एफिसी 4:28 - नेवाः बाइबल

²⁸ खुँज्‍या याइम्‍हय्‌सिनं खुइगु त्‍वःति। अले थःगु हे ल्‍हातं ज्‍या यानाः मगाःमचाःपिन्‍त नं ग्‍वाहालि याये फय्‌केमाः।

एफिसी 4:28 ပူးပေါင်းရင်းမြစ်များ

अय्‍यूब 34:32

जिं मखंगु खँ छिं जितः स्‍यनादिसँ! जिं न्‍ह्याक्‍व हे अपराध याःसां तबि आवंलि जिं अपराध याये मखुत।’

प्रस्‍थान 20:15

“खुयाकाये मते।

प्रस्‍थान 20:17

“थः जःलाखःलाया छेँय्, कलाः, च्‍यःभ्‍वातिं, द्वहं, गधा व छुं खँय् नं ल्‍वःवंके मते।”

प्रस्‍थान 21:16

“सुनानं सुयातं जबरजस्‍ती यंकाः मिल धाःसा वा थःनापं तया तल धाःसा वयात स्‍याना छ्वयेमाः।

हितोपदेश 13:11

याकनं मुंकूगु धन याकनं हे फुनावनी, मेहनत यानाः मुंकूगु धन अप्‍वयावनी।

हितोपदेश 14:23

मेहनतं भिंगु फल दइ, खँ जक ल्‍हानाः नयां फ्‍वगिं जुइ।

हितोपदेश 21:26

इमिसं चच्‍छि न्‍हिच्‍छिं लोभ जक यानाच्‍वनी, तर धर्मी मनूतय्‌सं न्‍ह्याबलें नुगः मस्‍याकुसे बियाच्‍वनी।

हितोपदेश 28:13

थःगु पापया पश्‍चाताप मयात कि छ गुबलें थाहां वये फइ मखु। छं थःगु पापया पश्‍चाताप यानाः त्‍वःतल धाःसा परमेश्‍वरयागु दया माया छन्‍त दइ।

हितोपदेश 30:9

यक्‍व दत कि जिं छितः हे ल्‍वःमंकाः धायेफु, “परमप्रभु धयाम्‍ह सु खः?” अले यक्‍व चीमि जुल कि नं खुयाः नयाः जिं परमेश्‍वरया पवित्रगु नांयात क्‍वह्यंके फु।

हितोपदेश 31:20

वं चीमि व हाःनाः मदुपिन्‍त नुगः चक्‍कंकाः ग्‍वाहालि याइ।

यर्मिया 7:9

छिमिसं खुइगु, स्‍याइगु, व्‍यभिचार याइगु, अदालतय् मखुगु साक्षी बीगु, बालद्यःया लागि धुपाँय्‌ थनीगु अले थःपिन्‍सं न्‍हापा म्‍हमस्‍यूपिं द्यःतय्‌त पुजा यानाजुइगु।

होशे 4:2

थन सराः बीगु, मखुगु खँ ल्‍हायेगु, मनूया ज्‍यान कायेगु, खुयाकायेगु, व्‍यभिचार यायेगु ज्‍या जक जुइ। छिमिगु मभिंगु ज्‍या झन अप्‍वया वनी, छगूया ल्‍यू मेगु स्‍यायेगु ज्‍या जुया हे च्‍वनी।

जकरिया 5:3

अले वं जितः धाल, “देशया दक्‍व थासय् लाये त्‍यंगु सराःया बारे उकी च्‍वयातःगु दु। उकिया छखेपाखे फुक्‍क खुँतय्‌त देशं पितिनाछ्वइ धकाः च्‍वयातःगु दु। अले मेखेपाखे मखुगु पाफइपिन्‍त नं पितिनाछ्वइ धकाः च्‍वयातःगु दु।

लूका 19:8

जखायसं प्रभुयात धाल – “स्‍वयादिसँ प्रभु, जिं जिगु बच्‍छि सम्‍पत्ति नये मखंपिन्‍त इनाबी। अले जिं सुयागुं थगय् यानाः कयातयागु दुसा, वयात प्‍यदुगं अप्‍वः तनाबी।”

लूका 3:8

पश्‍चाताप याःथें छिमिसं थःगु चालचलन नं अथे हे या। ‘अब्राहाम हे जिमि तापाःबाज्‍या खः, थथे जिमित छुं नं जुइ मखु’ धकाः छिपिं हाला जुइ मते, छाय्‌धाःसा जिं छिमित धाये – परमेश्‍वरं अब्राहामया निंतिं ल्‍वहँतं नं मस्‍त दय्‌कादी फु।

यूहन्‍ना 12:6

वं थथे धाःगु नये मखंपिन्‍त माया याना मखु, बरु खुँ जूगुलिं खः। धिबाया म्‍हिचा ज्‍वनाजुइम्‍ह जुइगुलिं वं म्‍हिचाय् च्‍वंगु धिबा कायेगु नं याः।

यूहन्‍ना 13:29

यहूदायाके धिबायागु म्‍हिचा दुगुलिं वयात नखःयात माःगु ज्‍वलं न्‍याके छ्वःगु जुइ, कि मखुसा नये मखंपिन्‍त छुं बी यंकि धकाः धयादीगु जुइ धकाः इपिं मध्‍ये गुम्‍ह गुम्‍हय्‌सिनं मतिइ तल।

रोमी 12:13

मगाःमचाःपिं दाजुकिजापिन्‍त ग्‍वाहालि या। छेँय् पाहां वःपिन्‍त दुनुगलंनिसें सेवा यायेगु या।

१ कोरिन्‍थी 4:12

थःम्‍हं चःति हाय्‌काः जिमिसं ज्‍या यानाः नयाच्‍वना। सराः ब्‍यूपिन्‍त जिमिसं आशिष बियाच्‍वना। सास्‍ती ब्‍यूसां जिमिसं सह यानाच्‍वना।

२ कोरिन्‍थी 8:12

छिमिसं बी मास्‍ति वःसा छिमिके दुगु जक परमेश्‍वरयात ब्‍यूसां गाः, छिमिके मदुगु बीमाः धयागु मदु।

२ कोरिन्‍थी 8:2

न्‍ह्याथें ज्‍याःगु दुःखकष्‍ट वःसां इपिं लय्‌तायाच्‍वन, अले थःत मगाः मचाःबलय् इमिसं नुगः चक्‍कंकाः मेपिन्‍त ग्‍वाहालि बियाच्‍वन।

गलाती 6:10

अय्‌जूगुलिं मौका दुबलय् हे झीसं मेपिन्‍त भिंगु यानाबीमाः। अप्‍वः यानाः विश्‍वासी दाजुकिजापिन्‍त यानाबीमाः।

१ तिमोथी 6:18

भिंगु ज्‍या यायेगु, भिंगु ज्‍याय् तःमि जुइगु व नुगः चक्‍कंकाः मेपिन्‍त ग्‍वाहालि यायेगु या धकाः इमित धयाब्‍यु।

तीतस 3:14

झी मनूतय्‌सं मालीबलय् माःकथं भिंगु ज्‍या याये सय्‌केमाः। ई अथें सितिं छ्वये मज्‍यू।

तीतस 3:8

थ्‍व खँ धात्‍थें खः। थ्‍व खँय् छं अप्‍वः मन बियाः स्‍यँ। थथे यात धाःसा परमेश्‍वरयात विश्‍वास याःपिन्‍सं भिंगु भिंगु ज्‍या यायेत कुतः याइ। थ्‍व फुक्‍क मनूतय्‌त ज्‍यालगय् जूगु भिंगु खँ खः।