एफिसी 4:12 - नेवाः बाइबल

¹² परमेश्‍वरया मनूतय्‌त ख्रीष्‍टयागु ज्‍या याये फयेमा धकाः व वय्‌कःयागु म्‍ह मण्‍डलीयात ब्‍वलंकेत वय्‌कलं थुकथं ल्‍ययादिल।

एफिसी 4:12 ပူးပေါင်းရင်းမြစ်များ

लूका 22:32

अय्‌नं छंगु विश्‍वास बमलाना मवनेमा धकाः जिं प्रार्थना यानागु दु। जिथाय् हानं लिहां वये धुंकाः छं थः दाजुकिजापिन्‍त बल्‍लाकि।”

प्रेरित 1:17

व नं झीपिं थें खः, अले वं नं झीसं थें हे ज्‍या यानाच्‍वंगु खः।”

प्रेरित 1:25

यहूदा थ्‍व ज्‍या त्‍वःताः गन वनेमाःगु खः अन वने धुंकूगुलिं वया थासय् ज्‍याय् तयेत व प्रेरित यायेत गुम्‍ह मनू ज्‍यू, धयादिसँ?”

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

प्रेरित 9:31

थथे यहूदिया, गालील व सामरियाय् च्‍वंगु मण्‍डलीइ सुख शान्‍ति जुल। प्रभुयात हनेगु व वय्‌कःयागु खँ न्‍यनिगुलिं यानाः पवित्र आत्‍मायागु ग्‍वाहालि दयाः मण्‍डली च्‍वन्‍ह्याना वल, अले विश्‍वासीत नं यक्‍व दयावल।

रोमी 12:5

थथे हे झीपिं नं यक्‍व दसां ख्रीष्‍टयागु म्‍हय् ला छम्‍ह हे जक खः। अले थीथी म्‍हब्‍वत छगू छगू यानाः मिलय् यानातःपिं खः।

रोमी 12:7

सेवा याइगु वरदान दःसा सेवा हे यायेमाः। स्‍यनेकने यायेगु वरदान दःसा स्‍यनेकने हे यायेमाः।

रोमी 14:19

उकिं छु याःसा शान्‍ति जुइ, अले फुक्‍क मिलय् जुयाः सकसिगुं भिं जुइगु खः, व जक यानाजुइगु स्‍वये माल।

रोमी 15:14

यःपिं दाजुकिजापिं, छिपिं तसकं भिंपिं अले बुद्धिं जाःपिं जूगुलिं छम्‍हं मेम्‍हय्‌सित स्‍यनेकने याये फुगुलिं जि लुधं।

रोमी 15:2

झी फुक्‍कसिनं थः जःलाखःलापिन्‍त भिं जुइगु मतिइ तयेमाः, अले जक इमिगु विश्‍वास बल्‍लानावइ।

रोमी 15:29

जि छिमिथाय् वयेबलय् ख्रीष्‍टं बियादीगु यक्‍व आशिष नं ज्‍वनाः वये दइ धकाः जिं स्‍यू।

१ कोरिन्‍थी 12:27

अथे हे छिपिं फुक्‍कं ख्रीष्‍टयागु मण्‍डली खः। छिपिं छम्‍ह छम्‍ह ख्रीष्‍टयागु म्‍हय् च्‍वंगु म्‍हब्‍वत खः।

१ कोरिन्‍थी 12:7

फुक्‍क विश्‍वासीत भिना वइगु ज्‍या याये फयेमा धकाः हे परमेश्‍वरं झीत पवित्र आत्‍मा बियादीगु खः।

१ कोरिन्‍थी 14:12

आत्‍मां बीगु वरदानयात छिमिसं यय्‌काच्‍वंगु दु। अय्‌जूगुलिं मेमेगु वरदान स्‍वयाः मण्‍डलीयात भिनिगु व बल्‍लाना वइगु वरदान कायेत कुतः या।

१ कोरिन्‍थी 14:14

मथूगु भाषां जिं प्रार्थना याःसा जिगु आत्‍मां ला प्रार्थना याइ, जिगु मनं धाःसा थुकी ब्‍वति काइ मखु।

१ कोरिन्‍थी 14:26

यःपिं दाजुकिजापिं, जिगु धापू छिमिसं थुल ला? छिपिं फुक्‍कं छथाय् मुनाः परमेश्‍वरयात सेवा यायेबलय् छम्‍हय्‌सिनं भजन यायेगु, छम्‍हय्‌सिनं स्‍यनेगु, छम्‍हय्‌सिनं परमेश्‍वरं क्‍यनादीगु खँ न्‍यंकेगु, छम्‍हय्‌सिनं थीथी भाषां नवायेगु, अले छम्‍हय्‌सिनं थथे थीथी भाषां नवाःगु थुइकाबीगु यायेमाः। थ्‍व फुक्‍क ज्‍यां मण्‍डलीयात भिंकिगु जुइमाः।

२ कोरिन्‍थी 12:19

जिमिसं थःपिं बचय् जुइत थथे धयाच्‍वंगु धकाः छिमिसं मतिइ तल जुइ। यःपिं, अथे मखु, छिमित हे भिंकेत जिमिसं थथे धयाच्‍वनागु खः धकाः परमेश्‍वर व ख्रीष्‍टं स्‍यू।

२ कोरिन्‍थी 13:11

यःपिं दाजुकिजापिं, लय्‌ताया च्‍वँ। मभिंगु लँपु त्‍वःताः भिंगु लँपु ज्‍वनाच्‍वँ। जिं धयागु खँ नुगलय् तयाति। छिपिं सकलें मिलय् जुयाच्‍वँ। अले माया यानादीम्‍ह व शान्‍ति बियादीम्‍ह परमेश्‍वर छिपिंनाप च्‍वनादी।

२ कोरिन्‍थी 13:9

जिपिं बमलाःसां छिपिं जक बल्‍लाक विश्‍वास यानाः भिना वयेमा धकाः जिमिसं लय्‌तातां प्रार्थना यानाच्‍वनागु दु।

२ कोरिन्‍थी 3:8

मनूतय्‌गु पाप क्षमा यानाबी फुम्‍ह आत्‍मा बियादीबलय् झन गुलि जक झःझः धाइगु जुइ?

२ कोरिन्‍थी 4:1

थथे परमेश्‍वरं जिमित दया माया यानाः थ्‍व ज्‍या बियातःगु खः। उकिं जिमिसं आशा त्‍वःते मखु।

२ कोरिन्‍थी 5:18

थथे यानादीम्‍ह परमेश्‍वर हे खः। ख्रीष्‍टपाखें वय्‌कलं झीत थःनाप मिलय् यानाः मेपिन्‍त नं वय्‌कः नाप मिलय् याकेगु ज्‍या जिमिगु ल्‍हातय् बियादीगु दु।

२ कोरिन्‍थी 6:3

जिमिसं सुयातं पंगः जुइकथं ज्‍याखँ मयाना। मखुसा जिमिगु ज्‍याखँयात क्‍वह्यंकाः खँ ल्‍हाइ।

२ कोरिन्‍थी 7:1

यःपिं दाजुकिजापिं, झीत थ्‍व बचं बियादीगुलिं म्‍ह व आत्‍मायात अशुद्ध याइगु फुक्‍क खँपाखें झीसं थःत पवित्र याये नु। अले परमेश्‍वरया भय कयाः झीसं पवित्र जुयाच्‍वनेगु कुतः याये नु।

एफिसी 1:23

मण्‍डली ख्रीष्‍टयागु म्‍ह खः। थ्‍व हे म्‍ह न्‍ह्याथाय् दीम्‍ह व न्‍ह्यागु खं पूवंकादीम्‍ह वय्‌कःयागु पूवंगु रूप खः।

एफिसी 4:16

वय्‌कलं हे यानाः फुक्‍क म्‍हब्‍व मिलय् जुयाच्‍वंगु दु, अले म्‍ह छम्‍हं माःकथं स्‍वानाच्‍वंगु दु। छता छता म्‍हब्‍वं थथःगु ज्‍या याना च्‍वंसा म्‍ह छम्‍हं स्‍वय् जिया वइ, अले थःथवय् माया यानाः न्‍ह्यज्‍याये फइ।

एफिसी 4:29

छिमिगु म्‍हुतुं बांमलाःगु खँ पिहां मवयेमा। माःगु, भिंगु व ज्‍यूगु जक खँ ल्‍हाना जु। अले न्‍यनीपिन्‍त नं न्‍ह्याइपुसे च्‍वनी।

एफिसी 4:4

गथे परमेश्‍वरं छिमित छगू हे आशाया निंतिं सःतादीगु खः, अथे हे छिमिगु म्‍ह नं छगू हे, आत्‍मा नं छगू हे खः।

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

कलस्‍सी 1:28

उकिं जिमिसं फुक्‍कसितं ख्रीष्‍टयागु खँ न्‍यंका जुयागु खः। फुक्‍कसितं ख्रीष्‍टयात क्‍वात्तुक विश्‍वास याकाः परमेश्‍वरया न्‍ह्यःने यंकेत जिमिसं ख्‍याच्‍वः बिया अले स्‍यनेकने यानाः वयाच्‍वनागु दु।

कलस्‍सी 4:17

अर्खिप्‍पसयात प्रभुं याकेब्‍यूगु ज्‍या बांलाक मन तयाः या धकाः धयाब्‍यु।

१ तिमोथी 1:12

जिगु ज्‍याय् जितः शक्ति बियादीम्‍ह झी प्रभु येशू ख्रीष्‍टयात जिं सुभाय् बी, छाय्‌धाःसा वय्‌कलं जितः विश्‍वास यानाः थःगु ज्‍या याकेबियादिल।

२ तिमोथी 4:11

लूका जक जि नाप दु। मर्कूसयात मालाः छनापं ब्‍वना हजि। वं जिगु ज्‍याय् यक्‍व हे ग्‍वाहालि बी।

२ तिमोथी 4:5

छं जक न्‍ह्यागु जूसां नुगः क्‍वात्तुकाः च्‍वँ। दुःख सी माःसां स्‍यू। भिंगु खँ न्‍यंकेगु याना च्‍वँ। थःत बियातःगु ज्‍या पूवंकि।

हिब्रू 13:17

छिमिसं मण्‍डलीया थकालिपिनिगु खँ न्‍यँ, अले इमिसं धाःथें च्‍वँ, छाय्‌धाःसा इमिसं थःगु ज्‍याया ल्‍याःचाः परमेश्‍वरयात क्‍यनेमाःगुलिं छिमित बांलाक हेरचाह याना तइ। इमित थःगु ज्‍या लसतां याकेब्‍यु, इमित नुगलय् स्‍याके मते। मखुसा छिमित हे बांलाइ मखु।

हिब्रू 6:1

अय्‌जूगुलिं ख्रीष्‍टयागु न्‍ह्यखँ जक सय्‌का च्‍वनेगु त्‍वःताः मेमेगु दुग्‍यंगु व ततःधंगु खँ नं सीकेमाः। मखुगु, मभिंगु व परमेश्‍वरयात मयःगु ज्‍याखँ यायेगु त्‍वःताः पश्‍चाताप यायेगु, वय्‌कःयात विश्‍वास यानाच्‍वनेगु,