एफिसी 2:19 - नेवाः बाइबल

¹⁹ उकिं छिपिं आः यहूदीमखुपिं जूसां इस्राएलयागु हकं पिनेलाःपिं व परमेश्‍वरयागु बाचां पिनेलाःपिं मखुत। बरु आः छिपिं नं इस्राएलयागु हकं थ्‍याःपिं व परमेश्‍वरया जहानया दुजः जुल।

एफिसी 2:19 ပူးပေါင်းရင်းမြစ်များ

मत्ती 10:25

चेला थः गुरु थें जुइ दुगुलिं, अले च्‍यः थः मालिक थें जुइ दुगुलिं लुधनेमाः। छेँ थुवाःयात हे भूतया जुजु बालजिबुल धाल धाःसा वया जहानतय्‌त झन छु जक धाइगु जुइ?”

गलाती 6:10

अय्‌जूगुलिं मौका दुबलय् हे झीसं मेपिन्‍त भिंगु यानाबीमाः। अप्‍वः यानाः विश्‍वासी दाजुकिजापिन्‍त यानाबीमाः।

एफिसी 2:12

बिचाः या, छिपिं ख्रीष्‍टपाखें तापाना च्‍वंपिं खः। छिपिं इस्राएलयागु हकं पिनेलाःपिं, परमेश्‍वरं चिनादीगु बाचां पिनेलाःपिं, आशा धयागु हे त्‍वफिका च्‍वंपिं, व परमेश्‍वर हे मदय्‌का च्‍वंपिं जुयाच्‍वंगु खः।

एफिसी 3:15

वय्‌कलं हे स्‍वर्गय् च्‍वंपिं व पृथ्‍वीइ च्‍वंपिं फुक्‍कसित जीवन बियादीगु खः।

एफिसी 3:6

जिं धयाच्‍वनागु गुप्‍ति खँ थ्‍व हे खः – परमेश्‍वरयागु भिंगु खँ न्‍यना काःगुलिं यहूदीतय्‌त थें यहूदीमखुपिन्‍त नं परमेश्‍वरं उतिकं आशिष बियादी। थुपिं निखलः नं छम्‍ह हे खः। परमेश्‍वरं थुमित नं ख्रीष्‍ट येशूयात विश्‍वास याक्‍वसित बी धकाः धयादीगु बियादी।

फिलिप्‍पी 3:20

झीपिं ला स्‍वर्गया नागरिकत खः। झीपिं मुक्ति बीम्‍ह झी प्रभु येशू ख्रीष्‍ट स्‍वर्गं झाइतिनि धकाः लँ स्‍वया च्‍वनापिं खः।

हिब्रू 11:13

इपिं फुक्‍कं विश्‍वास जक यानाः परमेश्‍वरं बी धकाः धयादीगु काये मखंकं सिनावन। अथेसां परमेश्‍वरं बी धकाः धयादीगु खँय् इमिसं विश्‍वास याः। इमिसं थःपिन्‍त पृथ्‍वीया लँजुवाःत जक ताय्‌कल।

हिब्रू 13:14

झीगु निंतिं थन सदां दयाच्‍वनीगु शहर मदु। झीपिं ला लिपा वइगु शहरयागु लँ स्‍वया च्‍वनापिं खः।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।

१ यूहन्‍ना 3:1

स्‍व, परमेश्‍वर बाःनं झीत गुलि माया यानादीगु दु। उकिं हे झीत परमेश्‍वरया सन्‍तान धकाः धाःगु खः, धात्‍थें खः नं खः। अय्‌जूगुलिं हे थ्‍व संसारयापिं मनूतय्‌सं झीत म्‍हमस्‍यूगु, छाय्‌धाःसा इमिसं वय्‌कःयात म्‍हमस्‍यू।