एफिसी 3:3 - नेवाः बाइबल

³ परमेश्‍वरं वय्‌कःयागु गुप्‍ति खँ जितः सीके बियादिल। थ्‍व हे खँ जिं न्‍हापा नं चिहाकय्‌क च्‍वये धुन।

एफिसी 3:3 ပူးပေါင်းရင်းမြစ်များ

प्रेरित 22:17

“अनं यरूशलेमय् लिहां वये धुंकाः छन्‍हु देगलय् च्‍वनाः प्रार्थना यानाच्‍वनाबलय् जिं दर्शन खना।

प्रेरित 22:21

“प्रभुं जितः थथे धयादिल – ‘छ वने हे माः, जिं छन्‍त तातापाक यहूदीमखुपिन्‍थाय् छ्वयेत्‍यना।’”

प्रेरित 23:9

अले अन तसकं खलबल जुल। फरिसीतय् शास्‍त्रीतय्‌सं दनाः सदुकीतय्‌त न्‍यंकाः थथे धाल – “जिमिसं ला थ्‍व मनूयागु छुं हे दोष मखना। थ्‍व मनूयात आत्‍मां व स्‍वर्गदूतं हे नवाकूगु जुइमाः।”

रोमी 11:25

दाजुकिजापिं, थ्‍व गुप्‍ति खँ थुइकाः छिपिं थथः हे बुद्धिमान जुइगु स्‍वये मते। गुप्‍ति खँ थ्‍व हे खः – गुबलय् तक यहूदीमखुपिनिगु ल्‍याः गाइ मखु अबलय् तक यहूदीतय्‌गु मिखा चाली मखु।

रोमी 16:25

परमेश्‍वरयात तःधंकि, छाय्‌धाःसा छिमिगु विश्‍वास बल्‍लाकादी फुम्‍ह परमेश्‍वर हे खः। न्‍हापांनिसें गुप्‍त तयातःगु येशू ख्रीष्‍टयागु भिंगु खँ आः सकसितं सीके बियादीगु दु।

२ कोरिन्‍थी 12:1

फुइँ यानाः भिं जुइ मखु धकाः सीक सीकं नं जिं फुइँ याये माल। प्रभुं जितः क्‍यनादीगु दर्शन जिं आः कने।

गलाती 1:12

सुं मनुखं थ्‍व खँ जितः ना धकाः ब्‍यूगु नं मखु, अले सुनानं थ्‍व खँ जितः स्‍यंगु नं मखु। थ्‍व भिंगु खँ जितः बियादीम्‍ह ला येशू ख्रीष्‍ट खः।

एफिसी 1:17

ज्ञान बीम्‍ह व परमेश्‍वरयात म्‍हसीका बीम्‍ह पवित्र आत्‍मा छिमित बियादीमा धकाः जिं दकलय् तःधंम्‍ह व येशू ख्रीष्‍टया बाः परमेश्‍वरयाके फ्‍वनाच्‍वना।

एफिसी 3:4

जिं च्‍वयाहयागु थ्‍व खँ ब्‍वन धाःसा जिं ख्रीष्‍टयागु गुप्‍ति खँ गुलि स्‍यू धकाः छिमिसं सीके फइ।

एफिसी 3:6

जिं धयाच्‍वनागु गुप्‍ति खँ थ्‍व हे खः – परमेश्‍वरयागु भिंगु खँ न्‍यना काःगुलिं यहूदीतय्‌त थें यहूदीमखुपिन्‍त नं परमेश्‍वरं उतिकं आशिष बियादी। थुपिं निखलः नं छम्‍ह हे खः। परमेश्‍वरं थुमित नं ख्रीष्‍ट येशूयात विश्‍वास याक्‍वसित बी धकाः धयादीगु बियादी।

एफिसी 3:9

दक्‍व फुक्‍कं सृष्‍टि यानादीम्‍ह परमेश्‍वरं न्‍हापांनिसें थ्‍व गुप्‍ति खँ सुयातं सीके बियामदी। आः धाःसा वय्‌कलं थ्‍व गुप्‍ति खँ जिगुपाखें फुक्‍क मनूतय्‌त सीके बियादीगु दु।

एफिसी 6:19

जिगु निंतिं नं छिमिसं प्रार्थना यानाब्‍यु। जिं नवाइबलय् परमेश्‍वरं जितः वचन व नवायेत साहस बियादीमा, अले जिं वय्‌कःयागु भिंगु खँ नं मेपिन्‍त बांलाक ध्‍वाथुइका बी फयेमा धकाः प्रार्थना या।

कलस्‍सी 2:2

छिमित साहस दयेमा, अले थःथवय् माया यानाच्‍वनेमा धकाः जिं थथे यानाच्‍वनागु खः। अले छिमिसं फुक्‍क खँ ध्‍वाथुइके फइ। थुकथं छिमिसं परमेश्‍वरयागु गुप्‍ति खँ ख्रीष्‍टयात नं बांलाक म्‍हसीके फइ।

कलस्‍सी 4:3

जिमिगु निंतिं नं प्रार्थना या। ख्रीष्‍टयागु खँ कनेत व परमेश्‍वरयागु वचन न्‍यंकेत वय्‌कलं न्‍ह्याथासं लँ चायेकादीमा धकाः प्रार्थना या। थुकियागु निंतिं हे जिं थथे झ्‍यालखानाय् कुंका च्‍वनेमाल।

हिब्रू 13:22

यःपिं दाजुकिजापिं, चिचाहाकय्‌क जूसां जिं छिमित च्‍वयागु थ्‍व अर्ती छिमिसं बांलाक न्‍यना का।

१ पत्रुस 5:12

विश्‍वास याये बहःम्‍ह सिलासयात थ्‍व पौ च्‍वकाः छिमित छ्वयाहयागु खः। परमेश्‍वरं छिमित तसकं दया माया यानादीगु दु, अले छिमित भिंका नं दी धयागु खँ छिमिसं सीमा धकाः, अले छिमित साहस बीकथं जिं थथे चिहाकय्‌क च्‍वयाच्‍वनागु खः। अय्‌जूगुलिं छिमिसं परमेश्‍वर नाप च्‍वनाच्‍वनेगु त्‍वःते मते।

२ पत्रुस 3:15

थौं तक झाया मदिसे प्रभु पियाच्‍वनादीगु पापी मनूत बचय् जुइमा धकाः खः। झी यःम्‍ह किजा पावलं नं परमेश्‍वरपाखें बुद्धि कयाः थ्‍व हे खँ च्‍वयातःगु खः।