एफिसी 4:19 - नेवाः बाइबल

¹⁹ इमिके लज्‍या धयागु तकं मदये धुंकल। अले मभिंगु लँय् जुयाः इपिं लाः लाः थे याना जुयाच्‍वंगु दु।

एफिसी 4:19 ပူးပေါင်းရင်းမြစ်များ

अय्‍यूब 15:16

मनू ला गुलि जक यचुमजु गुम्‍ह घच्‍चाइपूम्‍ह व स्‍यंम्‍ह जुइ, गुम्‍हय्‌सिनं अधर्मयात लः थें त्‍वनी।

यशैया 56:11

इपिं नये पित्‍याःपिं खिचात थें खः। इपिं गुबलें नये लुमधंपिं खः। इपिं मथूपिं जवाःत खः। इपिं फुक्‍क थथःगु हे लँपुइ जुयाच्‍वंगु दु। इमिसं थःत जक भिं यायेत स्‍वयाच्‍वनी।

मर्कूस 7:22

लोभी जुइगु, मभिंगु ज्‍या यायेगु, थगय् यायेगु, लाः लाः थें सनाः जुइगु, नुगः मुइकेगु, मेपिन्‍त मभिंकाः खँ ल्‍हायेगु, घमण्‍डी जुइगु, मूर्ख ज्‍या यायेगु।

एफिसी 4:17

जिं प्रभुयागु नामय् धयाच्‍वनागु दु – छिपिं आः हानं परमेश्‍वरयात म्‍हमस्‍यूपिं थें याना जुइ मते। इमिगु बिचाः हे बांमलाः।

कलस्‍सी 3:5

अय्‌जूगुलिं संसारयागु ज्‍याखं छिमिसं थःत कःघाना च्‍वँ। व्‍यभिचार याये मते, मभिंगु ज्‍याखँ याये मते, लाः लाः थें सना जुइ मते, मभिंगु मतिइ तया जुइ मते, कर्पिनिगुली मिखा वंके मते, गुगु मूर्ति पुजा यायेगु ति हे ग्‍यं।

१ तिमोथी 4:2

धर्मयागु ख्‍वाःपालं पुयाः मखुगु खँ ल्‍हाना जुइपिन्‍सं थथे याना जुइ। थुमिगु मतिइ मिइ छुयातःगु नँयागु नालुं पुकातये धुंकल।

१ पत्रुस 4:3

परमेश्‍वरयात म्‍हमस्‍यूपिन्‍सं याना जू थें न्‍हापा छिमिसं नं थः यःथें यानाजुइगु, व्‍यभिचार यायेगु, अय्‌लाः थ्‍वँ त्‍वना जुइगु, मोजमज्‍जा यायेगु, मूर्ति पुजा यायेगु याना जुइ धुंकल।

२ पत्रुस 2:22

थुपिं धापू कथं हे इमित जूगु दु – “खिचां थःम्‍हं ल्‍ह्वःगु थःम्‍हं तुं नइ” अले “म्‍वःल्‍हुका ब्‍यूम्‍ह फा हानं नालय् तुं वनाः बुत्तुबुलाः सनी।”

यहूदा 1:11

इमित धिक्‍कार दु। इपिं कयिनयागु लँय् जुल। धिबायागु निंतिं इमिसं बालामं थें मभिंगु ज्‍या याना जुल, अले कोरह थें परमेश्‍वरयात मभिंकाः इपिं नाश जुयाः वन।

प्रकाश 18:3

छाय्‌धाःसा वयागु व्‍यभिचारयागु ख्‍वल्‍चां त्‍वंगुलिं फुक्‍क जात जातियापिं मनूत नाश जुइ धुंकल। पृथ्‍वीयापिं जुजुपिन्‍सं व नाप व्‍यभिचार यात। वयागु गुबलें हे पूमवनीगु इच्‍छां यानाः संसारयापिं व्‍यापारीत तसकं हे धनी जुल।”