एफिसी 4:18 - नेवाः बाइबल

¹⁸ इमिगु नुगः अज्‍जं मचाःनि। परमेश्‍वरं बियादीगु न्‍हूगु जीवनं इपिं अज्‍जं तापाः नि, छाय्‌धाःसा इमिगु नुगः तसकं छाः, अले इमिसं छुं हे मस्‍यू।

एफिसी 4:18 ပူးပေါင်းရင်းမြစ်များ

भजनसंग्रहया सफू 74:20

छिं जिपिंलिसें चिनादीगु बाचा लुमंकादिसँ देशया फुक्‍क खिउँगु थासय् ल्‍वापुख्‍यापु जुयाच्‍वंगु दु।

यशैया 25:7

वय्‌कलं थ्‍व पर्वतय् फुक्‍क मनूतय्‌त फाय्‌का तःगु देवं व फुक्‍क जातियात त्‍वःपुया तःगु तन्‍ना चीकादी।

इजकिएल 14:5

इमिगु मूर्तितय्‌गु कारणं जितः त्‍वःतावंपिं इस्राएलया घरानाया नुगःयात जिं हाकनं ज्‍वनेत जिं थथे याये।’

दानिएल 5:20

तर वय्‌कः तःधंछु, जिराहा जूगुलिं राजगद्दीं लिकाल अले वय्‌कःयागु शान वय्‌कःपाखें लाकाकाल।

मत्ती 13:15

छाय्‌धाःसा छिमिगु नुगः क्‍वय् धुंकल, न्‍हाय्‌पं ख्‍वातुइ धुंकल, अले छिमिसं मिखा तिस्‍सी धुंकल। मखुसा ला छिमिगु न्‍हाय्‌पनं ताये माःगु खः, मिखां खने माःगु खः, नुगलं ध्‍वाथुइका काये माःगु खः। छिपिं पापं लिचिलाः जिथाय् लिफः स्‍वया वये माःगु खः, अले जिं छिमित लाय्‌काबीगु खः।’

मर्कूस 3:5

इमिगु नुगः छाःगु खनाः नुगः मछिंकाः तमं इमिथाय् मिखा ब्‍वयाः व मनूयात धयादिल – “ल्‍हाः तप्‍यंकी।” अले वं ल्‍हाः तप्‍यंकल। थथे गंगु ल्‍हाः लाल।

यूहन्‍ना 12:40

“परमेश्‍वरं इमिगु मिखा कां यानाः नुगः छाय्‌का बिल। थथे जूगुलिं इमिसं मिखां खनी मखु, अले मनं थुइके फइ मखु, अले लाय्‌केत जिथाय् लिफः स्‍वयाः वइ मखु।”

प्रेरित 17:30

“अय्‌जूगुलिं वय्‌कःयात म्‍हमस्‍यूनीबलय् याःगु ज्‍याखँयात परमेश्‍वरं च्‍यूताः तयामदी। आः धाःसा परमेश्‍वरं झीत थज्‍याःगु बांमलाःगु ज्‍यां लिचिलाः पश्‍चाताप यायेत उजं बियादीगु दु।

प्रेरित 3:17

“न्‍ह्यागु हे जूसां दाजुकिजापिं, छिकपिन्‍सं व छिकपिनि शासकतय्‌सं मसीकं थथे यानादीगु खः धकाः जिं स्‍यू।

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।

रोमी 11:25

दाजुकिजापिं, थ्‍व गुप्‍ति खँ थुइकाः छिपिं थथः हे बुद्धिमान जुइगु स्‍वये मते। गुप्‍ति खँ थ्‍व हे खः – गुबलय् तक यहूदीमखुपिनिगु ल्‍याः गाइ मखु अबलय् तक यहूदीतय्‌गु मिखा चाली मखु।

रोमी 11:7

अले छु जुल लय्? इस्राएलीतय्‌सं छु कायेत कुतः यानाच्‍वंगु खः व काये मफुत। ल्‍यया तःपिन्‍सं धाःसा काये खन। मेपिन्‍सं परमेश्‍वरया खँ मन्‍यंसे अतेरि जुयाच्‍वन।

रोमी 2:19

कांपिन्‍त लँ क्‍यनाबी फु, खिउँगु थासय् च्‍वंपिन्‍त जः बी फु,

१ कोरिन्‍थी 1:21

थःगु हे ज्ञान बुद्धिं मनूतय्‌सं परमेश्‍वरयात म्‍हसीके फइ मखु धयागु खँ वय्‌कलं स्‍यू। उकिं सःस्‍यूपिन्‍सं मूर्ख खँ ताय्‌कूगु येशू क्रूसय् सिनादीगु खँ न्‍यनाः विश्‍वास याःपिन्‍त बचय् यायेगु क्‍वःछिनादिल।

१ कोरिन्‍थी 2:8

थ्‍व संसारया जुजुपिं छम्‍हय्‌सिनं हे थ्‍व ज्ञान मथू। इमिसं थ्‍व ज्ञान थूगु जूसा दकलय् तःधंम्‍ह प्रभुयात क्रूसय् नकिं तानाः स्‍याइ मखुगु।

२ कोरिन्‍थी 3:14

अबलय् इस्राएलीतय्‌गु नुगः छाः। थौं तक नं इमिसं व्‍यवस्‍था ब्‍वनीबलय् थुइके मफुनि, इमिगु नुगःयात जालिं भुनातः नि। अले इमिसं छुं हे थुइके फइ मखु। ख्रीष्‍टयात विश्‍वास याये धुंकाः थ्‍व जालि चिलावनी।

२ कोरिन्‍थी 4:4

थ्‍व संसारया द्यवं विश्‍वास मयाःपिनिगु मनयात छुं हे थुइके मफय्‌क कां यानातःगु दु। अथे जूगुलिं इमिसं भिंगु खँ थुइके फइ मखु। अले ख्रीष्‍टया महिमा गुलि तःधं व वय्‌कः हे झःझः धाःम्‍ह परमेश्‍वरयागु रूप खः धकाः इमिसं सी मखु।

गलाती 4:8

न्‍हापा परमेश्‍वरयात म्‍हमस्‍यूगुलिं छिपिं परमेश्‍वर हे मखुपिं मेपिं द्यःतय् दास जुयाच्‍वंगु खः।

एफिसी 2:1

छिपिं थःगु अपराध व पापं यानाः सीपिन्‍त वय्‌कलं म्‍वाकादिल।

एफिसी 2:12

बिचाः या, छिपिं ख्रीष्‍टपाखें तापाना च्‍वंपिं खः। छिपिं इस्राएलयागु हकं पिनेलाःपिं, परमेश्‍वरं चिनादीगु बाचां पिनेलाःपिं, आशा धयागु हे त्‍वफिका च्‍वंपिं, व परमेश्‍वर हे मदय्‌का च्‍वंपिं जुयाच्‍वंगु खः।

कलस्‍सी 1:21

छिपिं नं न्‍हापा मभिंगु ज्‍याखँय् जुयाः परमेश्‍वर नाप तापानाः वय्‌कःया शत्रु जुयाच्‍वंगु खः।

१ थेसलोनिकी 4:5

परमेश्‍वरयात म्‍हमस्‍यूपिं थें मभिंगु मतिइ तयाः मखु।

हिब्रू 5:2

थज्‍याःम्‍ह पुजाहारीं थः नं बमलाःम्‍ह जूगुलिं मस्‍यूपिं व मखुगु लँय् जुइपिंनाप नं क्‍वमिलु जुयाः खँ ल्‍हाये फइ।

हिब्रू 9:7

दुने च्‍वंगु महा-पवित्रगु थासय् दँय् छकः दकलय् तःधंम्‍ह पुजाहारी जक थःगु व मेपिनिगु मसीकं याःगु पापयागु निंतिं हि छायेत दुहां वनी।

याकूब 4:4

हे विश्‍वास त्‍वःतूपिं मनूत, संसारयात माया याइपिं परमेश्‍वरया शत्रु खः धकाः छिमिसं मस्‍यू ला? संसार नाप मिलय् जुइपिन्‍सं परमेश्‍वरयात शत्रु याइ।

१ पत्रुस 1:14

वय्‌कलं धयादी थें च्‍वनाच्‍वँ। न्‍हापा मस्‍यूनिबलय् याना जू थें छिमिसं आः नं अज्‍याःगु मभिंगु ज्‍या याना जुइ मते।

१ यूहन्‍ना 2:11

अय्‌नं दाजुकिजापिन्‍त हेला यानाजुइम्‍ह मनू खिउँथाय् लाइ। अले खिउँथाय् हे जुइ। वं थः गन वनाच्‍वना धकाः सी मखु, छाय्‌धाःसा वयागु मिखा खिउँगुलिं कां जुइ।