एफिसी 4:14 - नेवाः बाइबल

¹⁴ अले झीपिं मखुगु खँ स्‍यना जुइपिं मनूतय्‌गु फय्‌गं खँय् जुइपिं मस्‍त जुइ मखु। इमिगु खं मनूतय्‌त मखुगु लँय् यंकी।

एफिसी 4:14 ပူးပေါင်းရင်းမြစ်များ

भजनसंग्रहया सफू 10:9

सिंह थें इपिं दुःखय् लाःपिन्‍त हय्‌कायेत सुलाच्‍वनी। अले इमिसं दुःखय् लाःपिन्‍त थःगु जालय् लाकाः लुत्तुलुयायनी।

भजनसंग्रहया सफू 59:3

जिं छुं मभिंगु व पाप यानागु मदुसां इमिसं जितः स्‍यायेत स्‍वयाच्‍वंगु दु। ज्‍यानमारात जिगु विरोधय् मुनाच्‍वंगु दु।

यशैया 28:9

इमिसं जिगु बारे झसुका तइ, इमिसं धाइ, “वं सुयात छु स्‍यंगु दु धकाः मति तइ हँ? सुयात वयागु बुखँ माःगु दु? खः, नकतिनि दुरुं छ्यूम्‍ह मचाया निंतिं जक पाय्‌छि हे जुइ।

मीका 7:2

विश्‍वास यायेबहःपिं मनूत पृथ्‍वीं नाश जुयावने धुंकल। छम्‍ह नं भिंम्‍ह मनू मदय् धुंकल। सकलें मनूत स्‍याये पालेत पियाच्‍वनीगु। दक्‍व मनूतय्‌सं जाः ह्वलाः थः दाजुकिजापिनिगु शिकार याइगु।

मत्ती 11:7

यूहन्‍नाया चेलात लिहां वने धुंकाः वय्‌कलं यूहन्‍नायागु खँय् थथे धयादिल – “मरुभूमिइ वनाः छिमिसं छु स्‍वया? फसं संका च्‍वंगु तिंकथि स्‍वःवनागु ला?

मत्ती 24:11

अले फताहा अगमवक्तात यक्‍वसिनं वयाः तःम्‍हय्‌सित हे झंगःलाना थकी।

मत्ती 24:24

छाय्‌धाःसा उबलय् फताहा ख्रीष्‍टत व फताहा अगमवक्तात खनेदय्‌कः वइ। इमिसं फतिंफतले परमेश्‍वरं ल्‍ययातःपिं मनूतय्‌त झंगःलायेत ततःधंगु चिं व अजू चायापुगु ज्‍या यानाक्‍यनी।

प्रेरित 23:21

छिं इमिगु खँ न्‍यनादी मते, छाय्‌धाःसा पिइम्‍हं मयाक मनूतय्‌सं पावलयात मस्‍यातले छुं हे नयेत्‍वने याये मखु धकाः पाफयाः स्‍यायेत स्‍वयाच्‍वंगु दु। छिं ‘ज्‍यू’ धाइ धकाः इमिसं आशा यानाच्‍वंगु दु।”

१ कोरिन्‍थी 12:2

छिपिं विश्‍वासी जुइ न्‍ह्यः छिपिं नमवाइपिं मूर्तितय्‌त पुजा याइपिं खः धकाः छिमिसं सि हे स्‍यू।

१ कोरिन्‍थी 14:20

यःपिं दाजुकिजापिं, थुइकेगु सीकेगु खँय् छिपिं मस्‍त थें जुइ मते। मभिंगु खँय् धाःसा छिपिं मस्‍त थें जु। थुइकेगु व सीकेगु खँय् छिपिं तःधिपिं थें जु।

१ कोरिन्‍थी 3:19

थथे छाय् जुइ धाःसा, थ्‍व संसारयागु बुद्धि ला परमेश्‍वरया न्‍ह्यःने छुं नं मखु, थ्‍व हे खँय् थथे च्‍वयातःगु दु – “परमेश्‍वरं बुद्धिमानतय्‌त इमिगु हे चलाखिइ ज्‍वनादी।”

२ कोरिन्‍थी 2:17

व्‍यापार याये थें जिमिसं परमेश्‍वरयागु भिंगु खँ न्‍यंकाच्‍वनागु मखु। जिमित परमेश्‍वरं हे छ्वया हयादीगुलिं ख्रीष्‍टया च्‍यःतय्‌सं थें जिमिसं खःगु खँ जक नवानाजुयागु दु।

२ कोरिन्‍थी 4:2

जिमिसं मछालापुसे च्‍वंगु ज्‍या मयाना। जिमिसं सुयातं झंगः लानाः मनया। परमेश्‍वरयागु वचनयात जिमिसं बांमलाका मजुया। जिपिं सत्‍यया जलय् परमेश्‍वरया न्‍ह्यःने म्‍वानाच्‍वना। अले सकसिनं खंक मनूतय्‌गु मिखा न्‍ह्यःने थःपिन्‍त न्‍ह्यब्‍वयाच्‍वना।

गलाती 3:1

अय् मूर्ख गलातीत, छिमित सुनां स्‍यंकल? येशू ख्रीष्‍टयात क्रूसय् यख्‍खानाः स्‍याःगु खँ छिमिगु हे न्‍ह्यःने ध्‍वाथुइक कनागु मखु ला?

एफिसी 6:11

परमेश्‍वरं बियादीगु फुक्‍क ल्‍वाभः ज्‍वँ। अले छिमित शैतानं छुं यानाः नं स्‍यंके फइ मखु।

१ तिमोथी 3:6

थज्‍याःम्‍ह मनू नकतिनि जक विश्‍वास याःम्‍ह नं जुइ मज्‍यू। मखुसा व नं अप्‍वः तःधंछुयाः शैतान थें नाश जुयावनी।

२ तिमोथी 1:15

एशियाय् च्‍वंपिं फुक्‍कसिनं जितः त्‍वःतावन धकाः ला छं सि हे स्‍यू। फुगेलस व हेर्मोगेनसं तकं जितः त्‍वःतावन।

२ तिमोथी 3:13

मभिंपिं व थगाहा मनूतय्‌सं कर्पिन्‍त थगय् यायां थःत हे थगय् याका च्‍वनेमाली। अले थुपिं झन झन स्‍यनावनी।

२ तिमोथी 4:3

भिंगु खँ धाल धाःसा सह हे मयाइगु ई नं वइतिनि। इमिसं थःम्‍हं मनं तुं थें ज्‍याःगु खँ स्‍यनेकने याइपिं गुरु तइ, अले थःत यःयःगु जक खँ न्‍यना च्‍वनी।

हिब्रू 13:9

थीथी कथंया अजू चायापुगु स्‍यनातःगु खं छिमित मखुगु लँय् यंके मफयेमा। नयेत्‍वनेगुलिं मखु, बरु परमेश्‍वरयागु दया मायां थःगु मनयात बल्‍लाकि, छाय्‌धाःसा नयेत्‍वनेगुलिइ जक जुयाच्‍वंपिन्‍त गुब्‍सं भिं जूगु मदु।

याकूब 1:6

छिमिसं वय्‌कःयाके फ्‍वनेबलय् वय्‌कलं बियादी धकाः विश्‍वास यायेमाः। परमेश्‍वरं बियादी ला बियामदी ला धकाः मनय् संका तये मज्‍यू। मनय् संका तयाः फ्‍वनीपिं मनूत फसं थुखे उखे याःगु समुद्रया लःद्वम्‍बः थें जुइ।

याकूब 3:4

अथे हे फसं न्‍ह्यानाच्‍वंगु ततःधंगु लःजहाजयात नं छगू चिचाधंगु कर्ण जक संकाः नं जहाज चले याइम्‍हय्‌सिनं थः यःथाय् यंके फु।

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।

१ यूहन्‍ना 2:19

इपिं झीगु पुचलं पिहां वने धुंकल, छाय्‌धाःसा इपिं झी मनूत मखु। इपिं झी मनूत खःसा झीपिं नाप हे च्‍वनीगु खः। झीगु पुचलं पिहां वंगुलिं इपिं झी मनूत मखु धकाः सीदत।

१ यूहन्‍ना 2:26

थज्‍याःपिं ख्रीष्‍टया शत्रुतय्‌सं छिमित मखुगु लँय् यंकी धकाः कनाबीत थ्‍व खँ च्‍वयाच्‍वनागु खः।

१ यूहन्‍ना 4:1

यःपिं दाजुकिजापिं, आत्‍मा दु धकाः धयाजुइपिं न्‍ह्याम्‍हय्‌सित नं विश्‍वास याये मते। न्‍हापां परमेश्‍वरयागु आत्‍मा खः मखु धकाः निं जाँचय् याना स्‍व, छाय्‌धाःसा यक्‍व हे फताहा अगमवक्तात खने दया वयाच्‍वंगु दु।

यहूदा 1:12

थुपिं छिमिगु लय्‌ताः भ्‍वजय् लुया वइगु फि खः। थुपिं थःत जक भिंका जुइपिं खः। थुपिं फसं पुइके यनिगु, लः मदुगु सुपाँय् खः। अले फल सइ मखुगु निकः तक सी धुंकूगु, हांनिसें सी धुंकूगु सिमा खः।

प्रकाश 19:20

अले व पशुयात व वया फताहा अगमवक्तायात ज्‍वन। व पशुयागु चिं दुपिन्‍त व पशुयागु मूर्तियात पुजा याःपिन्‍त चिं क्‍यनाः थगय् याःम्‍ह थ्‍व हे खः। गन्‍धक जक च्‍यानाच्‍वनीगु मि गालय् थुपिं निम्‍हय्‌सितं क्‍वफात।