एफिसी 4:16 - नेवाः बाइबल

¹⁶ वय्‌कलं हे यानाः फुक्‍क म्‍हब्‍व मिलय् जुयाच्‍वंगु दु, अले म्‍ह छम्‍हं माःकथं स्‍वानाच्‍वंगु दु। छता छता म्‍हब्‍वं थथःगु ज्‍या याना च्‍वंसा म्‍ह छम्‍हं स्‍वय् जिया वइ, अले थःथवय् माया यानाः न्‍ह्यज्‍याये फइ।

एफिसी 4:16 ပူးပေါင်းရင်းမြစ်များ

यूहन्‍ना 15:5

“जि दाखमा खः, अले छिपिं दाखमाय् च्‍वंगु कचा खः। सु जिके च्‍वनाच्‍वनी, अले जि वयाके च्‍वने, वं हे जक यक्‍व दाख सय्‌की। जिलिसें तापानाः छिमिसं छुं नं याये फइ मखु।

रोमी 12:4

छाय्‌धाःसा मनूया म्‍ह छगू जूसां उकी यक्‍व म्‍हब्‍व दु। अले फुक्‍क म्‍हब्‍वतय्‌गु ज्‍या छगू हे जुइ मखु।

१ कोरिन्‍थी 10:17

छपा हे जक मरि कुचा कुचा थलाः झीसं नयेगु जूगुलिं यक्‍व जूसां झीपिं छम्‍ह हे खः।

१ कोरिन्‍थी 13:13

अय्‌जूसां विश्‍वास, आशा व माया, थुपिं स्‍वता धाःसा दया हे च्‍वनी, तर उपिं मध्‍ये दकलय् तःधंगु ला माया खः।

१ कोरिन्‍थी 8:1

आः मूर्तियात छाःगु प्रसादयागु खँय्, “झीपिं फुक्‍कसिकें ज्ञान दु” धयागु खँ झीसं स्‍यू। ज्ञानं मनूतय्‌त तःधंछुकी, तर मायां फुक्‍कसिगु भिं याइ।

गलाती 5:22

पवित्र आत्‍माया फल धाःसा माया यायेगु, लय्‌तायेगु, शान्‍ति याकेगु, सह यायेगु, दया यायेगु, ग्‍वाहालि यायेगु, विश्‍वास यायेबहः जुइगु,

गलाती 5:6

झीपिं ख्रीष्‍टनाप मिलय् जुइ धुन धाःसा म्‍हय् चिं तःसां मतःसां छुं नं पाइ मखु। झीत माःगु ला विश्‍वास खः। थ्‍व हे विश्‍वासं यानाः झीसं माया याये फइ।

एफिसी 1:4

संसार मदुनिबलय् हे परमेश्‍वरं झीत वय्‌कःया न्‍ह्यःने धर्मी ठहरय् जुइत व पवित्र यायेत ल्‍ययादीगु खः।

एफिसी 3:17

उकिं विश्‍वासं यानाः ख्रीष्‍ट छिमिगु नुगलय् च्‍वनादी। छिमिगु नुगलय् मायां हा काय् फयेमा, अले छिपिं मायायागु लिधंसाय् च्‍वने फयेमा धकाः जिं प्रार्थना यानाच्‍वनागु दु।

एफिसी 3:7

परमेश्‍वरं दया यानाः हे जितः थथे भिंगु खँ न्‍यकं जुइम्‍ह यानादिल। थःगु शक्तिं वय्‌कलं जितः थथे यानादिल।

एफिसी 4:12

परमेश्‍वरया मनूतय्‌त ख्रीष्‍टयागु ज्‍या याये फयेमा धकाः व वय्‌कःयागु म्‍ह मण्‍डलीयात ब्‍वलंकेत वय्‌कलं थुकथं ल्‍ययादिल।

एफिसी 4:15

दया माया यानाः सत्‍य खँ ल्‍हानाः झीपिं न्‍ह्यागु ज्‍याखँय् नं झीम्‍ह थकालि ख्रीष्‍ट थें जुयाः न्‍ह्यज्‍यायेमाः।

फिलिप्‍पी 1:9

छिमिगु माया अज्‍जं अप्‍वयावनेमा, अले छिमिसं धात्‍थेंगु भिंगु खँ छु खः धयागु दुनुगलंनिसें ध्‍वाथुइके फयेमा धकाः नं जिं प्रार्थना यानाच्‍वनागु दु।

कलस्‍सी 2:19

थुमिसं ख्रीष्‍टयात क्‍वात्तुक ज्‍वनी मखु, गुम्‍ह मण्‍डलीया छ्यं खः। छेनं यानाः हे फुक्‍क म्‍हब्‍व मिलय् जुइ फइ, अले म्‍ह छम्‍हं स्‍वाना च्‍वने फइ। अले जक परमेश्‍वरया यःकथं म्‍ह थाहां वये फइ।

कलस्‍सी 2:2

छिमित साहस दयेमा, अले थःथवय् माया यानाच्‍वनेमा धकाः जिं थथे यानाच्‍वनागु खः। अले छिमिसं फुक्‍क खँ ध्‍वाथुइके फइ। थुकथं छिमिसं परमेश्‍वरयागु गुप्‍ति खँ ख्रीष्‍टयात नं बांलाक म्‍हसीके फइ।

१ थेसलोनिकी 1:3

परमेश्‍वर बाःया न्‍ह्यःने छिमिसं विश्‍वास याःथें ज्‍या यानाच्‍वंगु, थःथवय् माया यानाः अज्‍ज अप्‍वः मन तयाः प्रभुया ज्‍या यानाच्‍वंगु व आशा मत्‍वःतुसे प्रभु येशू ख्रीष्‍टयात क्‍वात्तुक विश्‍वास यानाच्‍वंगु खँ जिमिसं लुमंकाच्‍वनागु दु।

१ थेसलोनिकी 2:13

जिमिसं परमेश्‍वरयागु वचन न्‍यंकाबलय् छिमिसं थुकियात मनूतय्‌गु वचन मखु, परमेश्‍वरयागु हे वचन खः धकाः न्‍यना काल। धात्‍थें हे थ्‍व परमेश्‍वरयागु वचन खः। अले थ्‍व हे वचनं छिमिगु नुगलय् हा कयाच्‍वंगु दु। उकिं जिमिसं परमेश्‍वरयात न्‍ह्याबलें सुभाय् बियाच्‍वनागु दु।

१ थेसलोनिकी 3:12

जिमिसं छिमित माया याना थें प्रभुं छिमित नं थःथवय् व मेपिन्‍त माया यानाः न्‍ह्यज्‍याये फय्‌कादीमा।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

१ तिमोथी 1:5

यचुगु नुगलं, भिंगु मतिं व शंका मयासें याइगु विश्‍वासं दइगु मायायात ब्‍वलंकेत जिमिसं थथे धयाच्‍वनागु खः।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।

१ यूहन्‍ना 4:16

अले झीत परमेश्‍वरं माया यानादिल धकाः झीसं सि नं स्‍यू, अले विश्‍वास नं याना। परमेश्‍वर माया खः, उकिं माया यानाजुइम्‍ह मनूयागु नुगलय् वय्‌कः दयाच्‍वनी। अले व नाप दइ।