एफिसी 4:11 - नेवाः बाइबल

¹¹ वय्‌कलं हे गुम्‍हय्‌सितं प्रेरित, गुम्‍हय्‌सितं अगमवक्ता, गुम्‍हय्‌सितं भिंगु खँ न्‍यंक जुइम्‍ह, गुम्‍हय्‌सितं मण्‍डलीइ हेरचाह याइम्‍ह, गुम्‍हय्‌सितं वचन स्‍यनेकने याइम्‍ह यानादिल।

एफिसी 4:11 ပူးပေါင်းရင်းမြစ်များ

२ इतिहास 15:3

ताःई तक इस्राएलं सत्‍य परमेश्‍वर मदय्‌कं जीवन हनाच्‍वंगु खः। इमित स्‍यनेत पुजाहारीत मदु, व्‍यवस्‍था मदु।

यर्मिया 3:15

अले जिं थःगु मननापं मिलय् जूपिं जवाःत छिमित बी। इमिसं छिमित ज्ञान व बुद्धिं लँ क्‍यनी।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

प्रेरित 13:1

एन्‍टिओखियाय् च्‍वंगु मण्‍डलीइ अगमवक्ता व गुरुत नं दु। थुपिं बारनाबास, हाकु धाःम्‍ह शिमियोन, कुरेनीं वःम्‍ह लुकियस, दरबारय् हेरोद जुजु नाप ब्‍वलंम्‍ह मनेन व शाऊल खः।

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

प्रेरित 21:8

कन्‍हय् खुन्‍हु हे जिपिं अनं कैसरियाय् वना। जिपिं अन भिंगु खँ न्‍यंका जुइम्‍ह फिलिप धाःम्‍हय्‌सिथाय् वना। अले व नाप हे छन्‍हु निन्‍हु च्‍वना। यरूशलेमय् ग्‍वाहालि यायेत ल्‍यःपिं न्‍हय्‌म्‍ह मध्‍ये व नं छम्‍ह खः।

रोमी 12:7

सेवा याइगु वरदान दःसा सेवा हे यायेमाः। स्‍यनेकने यायेगु वरदान दःसा स्‍यनेकने हे यायेमाः।

१ कोरिन्‍थी 12:4

थीथी वरदान विश्‍वासीतय्‌त बियातःगु जूसां, वरदान बियादीम्‍ह ला छम्‍ह हे पवित्र आत्‍मा जक खः।

एफिसी 2:20

प्रेरिततय्‌सं व अगमवक्तातय्‌सं स्‍वना थकूगु जगय् दय्‌कूगु छेँ छिपिं नं खः। अले थ्‍व जगयागु मू ल्‍वहं येशू ख्रीष्‍ट खः।

एफिसी 3:5

थ्‍व गुप्‍ति खँ न्‍हापा न्‍हापायापिं मनूतय्‌सं मस्‍यू। थौंकन्‍हय् परमेश्‍वरं वय्‌कःया पवित्र प्रेरिततय्‌त व अगमवक्तातय्‌त थ्‍व गुप्‍ति खँ पवित्र आत्‍मापाखें सीके बियादीगु दु।

एफिसी 4:8

थथे च्‍वयातःगु दु – “प्रभु स्‍वर्गय् थाहां झायादीबलय् ज्‍वनातःपिन्‍त नं थःलिसें यंकादिल। अले मनूतय्‌त वरदान बियादिल।”

२ तिमोथी 4:5

छं जक न्‍ह्यागु जूसां नुगः क्‍वात्तुकाः च्‍वँ। दुःख सी माःसां स्‍यू। भिंगु खँ न्‍यंकेगु याना च्‍वँ। थःत बियातःगु ज्‍या पूवंकि।

हिब्रू 5:12

आः ला छिपिं मेपिन्‍त स्‍यनीपिं जुइमाःगु खः। अय्‌नं परमेश्‍वरयागु खँय् छुं हे मस्‍यूनिगुलिं छिमित मेपिन्‍सं स्‍यनेमाः थें च्‍वं नि। छिपिं दुधंगु नसा नये मफुनिपिं मांयागु दुरु त्‍वने मानिपिं थें जुयाच्‍वन।

यहूदा 1:17

यःपिं दाजुकिजापिं, झी प्रभु येशू ख्रीष्‍टया प्रेरिततय्‌सं कनावंगु खँ बांलाक लुमंकी।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 21:14

शहरया पःखाःयागु जग झिंनिथाय् दु। उकी द्यःने चीधिकःम्‍ह भ्‍याःचाया झिंनिम्‍ह प्रेरिततय्‌गु नां च्‍वयातःगु दु।