एफिसी 4:17 - नेवाः बाइबल

¹⁷ जिं प्रभुयागु नामय् धयाच्‍वनागु दु – छिपिं आः हानं परमेश्‍वरयात म्‍हमस्‍यूपिं थें याना जुइ मते। इमिगु बिचाः हे बांमलाः।

एफिसी 4:17 ပူးပေါင်းရင်းမြစ်များ

नहेम्‍याह 13:15

उबलय् शबाथ खुन्‍हु यहूदायापिं मनूतय्‌सं दाखयात तिस्‍यानाच्‍वंगु व अन्‍न मुंकाः दाखमद्य, दाख, यःमरि व मेमेगु किसिमयागु कु गधाया म्‍हय् तयाच्‍वंगु जिं खना। इमिसं थुपिं फुक्‍क मीत यरूशलेमय् शबाथ खुन्‍हु हइगु जुयाच्‍वन। उकिं उखुन्‍हु नयेगु नसा म्‍यूगुलिं जिं इमित ख्‍याच्‍वः बिया।

यर्मिया 42:19

“हे ल्‍यनाच्‍वंपिं यहूदाया मनूत, परमप्रभुं छिमित ‘मिश्रय् वने मते’ धयादीगु दु। थ्‍व खँ ल्‍वःमंके मते! जिं थौं छिमित ख्‍याच्‍वः बियागु दु।

लेवी 15:18

सुं मिजं मिसालिसे द्यनीबलय् वीर्य लात धाःसा इपिं निम्‍हय्‌सिनं नं म्‍वःल्‍हुइमाः, अले इपिं सन्‍ध्‍याकाः ईतक अशुद्ध जुइ।

लूका 16:28

जिमि न्‍याम्‍ह किजापिं अज्‍जं दनि, वयात छकः अन छ्वयाः इमित थनयागु खँ कनाः ख्‍याच्‍वः बीके माल, मखुसा इपिं नं थन हे सास्‍ती नः वइ।’

प्रेरित 14:15

“दाजुकिजापिं, छिकपिन्‍सं थ्‍व छु यानादियागु? जिपिं नं ला छिकपिं थें हे थ्‍व संसारयापिं मनूत खः नि। जिमिसं ला छिकपिन्‍त भिंगु खँ कनाः थथे म्‍वाःमदुगु ज्‍यां त्‍वःतकाः स्‍वर्ग, पृथ्‍वी, समुद्र व अन च्‍वंगु दक्‍व फुक्‍कं सृष्‍टि यानादीम्‍ह म्‍वाःम्‍ह परमेश्‍वरपाखे लिफः स्‍वकेत जक स्‍वयाच्‍वनागु खः।

प्रेरित 18:5

माकेडोनियां सिलास व तिमोथी कोरिन्‍थय् थ्‍यंकः वये धुंकाः पावलं मुक्‍कं भिंगु खँ जक न्‍यंका जुइगु यात। वं येशू हे मुक्ति बीम्‍ह ख्रीष्‍ट खः धकाः यहूदीतय्‌त साक्षी बियाजुल।

प्रेरित 2:40

मेमेगु नं यक्‍व दसि बियाः वं इमित होश यानाच्‍वनेत धाल – “थौंकन्‍हय्‌यापिं मनूतपाखें बचय् जुयाच्‍वँ।”

प्रेरित 20:21

जिं यहूदीतय्‌त व यहूदीमखुपिन्‍त पश्‍चाताप यानाः परमेश्‍वरयाथाय् लिहां वयेत व झी प्रभु येशू ख्रीष्‍टयात विश्‍वास यायेत न्‍यंका जुया।

रोमी 1:21

इमिसं परमेश्‍वरयात म्‍हस्‍यूसां वय्‌कःयात मानय् मयाः। अले वय्‌कःयात तःधंके मालं नं तःमधंकू। थुकथं इपिं थःगु बिचारं यानाः ज्‍यालगय् मजूपिं जुल व इमिगु बुद्धि मदुगु नुगः खिउँसे च्‍वन।

१ कोरिन्‍थी 1:12

जिं न्‍यनागु खँ छु धाःसा छिपिं गुम्‍हय्‌सिनं – “जि पावलयाम्‍ह” धाइगु हं, गुम्‍हय्‌सिनं “अपोल्‍लोसयाम्‍ह,” गुम्‍हय्‌सिनं “केफासयाम्‍ह,” गुम्‍हय्‌सिनं “ख्रीष्‍टयाम्‍ह” धकाः धाइगु हं।

१ कोरिन्‍थी 15:50

यःपिं दाजुकिजापिं, परमेश्‍वरं जितः धयादीगु सत्‍य खँ थ्‍व हे खः। थ्‍व संसारय् म्‍वानाच्‍वंपिं मनूत स्‍वर्गय् परमेश्‍वरयागु राज्‍यय् दुथ्‍याइ मखु। अथे हे नाश जुइपिन्‍सं नाश मजुइके फइ मखु।

२ कोरिन्‍थी 9:6

थ्‍व खँ नं ल्‍वःमंके मते – कम पुसा ह्वःम्‍हय्‌सिनं भतिचा जक सय्‌की। यक्‍व पुसा ह्वःम्‍हय्‌सिनं यक्‍व हे सय्‌की।

गलाती 3:17

परमेश्‍वरं बाचा चिनादीगु गुबलें हे ल्‍वःमंकादी मखु। थथे वय्‌कलं चिनादीगु बाचायात प्‍यसः व स्‍विदँ लिपातिनि वःगु व्‍यवस्‍थां सितिं छ्वये फइ मखु।

गलाती 5:3

म्‍हय् चिं तयेमाः धाइम्‍ह मनूयात जिं हानं धाये – म्‍हय् चिं तःम्‍ह मनुखं व्‍यवस्‍थायागु फुक्‍क खँ मानय् मयासें मगाः।

एफिसी 1:22

थुकथं दक्‍व फुक्‍कं परमेश्‍वरं ख्रीष्‍टयागु अधीनय् तयादिल। अले मण्‍डलीया थकालि नं यानादिल।

एफिसी 4:22

थःत हे स्‍यंकीगु न्‍हापायागु चालचलनयात छिमिसं त्‍वःताछ्व।

व्‍यवस्‍था 27:10

परमप्रभु छिमि परमेश्‍वरया खँ न्‍यँ, अले जिं थौं बियाच्‍वनागु वय्‌कःया आज्ञा व विधि बांलाक मानय् या।”

कलस्‍सी 2:18

“जिमिसं दर्शन खनागु दु” धकाः थथःम्‍हं तःधनाः स्‍वर्गदूतयात पुजा यानाजुइपिं नं दु। थज्‍याःपिन्‍सं म्‍वाःमदुगु खँय् लाकाः छिमित थःम्‍हं काये दइगु सिरपाः काये मखंका बी। थःम्‍हं मस्‍यूगु खँय् नं थुपिं तःधना जुइ।

कलस्‍सी 2:4

अय्‌जूगुलिं जिं छिमित धाये – न्‍ह्याक्‍व हे बांलाःसां मभिंगु खं तापाक हे च्‍वँ।

१ थेसलोनिकी 4:6

थ्‍व खँय् सुनानं थः दाजुकिजापिन्‍त स्‍यंके मते। परमेश्‍वरं थथे याइपिन्‍त तःधंगु सजाँय बियादी। जिमिसं न्‍हापा हे छिमित थ्‍व खँ बांलाक धायेधुन।

१ तिमोथी 5:21

परमेश्‍वर, ख्रीष्‍ट येशू व ल्‍ययातःपिं स्‍वर्गदूततय्‌गु न्‍ह्यःने जिं छन्‍त थ्‍व खँ धयाच्‍वना। थथे ज्‍या यायेबलय् सुयागुं पँली मते, अले सुयागुं ख्‍वाः स्‍वये मते।

१ तिमोथी 6:13

फुक्‍कसितं म्‍वाका तःम्‍ह परमेश्‍वरयागु न्‍ह्यःने व पन्‍तियस पिलातसयागु न्‍ह्यःने सत्‍ययागु निंतिं नवानादीम्‍ह ख्रीष्‍ट येशूयागु न्‍ह्यःने जिं छन्‍त धयाच्‍वना –

२ तिमोथी 4:1

सी धुंकूपिं व म्‍वानाच्‍वंपिं फुक्‍कसितं न्‍याय यानादीम्‍ह ख्रीष्‍ट येशू व परमेश्‍वरया नामं जिं छन्‍त धयाच्‍वना – वय्‌कलं हानं झायाः राज्‍य यानादी तिनिगुलिं

१ पत्रुस 1:18

छिमि तापाःबाज्‍यापिनिगु पालंनिसें याना वयाच्‍वंगु ज्‍यालगय् मजूगु थितिकुतिं छिमित छुतय् यायेत गुलि मू पुलेमाल, छिमिसं सि हे स्‍यू। थ्‍व लुँ वहः थें नाश जुया वनीगु मखु,

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।