एफिसी 2:16 - नेवाः बाइबल

¹⁶ थुकथं ल्‍वापुख्‍यापु मदय्‌काः क्रूसय् सिनाः वय्‌कलं यहूदीतय्‌त नं यहूदीमखुपिन्‍त नं छम्‍ह हे यानादिल।

एफिसी 2:16 ပူးပေါင်းရင်းမြစ်များ

रोमी 5:10

झीपिं परमेश्‍वरया शत्रु जूबलय् हे वय्‌कःया काय् झीगु पलेसाय् सिनाः झीत वय्‌कः नाप मिलय् यानादिल धाःसा वय्‌कलं हे झीत गुलि जक अप्‍वः बचय् याना तइगु जुइ।

रोमी 6:6

झीगु पापी जीवन नाश जुयावनेमा धकाः झीगु पुलांगु जीवन वय्‌कःलिसें क्रूसय् यख्‍खाना बी धुन धकाः झीसं स्‍यू। अय्‌जूगुलिं आः झीसं पापी ज्‍याखँ याना जुइ जि हे मज्‍यू।

रोमी 8:3

झीपिं बमलाःबलय् व्‍यवस्‍थां यायेमाःगु ज्‍या याये मफुगुलिं परमेश्‍वरं थःकाय्‌यात छ्वयाहयादिल। वय्‌कः झीपिं थें तुं मनू जुयाः झीगु पाप सिला छ्वयेत बलिदान जुयादिल। थथे यानाः वय्‌कलं झीगु शरीरय् पापयागु दोष क्‍यनादिल।

रोमी 8:7

शरीरयात यःथें यानाजुइपिं परमेश्‍वरया शत्रु खः, छाय्‌धाःसा थज्‍याःपिं मनूतय्‌सं परमेश्‍वरयागु व्‍यवस्‍था मानय् याइ मखु, अले हानं मानय् याये फइ नं मखु।

१ कोरिन्‍थी 10:17

छपा हे जक मरि कुचा कुचा थलाः झीसं नयेगु जूगुलिं यक्‍व जूसां झीपिं छम्‍ह हे खः।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

एफिसी 2:15

थथे यायेत वय्‌कलं यहूदीतय्‌गु व्‍यवस्‍थाय् च्‍वंगु आज्ञा व नियम त्‍वथुलादिल। अले यहूदीतय्‌त नं यहूदीमखुपिन्‍त नं थःत विश्‍वास याकाः मिलय् यानाः छम्‍ह हे यानादिल। थुकथं वय्‌कलं झीत शान्‍ति बियादिल।

एफिसी 3:6

जिं धयाच्‍वनागु गुप्‍ति खँ थ्‍व हे खः – परमेश्‍वरयागु भिंगु खँ न्‍यना काःगुलिं यहूदीतय्‌त थें यहूदीमखुपिन्‍त नं परमेश्‍वरं उतिकं आशिष बियादी। थुपिं निखलः नं छम्‍ह हे खः। परमेश्‍वरं थुमित नं ख्रीष्‍ट येशूयात विश्‍वास याक्‍वसित बी धकाः धयादीगु बियादी।

एफिसी 4:4

गथे परमेश्‍वरं छिमित छगू हे आशाया निंतिं सःतादीगु खः, अथे हे छिमिगु म्‍ह नं छगू हे, आत्‍मा नं छगू हे खः।

कलस्‍सी 2:14

वय्‌कलं व्‍यवस्‍थाय् च्‍वयातःगु झीत मल्‍वःगु खँत फुक्‍कं हुयाछ्‌वयादीगु दु। वय्‌कलं थज्‍याःगु खँयात क्रूसय् नकिं तानादी धुंकल।

कलस्‍सी 3:15

ख्रीष्‍टयागु शान्‍तिं छिमिगु नुगः जायाच्‍वनेमा। थ्‍व हे शान्‍तियागु लागि परमेश्‍वरं छिमित सःताः छम्‍ह हे यानादीगु खः। परमेश्‍वरयात सुभाय् ब्‍यु।