एफिसी 3:4 - नेवाः बाइबल

⁴ जिं च्‍वयाहयागु थ्‍व खँ ब्‍वन धाःसा जिं ख्रीष्‍टयागु गुप्‍ति खँ गुलि स्‍यू धकाः छिमिसं सीके फइ।

एफिसी 3:4 ပူးပေါင်းရင်းမြစ်များ

मत्ती 13:11

वय्‌कलं धयादिल – “स्‍वर्गयागु राज्‍ययागु गुप्‍ति खँ छिमित जक सीके ब्‍यूगु दु। इमित सीके मब्‍यू।

लूका 8:10

वय्‌कलं थथे धयादिल – “परमेश्‍वरयागु राज्‍ययागु गुप्‍ति खँ छिमित सीकेबी धुंकूगु दु। मेपिन्‍त धाःसा जिं उखान छुनाः धया, थुकथं धर्मशास्‍त्र पूरा जुइमा, “‘इमिसं स्‍वयाः नं मखनेमा, अले न्‍यनाः नं मथुइमा।’”

रोमी 11:25

दाजुकिजापिं, थ्‍व गुप्‍ति खँ थुइकाः छिपिं थथः हे बुद्धिमान जुइगु स्‍वये मते। गुप्‍ति खँ थ्‍व हे खः – गुबलय् तक यहूदीमखुपिनिगु ल्‍याः गाइ मखु अबलय् तक यहूदीतय्‌गु मिखा चाली मखु।

रोमी 16:25

परमेश्‍वरयात तःधंकि, छाय्‌धाःसा छिमिगु विश्‍वास बल्‍लाकादी फुम्‍ह परमेश्‍वर हे खः। न्‍हापांनिसें गुप्‍त तयातःगु येशू ख्रीष्‍टयागु भिंगु खँ आः सकसितं सीके बियादीगु दु।

१ कोरिन्‍थी 13:2

अगमवाणी कनेगु वरदान बिया तःसां, अले हानं फुक्‍क ज्ञान दुसां, फुक्‍क गुप्‍ति खँ थुइके फुसां, पहाड हे ल्‍यहें थनीगु विश्‍वास दुसां, जिके माया धयागु मदुसा जि छुं नं मखु।

१ कोरिन्‍थी 4:1

जिपिं परमेश्‍वरयागु गुप्‍ति खँ लःल्‍हाना तःपिं ख्रीष्‍टया च्‍यःत खः धकाः छिमिसं भाःपीमाः।

२ कोरिन्‍थी 11:6

नवायेत जि बांलाक मसये फु, अय्‌नं जिके बुद्धि मगाः मजू। थ्‍व खँय् जिमिसं छिमित तःकः मछि धयाः थुइकाबी नं धुन।

एफिसी 1:9

ख्रीष्‍टपाखें पूवंकादीगु फुक्‍क गुप्‍ति ज्‍याखँ वय्‌कलं झीत सीके बियादिल।

एफिसी 3:3

परमेश्‍वरं वय्‌कःयागु गुप्‍ति खँ जितः सीके बियादिल। थ्‍व हे खँ जिं न्‍हापा नं चिहाकय्‌क च्‍वये धुन।

एफिसी 3:9

दक्‍व फुक्‍कं सृष्‍टि यानादीम्‍ह परमेश्‍वरं न्‍हापांनिसें थ्‍व गुप्‍ति खँ सुयातं सीके बियामदी। आः धाःसा वय्‌कलं थ्‍व गुप्‍ति खँ जिगुपाखें फुक्‍क मनूतय्‌त सीके बियादीगु दु।

एफिसी 5:32

थ्‍व छगू तःधंगु गुप्‍ति खँ खः। अय्‌नं जिं छिमित ख्रीष्‍ट व मण्‍डलीया बारे खँ ल्‍हाना च्‍वनागु दु।

एफिसी 6:19

जिगु निंतिं नं छिमिसं प्रार्थना यानाब्‍यु। जिं नवाइबलय् परमेश्‍वरं जितः वचन व नवायेत साहस बियादीमा, अले जिं वय्‌कःयागु भिंगु खँ नं मेपिन्‍त बांलाक ध्‍वाथुइका बी फयेमा धकाः प्रार्थना या।

कलस्‍सी 1:26

न्‍हापांनिसें सुनानं थुइके मफुगु थ्‍व गुप्‍ति खँयात आः ख्रीष्‍ट येशूया पवित्र मनूतय्‌त ध्‍वाथुइकादिल।

कलस्‍सी 2:2

छिमित साहस दयेमा, अले थःथवय् माया यानाच्‍वनेमा धकाः जिं थथे यानाच्‍वनागु खः। अले छिमिसं फुक्‍क खँ ध्‍वाथुइके फइ। थुकथं छिमिसं परमेश्‍वरयागु गुप्‍ति खँ ख्रीष्‍टयात नं बांलाक म्‍हसीके फइ।

कलस्‍सी 4:3

जिमिगु निंतिं नं प्रार्थना या। ख्रीष्‍टयागु खँ कनेत व परमेश्‍वरयागु वचन न्‍यंकेत वय्‌कलं न्‍ह्याथासं लँ चायेकादीमा धकाः प्रार्थना या। थुकियागु निंतिं हे जिं थथे झ्‍यालखानाय् कुंका च्‍वनेमाल।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

१ तिमोथी 3:9

इपिं विश्‍वासयागु सत्‍य खँयात मनंनिसें बांलाक थुइका काये फुपिं जुइमाः।