एफिसी 4:26 - नेवाः बाइबल

²⁶ छिमिसं तं पिहां वइबलय् तमय् छुं कथंया पाप याये मते। निभाः बी न्‍ह्यः हे छिमिगु तं क्‍वलायेमाः!

एफिसी 4:26 ပူးပေါင်းရင်းမြစ်များ

भजनसंग्रहया सफू 37:8

तंचाये मते, तंयात त्‍वःताछ्व। हीमी चाये मते, थुकिं मभिंपाखे न्‍ह्याकी,

भजनसंग्रहया सफू 4:4

तमय् पाप याये मते, लासाय् ग्‍वारातुलेबलय् नुगलय् वालास्‍व! सेला

प्रस्‍थान 11:8

अले छिमि फुक्‍क भारदारत वयाः जितः भागियानाः धाइ, ‘छिगु ल्‍यूल्‍यू जुइपिं फुक्‍कसित ब्‍वनाः छि थनं पिहां झासँ।’ अले जि थनं पिहां वने।” अनंलि मोशा तसकं तं पिकयाः फारोयाथासं वन।

हितोपदेश 14:29

सह याना च्‍वनेफुम्‍ह मनू बुद्धिमान खः, तं क्‍यनाजुइपिन्‍सं थःगु मूर्खता जक क्‍यनाजुइ।

हितोपदेश 19:11

बुद्धि दुपिं मनूतय्‌सं थःगु तंयात क्‍वत्‍यला तइ। अले नुगलय् स्‍याःगु खँयात नं मिखा तिस्‍सिनाबीगु इमिगु तःजिगु गुण खः।

हितोपदेश 25:23

उत्तरया फसं वा वय्‌की थें म्‍वाःमदुगु खं तं वय्‌की।

उपदेशक 7:9

मनय् छकलं तंम्‍वय्‌के मते, छाय्‌धाःसा तं ला मूर्खतय्‌गु छातिइ च्‍वनाच्‍वनी।

गन्‍ती 20:24

“हारून सिनाः थः पुर्खातनापं मिलय् जू वनी। छिपिं निम्‍हं मेरीबाया लखय् जिगु वचनया विरोधय् वंगुलिं जिं इस्राएलीतय्‌त बीत्‍यनागु देशय् व वने दइ मखु।

मत्ती 5:22

तर जिं छिमित धाये – दाजुकिजापिंलिसे तंम्‍वइम्‍ह मनूयात नं सजाँय बी। सुनानं थः दाजुकिजानापं छुं म्‍वाय्‌क ल्‍वापु थल धाःसा वं तःधंगु सजाँय फयेमाली। अथे हे सुनानं थः दाजुकिजायात ‘ध्‍वादः’ धाल धाःसा व नरकयागु मिइ लाइ।

मर्कूस 10:14

अले येशूं तंम्‍वयाः इमित धयादिल – “मस्‍तय्‌त पने मते। इमित जिथाय् छ्वया हजि, छाय्‌धाःसा परमेश्‍वरयागु राज्‍य थज्‍याःपिनिगु हे खः।

मर्कूस 3:5

इमिगु नुगः छाःगु खनाः नुगः मछिंकाः तमं इमिथाय् मिखा ब्‍वयाः व मनूयात धयादिल – “ल्‍हाः तप्‍यंकी।” अले वं ल्‍हाः तप्‍यंकल। थथे गंगु ल्‍हाः लाल।

व्‍यवस्‍था 24:15

निभाः बिनावने न्‍ह्यः हे न्‍हियान्‍हिथं वयागु ज्‍याला बिया हे छ्व छाय्‌धाःसा व छम्‍ह मगाःमचाःम्‍ह खः अले वयागु मन ज्‍यालाय् हे वनाच्‍वनी। मखुसा वं छिमिगु विरोधय् परमप्रभुयात इनाप यात धाःसा छिमित पाप लाइ।

याकूब 1:19

यःपिं दाजुकिजापिं, थ्‍व खँ ल्‍वःमंके मते – न्‍यनेगुलिइ चंख जु। बिचाः यानाः जक नवा, अप्‍वः तं पिकाये मते।

याकूब 1:20

परमेश्‍वरया न्‍ह्यःने धर्मी जुया च्‍वनेत तं पिकया जुइ मज्‍यू।

१ शमूएल 20:34

अले जोनाथन तसकं तंम्‍वयाः टेबिलं दनाः वन, नखःया निन्‍हु खुन्‍हु वं छुं नं मनः। छाय्‌धाःसा वया बौनं दाऊदयात मछालपुगु व्‍यवहार याःगुलिं वया नुगः क्‍वतुन।