एफिसी 2:6 - नेवाः बाइबल

⁶ झीसं ख्रीष्‍टयात विश्‍वास यानागुलिं वय्‌कलं झीत हानं म्‍वाकाः वय्‌कः नाप स्‍वर्गय् तयादिल।

एफिसी 2:6 ပူးပေါင်းရင်းမြစ်များ

मत्ती 26:29

जिं छिमित धाये – जिमि बाःयागु राज्‍यय् न्‍हूपिं जूपिं छिपिंनाप दाखमद्य मत्‍वंतले जिं आवंनिसें थ्‍व दाखमद्य त्‍वने मखुत।”

लूका 12:37

मालिक लिहां वइबलय् वं थः च्‍यःतय्‌त मद्यंसे च्‍वनाच्‍वंगु खन कि गुलि स्‍याबास बी। जिं छिमित धात्‍थें धाये – व मालिकं थः च्‍यःयात पाहांयात थें फ्‍यतुकाः नके त्‍वंके याइ।

यूहन्‍ना 12:26

सुयां जितः सेवा याये मास्‍ति वःसा जि नाप वयेमाः। अले जक जि दुथाय् जितः सेवा याइम्‍ह नं च्‍वने खनी। सुनां जितः सेवा याइ वयात बाःनं तःधं यानादी।

यूहन्‍ना 14:3

जि वनाः छिमित थाय् दय्‌के धुंकाः हानं वयाः छिमित जि च्‍वनेथाय् ब्‍वनायंके। अले छिपिं जिनापं च्‍वनी।

एफिसी 1:1

परमेश्‍वरं हे ख्रीष्‍ट येशूयाम्‍ह प्रेरित यानातःम्‍ह पावलपाखें एफिससय् च्‍वंपिं ख्रीष्‍ट येशूयात विश्‍वास यानाच्‍वंपिं परमेश्‍वरया मनूतय्‌त ज्‍वजलपा!

एफिसी 1:3

ख्रीष्‍टयात विश्‍वास यानागुलिं परमेश्‍वरं झीत स्‍वर्गयागु फुक्‍क आशिष बियादीगुलिं झी प्रभु येशू ख्रीष्‍टया बाः परमेश्‍वरयात तःधंकेमाः।

एफिसी 2:10

छाय्‌धाःसा झीपिं भिंगु ज्‍याया निंतिं ख्रीष्‍ट येशूपाखें सृष्‍टि यानातःपिं वय्‌कःया ल्‍हाःया सीप खः। वय्‌कलं न्‍हापांनिसें दय्‌कातःगु भिंगु ज्‍याखँ झीगुपाखें जुइ फयेमा धकाः झीत तयार यानादीगु खः।

एफिसी 2:13

उबलय् छिपिं ख्रीष्‍ट येशूपाखें तापाना च्‍वंपिं खः। आः धाःसा छिमित ख्रीष्‍टयागु हिं हे वय्‌कः नाप सत्तिकादिल।

कलस्‍सी 1:18

मण्‍डली वय्‌कःयागु म्‍ह खः, अले वय्‌कः मण्‍डलीयागु छ्यं खः। वय्‌कः हे दकलय् न्‍हापा दुम्‍ह, अले दकलय् न्‍हापां सिनाः म्‍वानावःम्‍ह खः। वय्‌कःयात फुक्‍कसियां प्रभु यायेत थथे यानादीगु खः।