एफिसी 2:21 - नेवाः बाइबल

²¹ वय्‌कलं हे फुक्‍कसितं मिलय् यानाः थ्‍व छेँयात परमेश्‍वर च्‍वनादीगु पवित्रगु देगः यानादी।

एफिसी 2:21 ပူးပေါင်းရင်းမြစ်များ

१ राजा 6:7

देगः दय्‌कूबलय् ल्‍वहंया खानिइ हे चाना हःगु कुचात जक छ्यल। देगः दय्‌काच्‍वंतले उगु थासय् मुगः, कतां वा छुं नं कथंयागु नया ज्‍याभःया सः ताये मदु।

भजनसंग्रहया सफू 93:5

हे परमप्रभु, छिगु नियम न्‍ह्याबलें दयाच्‍वनी, छिगु देगः सदांया निंतिं पवित्र जू।

इजकिएल 42:12

दच्‍छिनयागु क्‍वथातय्‌गु लुखात नं अथे हे च्‍वं। क्‍वथाय् दुहां वनेगु मेगु छगू लुखा दु। थ्‍व लुखा पुर्बपाखे वंगु पःखाःया नापनापं वनाच्‍वंगु लँया दुहां वनेथाय् लाः।

१ कोरिन्‍थी 3:9

जिपिं ला परमेश्‍वरयागु ज्‍या याः जुइपिं ज्‍यामित जक खः, अले छिपिं परमेश्‍वरयागु बुँ खः। छिपिं परमेश्‍वरयागु छेँनं खः।

२ कोरिन्‍थी 6:16

परमेश्‍वरयागु देगःलिसे मूर्तियागु छु स्‍वापु? झीपिं हे म्‍वाःम्‍ह परमेश्‍वर च्‍वनीगु देगः खः। थथे ला परमेश्‍वरं हे धयादीगु दु – “जि इपिंनापं च्‍वने, अले इपिंनापं जुइ। जि इमि परमेश्‍वर जुइ अले इपिं जिमि मनूत जुइ।”

कलस्‍सी 2:19

थुमिसं ख्रीष्‍टयात क्‍वात्तुक ज्‍वनी मखु, गुम्‍ह मण्‍डलीया छ्यं खः। छेनं यानाः हे फुक्‍क म्‍हब्‍व मिलय् जुइ फइ, अले म्‍ह छम्‍हं स्‍वाना च्‍वने फइ। अले जक परमेश्‍वरया यःकथं म्‍ह थाहां वये फइ।

१ तिमोथी 3:15

अय्‌नं छुं जुयाः जि वये लिबात धाःसा परमेश्‍वरयागु छेँय् झीसं गय् यानाः च्‍वनेमाः धकाः थ्‍व हे पौपाखें सीकाति। परमेश्‍वरयागु छेँ धयागु हे मण्‍डली खः। अले थ्‍व सत्‍ययागु थां व किल्‍ला नं खः।