एफिसी 3:13 - नेवाः बाइबल

¹³ अय्‌जूगुलिं जिं थथे दुःखकष्‍ट सियाच्‍वनागु खनाः छिमिसं आशा त्‍वःते मते धकाः जिं इनाप यानाच्‍वना। थुकिं छिमित हे भिं जुइ।

एफिसी 3:13 ပူးပေါင်းရင်းမြစ်များ

सपन्‍याह 3:16

व दिं यरूशलेमयात इमिसं थथे धाइ, “छ ग्‍याये मते, हे सियोन। छंगु ल्‍हाः कमजोर मजुइमाः।

प्रेरित 14:22

इमिसं विश्‍वासीतय्‌त विश्‍वासय् बल्‍लाना च्‍वनेत साहस बिल। अले थथे धकाः नं स्‍यन – “परमेश्‍वरया राज्‍यय् दुहां वनेत झीसं थज्‍याःगु दुःखकष्‍ट सह यायेमाः।”

२ कोरिन्‍थी 1:6

जिमिसं दुःखकष्‍ट सियाच्‍वनागुलिं छिमित सान्‍त्‍वना व मुक्ति दइ। परमेश्‍वरं जिमित सान्‍त्‍वना बियादिल धाःसा छिमित नं सान्‍त्‍वना दइ। अथे हे दुःखकष्‍ट जुइबलय् जिमित थें छिमित नं सह याये फइगु शक्ति दइ।

२ कोरिन्‍थी 4:1

थथे परमेश्‍वरं जिमित दया माया यानाः थ्‍व ज्‍या बियातःगु खः। उकिं जिमिसं आशा त्‍वःते मखु।

गलाती 6:9

अय्‌जूगुलिं भिंगु ज्‍या यायेत थाकु चाये मते। थाकु मचासे ज्‍या यानाच्‍वन धाःसा छन्‍हु झीत परमेश्‍वरं सिरपाः बियादी।

एफिसी 3:1

छिपिं यहूदीमखुपिं मनूतय्‌त परमेश्‍वरयागु भिंगु खँ न्‍यंका जुयागुलिं जि ख्रीष्‍टया च्‍यः पावल थथे झ्‍यालखानाय् कुंका च्‍वनेमाल।

व्‍यवस्‍था 20:3

“हे इस्राएलीत न्‍यँ, छिपिं लडाइँलय् वनेत्‍यंगु दु। अथे जुयाः छिमिसं थःगु नुगः क्‍वतुंके मते, ग्‍याये मते, थुरथुर खाये मते अले इमिगु न्‍ह्यःने भ्‍वय्‌भ्‍वय् कने मते।

फिलिप्‍पी 2:18

अथे हे छिपिं नं जि थें लय्‌ताया च्‍वँ।

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

२ थेसलोनिकी 3:13

दाजुकिजापिं, भिंगु बांलाःगु ज्‍या यायेत थाकु चाये मते।