एफिसी 4:2 - नेवाः बाइबल

² न्‍ह्याबलें क्‍वमिलु, स्‍वजा व सह याइपिं जुयाः थःथवय् माया यानाः

एफिसी 4:2 ပူးပေါင်းရင်းမြစ်များ

भजनसंग्रहया सफू 138:6

परमप्रभु तःधंम्‍ह जूसां वय्‌कलं क्‍वत्‍यका च्‍वनेमाःपिन्‍त स्‍वयादी। तःधंछुया जुइपिन्‍त धाःसा वय्‌कलं तापाक्‍कं हे म्‍हस्‍यू।

भजनसंग्रहया सफू 45:4

सत्‍य व न्‍यायया निंतिं थःगु साहसनापं सवारी जुयादिसँ। छिगु जव ल्‍हातिं अजू चायापुगु ज्‍या क्‍यनेमा।

हितोपदेश 16:19

लुतय् यानाहःगु सम्‍पत्तिं तःधंछुना जुयेगु स्‍वयाः तःधंमछुसे चीमि जुयाच्‍वनेगु हे बांलाः।

हितोपदेश 3:34

वय्‌कलं तःधंछुना जुइपिन्‍त वास्‍ता यानादी मखु, क्‍वमिलुपिन्‍त धाःसा दया यानादी।

उपदेशक 7:8

छुं ज्‍याया शुरु स्‍वयाः उकिया क्‍वचाय्‌केगु तसकं बांलाः। धैर्य यायेगु घमण्‍डी जुइगु स्‍वयाः बांला।

यशैया 57:15

छाय्‌धाःसा सदां म्‍वानाच्‍वनादीम्‍ह, तच्‍वकं मानय् याये बहःम्‍ह, गुम्‍हय्‌सिगु नां पवित्र खः, वय्‌कलं धयादी, “जि दक्‍वसिबय् च्‍वय् पवित्रगु थासय् च्‍वनीम्‍ह खः, तर जि पश्‍चातापी व क्‍वमिलुपिंनापं नं च्‍वनीम्‍ह खः, अले जिं क्‍वमिलुया आत्‍मां छिमित बल्‍लाकाबी, अले पश्‍चातापयागु नुगःयात नं बल्‍लाकाबी।

सपन्‍याह 2:3

हे पृथ्‍वी च्‍वंपिं क्‍वमिलुपिं मनूत, छिपिं परमप्रभुया उजं मानय् याइपिं, परमप्रभुयात माला स्‍व। धार्मिकता माला स्‍व, क्‍वमिलु जुइगु स्‍व। सके परमप्रभुया तंया दिनय् छिपिं बचय् जुइ फइ।

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

गन्‍ती 12:3

मोशा क्‍वमिलुम्‍ह मनू खः, व थें क्‍वमिलुम्‍ह मनू पृथ्‍वीइ सुं हे मदु।

मत्ती 11:29

जिगु जुवा छिमिसं क्‍वब्‍यु, अले जिके स्‍यना का, छाय्‌धाःसा जि स्‍वजाम्‍ह व क्‍वमिलुम्‍ह खः। अले छिमिसं दुनुगलंनिसें आराम कायेखनी।

मर्कूस 9:19

अले वय्‌कलं धयादिल – “छिमिसं गथे जक विश्‍वास याये मफुगु? जि छिपिंनाप गुलि हे च्‍वनीतिनि धकाः? जिं छिमिगु निंतिं गुलि जक दुःख सह यानाच्‍वनेगु? मचायात थन हजि।”

प्रेरित 20:19

फक्‍व क्‍वमिलु जुयाः मिखां ख्‍वबि हाय्‌काः जक मखु, यहूदीतय्‌सं स्‍यायेत स्‍वःबलय् नं जिं प्रभुयागु सेवा याना हे च्‍वना।

रोमी 15:1

थथे झी बल्‍लाःपिन्‍सं बमलाःपिन्‍त विश्‍वासी जुयाः म्‍वानाच्‍वनेत ग्‍वाहालि यायेमाः, झीत जक यःथें याना जुइ मज्‍यू।

१ कोरिन्‍थी 13:7

माया दुम्‍ह मनुखं न्‍ह्याबलें सह यानाच्‍वनी, न्‍ह्याबलें विश्‍वास याइ, न्‍ह्याबलें आशा यानाच्‍वनी, अले न्‍ह्याबलें मनयात थातं तयाच्‍वनी।

गलाती 6:2

छम्‍हय्‌सिनं मेम्‍हय्‌सित दुःखबलय् ग्‍वाहालि यायेगु या। थुकथं छिमिसं ख्रीष्‍ट येशूयागु आज्ञा पूवंकी।

एफिसी 1:4

संसार मदुनिबलय् हे परमेश्‍वरं झीत वय्‌कःया न्‍ह्यःने धर्मी ठहरय् जुइत व पवित्र यायेत ल्‍ययादीगु खः।

कलस्‍सी 1:11

वय्‌कःयागु तसकं तःधंगु शक्तिं छिमित बल्‍लाकादीमा, अले छिमिसं न्‍ह्यागु खँय् लय्‌तातां सहयाना च्‍वने फयेमा धकाः जिमिसं प्रार्थना यानाच्‍वनागु दु।

१ तिमोथी 6:11

अय् तिमोथी, परमेश्‍वरया मनू, छ थज्‍याःगु मभिंगु खं तापाक च्‍वनाच्‍वँ। परमेश्‍वरया न्‍ह्यःने धर्मी ठहरय् जुइगु, वय्‌कःयात मानय् यानाच्‍वनेगु व भिंम्‍ह जुयाच्‍वनेगु खँय् मन बिया च्‍वँ।

२ तिमोथी 2:25

अले शत्रुयात नं क्‍वमिलु जुयाः थुइका बीम्‍ह जुइमाः। सके परमेश्‍वरं इमिगु नुगः हे हिलाः सत्‍य खँयात थुइके फयेकादी ला?

याकूब 1:21

मभिंगु बांमलाःगु ज्‍याखँ त्‍वःताछ्व। छिमित स्‍यनातःगु परमेश्‍वरयागु वचनयात दुनुगलय् तयाति। थ्‍व हे वचनं छिमित पाप याके मब्‍यूसे पापं बचय् यानातये फु।

१ पत्रुस 3:15

दुनुगलंनिसें ख्रीष्‍टयात छिमिसं “प्रभु” धकाः मानय् याना च्‍वँ। छिमिसं याना जूगु आशायागु खँ सुनानं न्‍यं वल धाःसा छिपिं लिसः बीत न्‍ह्याबलें न्‍ह्यचिला च्‍वँ।

१ पत्रुस 3:8

मू खँ छु धाःसा, छिपिं सकलें छगू मनयापिं, क्‍वमिलु, दाजुकिजापिं थें थःथवय् माया याइपिं व सकसितं दया माया याइपिं जुयाच्‍वँ।