहां वइ।

हितोपदेश 15:23

माःगु इलय् माःगु लिसः बीबलय् मनूत गुलि लय्‌ताइ।

हितोपदेश 15:7

बुद्धिमानपिनिगु म्‍हुतुं ज्ञानया खँ पिहां वइ, मूर्खतय्‌गु नुगः धाःसा अथे जुइ मखु।

हितोपदेश 16:21

बुद्धिमानपिं मनूतय्‌त इमिगु खं हे सीके फइ। गुलि नाइक नवात उलि हे मनूतय्‌गु नुगः साले फइ।

उपदेशक 10:12

बुद्धि दुम्‍ह मनूया वचनं वयाके अनुग्रह हइ, तर मूर्खया वचनं वयाके नाश हइ।

यशैया 50:4

त्‍यानुचाःपिन्‍त हपाः बीत परमेश्‍वरं जितः स्‍यनामिं थें न्‍ववायेगु स्‍यनादीगु दु। वय्‌कलं जितः सुथ पत्तिकं थनादीगु दु। ब्‍वनामिं थें ध्‍यान बियाः न्‍यनेत वय्‌कलं जिगु न्‍हाय्‌पं चाय्‌कादीगु दु।

मत्ती 5:16

छिपिं नं मनूतय्‌गु न्‍ह्यःने थथे हे थिनाच्‍वने फयेमाः। अले जक छिमिसं याःगु बाबांलाःगु ज्‍याखँ मनूतय्‌सं खनी, अले स्‍वर्गय् च्‍वनादीम्‍ह परमेश्‍वर बाःयात इमिसं तःधंकी।

लूका 4:22

इपिं फुक्‍कसिनं वय्‌कःयात तारिफ यात। वय्‌कःयागु खँ न्‍यनाः इपिं अजू चाल। अले इमिसं थथे धाल – “थ्‍व मनू योसेफया काय् मखु ला?”

यूहन्‍ना 1:37

थ्‍व न्‍यनाः चेलात निम्‍हं येशूया ल्‍यूल्‍यू वन।

रोमी 14:19

उकिं छु याःसा शान्‍ति जुइ, अले फुक्‍क मिलय् जुयाः सकसिगुं भिं जुइगु खः, व जक यानाजुइगु स्‍वये माल।

रोमी 15:2

झी फुक्‍कसिनं थः जःलाखःलापिन्‍त भिं जुइगु मतिइ तयेमाः, अले जक इमिगु विश्‍वास बल्‍लानावइ।

१ कोरिन्‍थी 14:19

मण्‍डली मुनाः सेवा यायेबलय् धाःसा द्वःछिगू खँग्‍वः नवायेगु स्‍वयाः मेपिन्‍सं थुइक न्‍यागू हे जक खँग्‍वलं स्‍यनेगु यः।

एफिसी 4:12

परमेश्‍वरया मनूतय्‌त ख्रीष्‍टयागु ज्‍या याये फयेमा धकाः व वय्‌कःयागु म्‍ह मण्‍डलीयात ब्‍वलंकेत वय्‌कलं थुकथं ल्‍ययादिल।

एफिसी 4:16

वय्‌कलं हे यानाः फुक्‍क म्‍हब्‍व मिलय् जुयाच्‍वंगु दु, अले म्‍ह छम्‍हं माःकथं स्‍वानाच्‍वंगु दु। छता छता म्‍हब्‍वं थथःगु ज्‍या याना च्‍वंसा म्‍ह छम्‍हं स्‍वय् जिया वइ, अले थःथवय् माया यानाः न्‍ह्यज्‍याये फइ।

कलस्‍सी 4:6

चिं सवा ब्‍यू थें खँ ल्‍हायेबलय् नाइक व यइपुसे च्‍वंक नवा। अले कथंहंक लिसः बीगु या।

१ थेसलोनिकी 5:11

उकिं छिमिसं आः थें तुं थःथवय् साहस बियाः बल्‍लाका च्‍वनेगु याना च्‍वँ।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

१ पत्रुस 3:1

मिसात भाःतं धाःथें च्‍वनेमाः। थुकिं यानाः परमेश्‍वरयात विश्‍वास मयाःम्‍ह भाःतं नं छिमिगु चालचलनं यानाः विश्‍वास याइ। छिमिसं छुं हे खँ न्‍यंके माली मखु।

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।