एफिसी 3:20 - नेवाः बाइबल

²⁰ झीत बियादीगु शक्तिं झीसं फ्‍वनागु स्‍वयाः नं अप्‍वः अले मनय् तयागु स्‍वयाः नं अप्‍वः बी फुम्‍ह परमेश्‍वर

एफिसी 3:20 ပူးပေါင်းရင်းမြစ်များ

उत्‍पत्ति 17:1

अब्राम गुइगुदँ दुबलय् परमप्रभु अब्रामयाथाय् खनेदय्‌कः झाल। अले वयात धयादिल, “जि दक्‍व शक्ति दुम्‍ह परमेश्‍वर खः। जिं धाःथें या, अले दोष मदय्‌क जु।

उत्‍पत्ति 18:4

जिं लः हये, छिकपिनि तुति सिलादिसँ। अले सिमा क्‍वय् झासु लनादिसँ।

२ शमूएल 7:19

हे परमप्रभु परमेश्‍वर, थ्‍व छिगु मिखाय् चिधंगु खँ जुल, छाय्‌धाःसा छिं थःदासया घरानाया लिपा वइगु ईया बारे धयादिल। हे परमप्रभु परमेश्‍वर, छिं जितः छम्‍ह तःधंम्‍ह मनू भाःपियादीगु दु।

१ राजा 3:13

छं मफ्‍वंगु खँ नं जिं छन्‍त बी, अर्थात धन-सम्‍पत्ति व इज्‍जत। उकिं यानाः छंगु जिवंकाछि जुजुपिं मध्‍ये छ थें जाःम्‍ह सुं नं दइ मखु।

२ इतिहास 25:9

अमस्‍याहं परमेश्‍वरया मनूयात न्‍यन, “इस्राएली सेनाया निंतिं जिं पुलागु व ३,४०० किलोग्राम वहः छु यायेगु लय्?” अगमवक्तां धाल, “परमप्रभुं छितः व स्‍वयाः यक्‍व अप्‍वः बियादी फु।”

२ इतिहास 9:12

शेबायाम्‍ह रानीं फ्‍वंगु फुक्‍क खँ सोलोमन जुजुं वयात बिल। रानीं सोलोमनयाथाय् हःगु स्‍वयाः अप्‍वः वं रानीयात बिल। अले व थः मनूतनापं थःगु देशय् लिहां वन।

प्रस्‍थान 34:6

अनंलि परमप्रभु वया न्‍ह्यःने झायाः थथे धकाः धयादिल, “परमप्रभु, परमप्रभु दयादुम्‍ह, सदां दयामाया यानादीम्‍ह, तंचायेत लिबाकादीम्‍ह व तसकं विश्‍वास याये बहःम्‍ह खः।

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

यशैया 35:2

व लिली स्‍वां थें चक्‍कना ह्वइ। व तसकं लय्‌ताइ अले तसलं म्‍ये हाली, अले वयात लेबनानया गौरव, कर्मेल व शारोनया एेश्‍वर्य बिइ। इमिसं परमप्रभुया महिमा व झी परमेश्‍वरया एेश्‍वर्य खनी।

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

यर्मिया 32:17

“हे परमप्रभु परमेश्‍वर, छिं थःगु शक्ति व ताहाकःगु ल्‍हातं आकाश व पृथ्‍वी दय्‌कादिल। छिगु निंतिं छुं नं थाकु मजू।

यर्मिया 32:27

“जि परमप्रभु फुक्‍क मनूतय् परमेश्‍वर खः। छु जिगु निंतिं थाकुगु ज्‍या छुं दु ला?

दानिएल 3:17

ह्वाना ह्वाना च्‍यानाच्‍वंगु मिया भट्टीइ जिमित वांछ्वःसां जिमिसं सेवा यानाम्‍ह परमेश्‍वरं जिमित बचय् यानादी फु। वय्‌कलं जिमित छःपिनिगु ल्‍हातं त्‍वःतकादी फु।

दानिएल 6:20

अले व सिहंत तयातःगु तःजाःगु गाः लिक्‍क थ्‍यंबलय् ख्‍वःसलं धाल, “हे दानिएल, म्‍वाःम्‍ह परमेश्‍वरया दास, छं न्‍ह्याबलें सेवा याइम्‍ह छिमि परमेश्‍वरं छन्‍त बचय् याये फत ला?”

मत्ती 3:9

‘अब्राहाम हे जिमि बाः खः, उकिं जिमित छुं नं जुइ मखु’ धकाः धयाजुइ मते, छाय्‌धाःसा जिं छिमित धाये – परमेश्‍वरं अब्राहामया निंतिं थुपिं ल्‍वहँतं नं मस्‍त दय्‌कादी फु।

यूहन्‍ना 10:10

खुँ खुइत, स्‍यंकेत व स्‍यायेत जक वइ। तर जि इमित जीवन दयेमा, अले व यक्‍व जीवन दयेमा धकाः वयागु खः।

रोमी 16:25

परमेश्‍वरयात तःधंकि, छाय्‌धाःसा छिमिगु विश्‍वास बल्‍लाकादी फुम्‍ह परमेश्‍वर हे खः। न्‍हापांनिसें गुप्‍त तयातःगु येशू ख्रीष्‍टयागु भिंगु खँ आः सकसितं सीके बियादीगु दु।

रोमी 4:21

छाय्‌धाःसा परमेश्‍वर थःम्‍हं बियादीगु बचं पूवंकादी फुम्‍ह खः धकाः वं बांलाक स्‍यू।

१ कोरिन्‍थी 2:9

धर्मशास्‍त्रय् थथे च्‍वयातःगु दु – “मनुखं मखंगु, मन्‍यंगु, व मतिइ मतःगु खँ परमेश्‍वरं थःत माया याना च्‍वंपिनिगु निंतिं तयार यानादिल।”

२ कोरिन्‍थी 9:8

अले परमेश्‍वरं छिमित फुक्‍क कथंया आशिष अझ अप्‍वः हे बियादी। छिमित गुब्‍सं मगाःमचाः जुइ मखु। अले भिंगु ज्‍या यायेत नं छिमिके यक्‍व दइ।

एफिसी 1:19

अले वय्‌कःयात विश्‍वास याःपिन्‍त ग्‍वाहालि यानादीगु वय्‌कःया शक्ति गुलि तःधं धयागु सीमा धकाः नं जिं प्रार्थना यानाच्‍वनागु दु। वय्‌कःया शक्ति तसकं तःधं।

एफिसी 3:7

परमेश्‍वरं दया यानाः हे जितः थथे भिंगु खँ न्‍यकं जुइम्‍ह यानादिल। थःगु शक्तिं वय्‌कलं जितः थथे यानादिल।

कलस्‍सी 1:29

ख्रीष्‍ट येशूं बियादीगु तःधंगु शक्तिं हे जिं थथे दुःख सियाः थ्‍व ज्‍या यानाच्‍वना।

१ तिमोथी 1:14

ख्रीष्‍ट येशूयात यानागु विश्‍वास व मायां यानाः वय्‌कलं जितः तसकं दया यानादिल।

हिब्रू 11:19

परमेश्‍वरं सीम्‍ह मनूयात हानं म्‍वाकादी फु धकाः अब्राहामं विश्‍वास यानाः थथे इसहाकयात बलि बीत्‍यंगु खः। उकिं अब्राहामयात ला छगूकथं इसहाक सिनाः म्‍वानावःम्‍ह थें हे जुल।

हिब्रू 7:25

अय्‌जूगुलिं हे नं वय्‌कःयात विश्‍वास यानाः परमेश्‍वरया न्‍ह्यःने वइपिन्‍त वय्‌कलं आः हे सदांया निंतिं बचय् यानादी फु, छाय्‌धाःसा इमिगु निंतिं वय्‌कलं परमेश्‍वरयात न्‍ह्याबलें बिन्‍ति यानाच्‍वनादीगु दु।

याकूब 4:12

व्‍यवस्‍था बियादीम्‍ह व न्‍याय यानादीम्‍ह परमेश्‍वर जक खः। वय्‌कलं हे बचय् याये नं फु, अले नाश यानाछ्वये नं फु। उकिं कर्पिनिगु न्‍याय याइपिं छिपिं सु खः?

२ पत्रुस 1:11

अले झीत मुक्ति बियादीम्‍ह झी प्रभु येशू ख्रीष्‍टयागु न्‍ह्याबलें दयाच्‍वनीगु राज्‍यय् छिपिं नं दुहां वने दइ।

यहूदा 1:24

छिमित दोष मदय्‌काः परमेश्‍वरया न्‍ह्यःने हयादीम्‍ह झी प्रभुयागु नां सदां तःधना च्‍वनेमा। थ्‍व हे प्रभुं छिमित पाप याकेबी मखु। थ्‍व हे प्रभुं छिमित आनन्‍दं तयादी।