एफिसी 3:1 - नेवाः बाइबल

¹ छिपिं यहूदीमखुपिं मनूतय्‌त परमेश्‍वरयागु भिंगु खँ न्‍यंका जुयागुलिं जि ख्रीष्‍टया च्‍यः पावल थथे झ्‍यालखानाय् कुंका च्‍वनेमाल।

एफिसी 3:1 ပူးပေါင်းရင်းမြစ်များ

लूका 21:12

“थथे जुइ न्‍ह्यः जिगु नांयागु निंतिं छिमित ज्‍वनाः कसाः याइ, धर्मशास्‍त्र स्‍यनीगु छेँया थकालिपिन्‍त लःल्‍हानाबी, झ्‍यालखानाय् कुनी, अले जुजुपिन्‍थाय् व हाकिमतय्‌थाय् यंकी।

प्रेरित 21:33

अले कप्‍तानं पावलयात ज्‍वनाः निपु सिखलं चिकेबियाः मनूतय्‌त थथे धकाः न्‍यन – “थ्‍व मनुखं छु यात? थ्‍व गन च्‍वंम्‍ह खः?”

प्रेरित 23:18

अले वं पावलया भिन्‍चायात तःधंम्‍ह कप्‍तानयाथाय् यंकाः धाल – “कुनातःम्‍ह पावलं थ्‍व मनूयात छिथाय् यंकाब्‍यु धाःगु। थ्‍व मनूया छितः छुं धायेमाःगु दु हं।”

प्रेरित 26:29

पावलं धाल – “याकनं जुइमा, लिबाक्‍क जुइमा, छिकपिं सकलें जि थें तुं जुइमा धकाः जिं आशा यानागु दु। तर थथे सिखलं चीका च्‍वनेमाःम्‍ह धाःसा मखु। परमेश्‍वरयाके जिं थ्‍व हे प्रार्थना याना।”

प्रेरित 9:15

तर प्रभुं वयात धयादिल – “छ हुँ छाय्‌धाःसा यहूदीमखुपिन्‍त, जुजुपिन्‍त व इस्राएलीतय्‌त नं जिगु नां न्‍यंके छ्वयेत जिं थ्‍व मनूयात ल्‍ययागु दु।

२ कोरिन्‍थी 1:6

जिमिसं दुःखकष्‍ट सियाच्‍वनागुलिं छिमित सान्‍त्‍वना व मुक्ति दइ। परमेश्‍वरं जिमित सान्‍त्‍वना बियादिल धाःसा छिमित नं सान्‍त्‍वना दइ। अथे हे दुःखकष्‍ट जुइबलय् जिमित थें छिमित नं सह याये फइगु शक्ति दइ।

२ कोरिन्‍थी 10:1

छिमि दथुइ गुलिं गुलिंसिनं जि पौलय्‌ जक ततःधंगु खँ ल्‍हाइम्‍ह, धात्‍थें धाःसा ग्‍याफ्राम्‍ह धकाः धयाजूगु दु। स्‍वजाम्‍ह व दया माया दुम्‍ह ख्रीष्‍टयागु नामय् जि पावलं छिमित बिन्‍ति यानाच्‍वना,

२ कोरिन्‍थी 11:23

इपिं ख्रीष्‍टया च्‍यः खःसा जि झन इपिं स्‍वयाः भिंम्‍ह च्‍यः खः। थथे धायेबलय् जि वें थें च्‍वने फु। तर जिं थाकुक्‍क ज्‍या यानागु दु, तःकः मछि झ्‍यालखानाय् नं च्‍वना। तःकः मछि हे जितः कोर्रां दाःगु दु, तःकः मछि जितः सितुपातु वंक दाःगु दु।

गलाती 5:11

यःपिं दाजुकिजापिं, जिं अज्‍ज नं म्‍हय् चिं तयेमाः धकाः न्‍यंकाजूगु जूसा जिं अज्‍जं छाय् दुःखकष्‍ट फया च्‍वनेगु? थ्‍व खँ खः धयागु जूसा क्रूसय् सिनादीम्‍ह ख्रीष्‍टयागु भिंगु खँ न्‍यंका जूसां जितः सुनानं दुःखकष्‍ट ब्‍यू वइ मखु।

गलाती 5:2

न्‍यँ, जि पावलं धयाच्‍वना – छिमिसं म्‍हय् चिं तया जुल धाःसा छिमिसं ख्रीष्‍ट येशूयात विश्‍वास याःगु छुं हे ज्‍यालगय् मजुल।

गलाती 5:24

येशू ख्रीष्‍टयापिं मनूतय्‌सं ला थः यःथें यानाजुइगु व मभिंगु ज्‍या फुक्‍कं क्रूसय् यख्‍खाये धुंकल।

एफिसी 3:11

परमेश्‍वरं न्‍हापांनिसें हे ग्‍वसाः ग्‍वयादीगु थ्‍व ज्‍या झी प्रभु ख्रीष्‍ट येशूपाखें पूवंकादिल।

एफिसी 3:13

अय्‌जूगुलिं जिं थथे दुःखकष्‍ट सियाच्‍वनागु खनाः छिमिसं आशा त्‍वःते मते धकाः जिं इनाप यानाच्‍वना। थुकिं छिमित हे भिं जुइ।

एफिसी 3:8

परमेश्‍वरया चिधंम्‍ह स्‍वयाः नं अज्‍ज चिधंम्‍ह मनू जितः हे ख्रीष्‍टयागु तःजिगु भिंगु खँ यहूदीमखुपिन्‍त न्‍यंकः वनेगु ज्‍या परमेश्‍वरं लःल्‍हानादिल।

एफिसी 4:1

प्रभुयागु ज्‍या यानाः कुंका च्‍वनेमाःम्‍ह जिं छिमित प्रभुयात यःकथं ज्‍याखँ याना च्‍वँ धकाः दुनुगलंनिसें बिन्‍ति यानाच्‍वना।

एफिसी 6:20

थ्‍व हे भिंगु खँ न्‍यंकेत जितः परमेश्‍वरं छ्वयाहयादीगु खः। कुंका च्‍वनेमाःसां जिं गुकथं नवाये माःगु खः उकथं हे मग्‍यासे नवाये फयेमा धकाः नं छिमिसं प्रार्थना या।

फिलिप्‍पी 1:7

छिमित जिं थःगु नुगलय् तया तयागु दु। छिमिगु खँय् जिं थुकथं मतिइ तयागु पाय्‌छि हे जू, छाय्‌धाःसा छिमिसं जितः थथे कुनातःबलय् नं अले मतःबलय् नं भिंगु खँ न्‍यंकेत व थुकियागु पंलिनाः साक्षी बीगुलिइ नं ग्‍वाहालि याःगु दु।

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

कलस्‍सी 4:18

जि पावलं थःगु हे ल्‍हातं छिमित ज्‍वजलपा च्‍वयाच्‍वनागु दु। जि झ्‍यालखानाय् लानाच्‍वंगु खँ छिमिसं ल्‍वःमंके मते। परमेश्‍वरं छिमित दया माया यानादीमा।

कलस्‍सी 4:3

जिमिगु निंतिं नं प्रार्थना या। ख्रीष्‍टयागु खँ कनेत व परमेश्‍वरयागु वचन न्‍यंकेत वय्‌कलं न्‍ह्याथासं लँ चायेकादीमा धकाः प्रार्थना या। थुकियागु निंतिं हे जिं थथे झ्‍यालखानाय् कुंका च्‍वनेमाल।

२ तिमोथी 1:16

ओनेसिफरसया जहानपिन्‍त परमेश्‍वरं दया यानादीमा, छाय्‌धाःसा वं जितः यक्‍व यक्‍व हे साहस ब्‍यूगु दु। जितः झ्‍यालखानाय् कुनातल धकाः व लज्‍या मचाः।

२ तिमोथी 1:8

उकिं झी प्रभुयागु भिंगु खँ न्‍यंका जुइत लज्‍या चाये मते, अले जितः कुनातःगुलिइ नं लज्‍या चाये मते, बरु परमेश्‍वरयागु शक्तिइ भरोसा तयाः छं नं जिं थें तुं भिंगु खँयागु निंतिं दुःखसिया जु।

फिलेमोन 1:1

ख्रीष्‍ट येशूया निंतिं कैदी जुया च्‍वनाम्‍ह पावल व झी विश्‍वासी किजा तिमोथीयापाखें जिमि यःम्‍ह पासा व छगू हे ज्‍या यानाच्‍वंम्‍ह फिलेमोन,

फिलेमोन 1:23

येशू ख्रीष्‍टयागु निंतिं जिनापं तुं कुंका च्‍वंम्‍ह इपाफ्रासं छिमित ज्‍वजलपा धयाहःगु दु।

फिलेमोन 1:9

अय्‌नं माया यानाः जिं छन्‍त बिन्‍ति यानाच्‍वना। आः ला जि बुरा नं जुइ धुंकल, अले ख्रीष्‍टया निंतिं थथे कुंका नं च्‍वनागु दु।

प्रकाश 2:10

दुःख वइन धकाः छिपिं ग्‍याये मते। का स्‍व, शैतानं छिपिं मध्‍ये सुयातं झ्‍यालखानाय् कुंका बीत्‍यंगु दु। थुकथं छिपिं विश्‍वासय् गुलि बल्‍लाःपिं खः धकाः स्‍वयेत्‍यंगु दु। झिन्‍हु हे जक छिमित दुःखकष्‍ट जुइ। सी हे माला वंसां छिमिसं जितः विश्‍वास यायेगु त्‍वःते मते, अले छिमित जीवनयागु श्रीपेच बी।