एफिसी 2:17 - नेवाः बाइबल

¹⁷ थथे यायेत वय्‌कलं परमेश्‍वरलिसे तापाना च्‍वंपिं व सत्तिना च्‍वंपिन्‍त नं शान्‍तियागु खँ न्‍यंकादिल।

एफिसी 2:17 ပူးပေါင်းရင်းမြစ်များ

भजनसंग्रहया सफू 148:14

वय्‌कलं थःगु देशयात बल्‍लाकादीगु दु, उकिं विश्‍वास यायेबहःपिं वय्‌कःयात तसकं यःपिं, इस्राएलया मनूतय्‌सं वय्‌कःया प्रशंसा याइ। हल्‍लेलूयाह।

भजनसंग्रहया सफू 75:1

जिमिसं सुभाय् बी हे परमेश्‍वर, जिमिसं सुभाय् बी। छाय्‌धाःसा छि जिमिगु तापाक मदु। मनूतय्‌सं छिगु अजू चायापुगु ज्‍या कनाजुइ।

भजनसंग्रहया सफू 85:10

सदां दयाच्‍वनीगु दया माया व विश्‍वास थःथवय् मिलय् जूगु दु, धार्मिकता व शान्‍ति थवंथः चुप्‍पा नइ।

यशैया 27:5

तर जिमि शत्रुत जिं रक्षा याःगु यय्‌काच्‍वंगु दु धयागु खःसा इमिसं जिनापं मिलय् जुइमा। खः, धात्‍थें इपिं जिनापं मिलय् जुइमा।”

यशैया 52:7

डाँडात जुयाः सुसमाचार न्‍यंकःवनीपिनिगु तुति गुलि बांलाः, गुपिन्‍सं शान्‍तिया घोषणा याइ, गुपिन्‍सं भिंगु बुखँ हइ, अले उद्धारयात घोषणा याइ, गुपिन्‍सं सियोनयात थथे धाइ, “छिमि परमेश्‍वरं राज्‍य यानादी।”

जकरिया 9:10

परमप्रभुं धयादी, एफ्राइमं जिं लडाइँया रथ चीकाबी, अले यरूशलेमं लडाइँया सलत यंके, लडाइँया धनुष त्‍वाःथला बी। वय्‌कलं जाति जातितय्‌त शान्‍तियागु खँ न्‍यंकादी। वय्‌कःया राज्‍य समुद्रंनिसें समुद्र तक अले यूफ्रेटिस खुसिंनिंसें पृथ्‍वीया सिथ तक न्‍यनावनी।

मत्ती 10:13

छिमिगु खँ इमिसं थुइका काःसा इमित शान्‍ति दइ, मखुसा छिमिसं ब्‍यूगु शान्‍ति छिमिके तुं लिहां वइ।

लूका 15:8

“सुं छम्‍ह मिसायाके झिगू पाँय् म्‍वहः दु। अले वया छगू पाँय् म्‍वहः तन धाःसा वं मत च्‍याकाः बँ पुनाः मालाः मस्‍वइ ला?

लूका 2:14

“स्‍वर्गय् च्‍वनादीम्‍ह परमेश्‍वर तःधं जुइमा। अले परमेश्‍वरयात यःपिं मनूतय्‌त पृथ्‍वीइ च्‍वनाच्‍वंसां शान्‍ति दयेमा।”

प्रेरित 10:36

परमेश्‍वरं येशू ख्रीष्‍टयापाखें इस्राएलीतय्‌त शान्‍ति बीगु भिंगु खँ न्‍यंकादिल। थ्‍व हे येशू ख्रीष्‍ट फुक्‍कसियां प्रभु खः।

प्रेरित 2:39

झी प्रभु परमेश्‍वरं थःम्‍हं सःता दिक्‍वसित थ्‍व हे खँ बी धकाः बचं बियादीगु खः। उकिं थ्‍व बचं छिकपिं, छिकपिनि मस्‍त व आः तकं तापाक च्‍वनाच्‍वंपिं फुक्‍कसिगु निंतिं बियादीगु खः।”

रोमी 10:14

अय्‌सा वय्‌कःयात विश्‍वास या हे मयाःपिन्‍सं गथे यानाः वय्‌कःयागु नां काये फइ? अले वय्‌कःयागु खँ गुबलें हे मन्‍यंपिन्‍सं गथे यानाः विश्‍वास याये फइ? सुनानं मधाय्‌कं इमिसं गथे यानाः न्‍यनी?

रोमी 5:1

थुकथं झीगु विश्‍वासं झीत धर्मी ठहरय् यानाबी धुंकूगुलिं झी प्रभु येशू ख्रीष्‍टयापाखें परमेश्‍वरलिसे झीपिं मिलय् जुइदत।

२ कोरिन्‍थी 5:20

अय्‌जूगुलिं जिपिं ख्रीष्‍टं छ्वयाहयादीपिं मनूत खः। जिमिगुपाखें परमेश्‍वर छिपिंनाप नवानाच्‍वनादीगु दु। ख्रीष्‍टयागु निंतिं जिमिसं थथे नवानाच्‍वनागु खः। छिपिं फुक्‍कसिनं पापी ज्‍याखँ यायेगु त्‍वःताः परमेश्‍वर नाप मिलय् जुइत वय्‌कःयाथाय् लिहां वा धकाः जिमिसं दुनुगलंनिसें छिमित बिन्‍ति यानाच्‍वनागु दु।

एफिसी 4:21

प्रभुयागु सः छिमिसं ताःगु हे दु। ख्रीष्‍टपाखें हे धात्‍थेंगु खँ छिमिसं सय्‌का काःगु दु।

व्‍यवस्‍था 4:7

झीसं परमप्रभु झी परमेश्‍वरयात बिन्‍ति यानाबलय् वय्‌कः झीनापं गुलि सतिक जुयादिल। उलि सतिक जुइफुम्‍ह मेम्‍ह सुं नं द्यःत व तःधंगु जाति दु ला?