एफिसी 2:14 - नेवाः बाइबल

¹⁴ थः हे क्रूसय् सिनाः वय्‌कलं यहूदीत व यहूदीमखुपिनिगु दथुइच्‍वंगु पःखाः थुनाः थःथवय् मिलय् यानाः झीत शान्‍ति बियादिल।

एफिसी 2:14 ပူးပေါင်းရင်းမြစ်များ

एस्‍तर 3:8

अले हामानं अहासूरस जुजुयात धाल, “छसपोलया राज्‍य दुने छगू जाति देय्‌या फुक्‍क प्रान्‍तय् मनूतय् दथुइ च्‍वनाच्‍वंगु दु। इपिं ब्‍यागल च्‍वना वयाच्‍वंगु दु। इमिगु रितिथिति मेगु फुक्‍क जातितय्‌गु स्‍वयाः पा। इमिसं छसपोलया नियम कानून नं मानय् मयाः। छिसं इमित सह यानाच्‍वनेगु बांलाः मजू।

मीका 5:5

अले वय्‌कःपाखें जक इमित शान्‍ति दइ। अश्‍शूरीत झीगु देशय् वयाः झीगु किल्‍लाय् हमला याइबलय् झीसं न्‍हय्‌म्‍ह जवाःत वा च्‍याम्‍ह नायःत इपिंलिसें ल्‍वायेत छ्वये।

जकरिया 6:13

वं हे परमप्रभुया देगः दय्‌केगु ज्‍या सिधय्‌की अले वयात जुजुयात दइगु मान दइ, वं थः मनूतय्‌त गद्दीं जुजुं थें शासन याइ। वं गद्दीं पुजाहारी जुयाः सेवा याइ। अले थुपिं नितां मिलय् जुयाः ज्‍या याइ।’

लूका 1:79

थ्‍व निभाः जः स्‍वर्गं कालयागु हाकुगु किपालुइ च्‍वनाच्‍वंपिं मनूतय्‌थाय् खय्‌कादी। थ्‍व हे जलं झीत शान्‍तियागु लँपुइ यंकादी।”

लूका 2:14

“स्‍वर्गय् च्‍वनादीम्‍ह परमेश्‍वर तःधं जुइमा। अले परमेश्‍वरयात यःपिं मनूतय्‌त पृथ्‍वीइ च्‍वनाच्‍वंसां शान्‍ति दयेमा।”

यूहन्‍ना 10:16

जिमि फैत थ्‍व फैगलय् जक मखु, मेथाय् नं दु। इमित नं जिं हयेमानि। इमिसं नं जिगु सः ताइ। थुकथं फुक्‍क फैत छथ्‍वः जुइ, अले इमि फैजवाः नं छम्‍ह हे जुइ।

यूहन्‍ना 11:52

यहूदीतय्‌गु निंतिं जक मखु, बरु छ्यालब्‍याल जुयाच्‍वंपिं परमेश्‍वरया फुक्‍क सन्‍तानतय्‌त छथाय् मुंकेत नं खः।

यूहन्‍ना 16:33

जिगुपाखें छिमित शान्‍ति दयेमा धकाः जिं थथे धयाच्‍वनागु खः। थ्‍व संसारय् छिमित दुःख जुइ, अय्‌नं साहस या, जिं संसारयात त्‍याके धुन।”

प्रेरित 10:28

अले वं इमित धाल – “छम्‍ह यहूदी जुयाः मेगु जातियापिन्‍थाय् वनाः इपिंनापं संगत याये मज्‍यू धयागु खँ ला छिकपिन्‍सं सि हे स्‍यू। अय्‌नं परमेश्‍वरं जितः सुं मनूयात शुद्ध मजू व थीमज्‍यूपिं धाये मते धकाः धयादिल।

प्रेरित 10:36

परमेश्‍वरं येशू ख्रीष्‍टयापाखें इस्राएलीतय्‌त शान्‍ति बीगु भिंगु खँ न्‍यंकादिल। थ्‍व हे येशू ख्रीष्‍ट फुक्‍कसियां प्रभु खः।

रोमी 5:1

थुकथं झीगु विश्‍वासं झीत धर्मी ठहरय् यानाबी धुंकूगुलिं झी प्रभु येशू ख्रीष्‍टयापाखें परमेश्‍वरलिसे झीपिं मिलय् जुइदत।

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।

एफिसी 2:15

थथे यायेत वय्‌कलं यहूदीतय्‌गु व्‍यवस्‍थाय् च्‍वंगु आज्ञा व नियम त्‍वथुलादिल। अले यहूदीतय्‌त नं यहूदीमखुपिन्‍त नं थःत विश्‍वास याकाः मिलय् यानाः छम्‍ह हे यानादिल। थुकथं वय्‌कलं झीत शान्‍ति बियादिल।

एफिसी 2:17

थथे यायेत वय्‌कलं परमेश्‍वरलिसे तापाना च्‍वंपिं व सत्तिना च्‍वंपिन्‍त नं शान्‍तियागु खँ न्‍यंकादिल।

एफिसी 3:15

वय्‌कलं हे स्‍वर्गय् च्‍वंपिं व पृथ्‍वीइ च्‍वंपिं फुक्‍कसित जीवन बियादीगु खः।

एफिसी 4:16

वय्‌कलं हे यानाः फुक्‍क म्‍हब्‍व मिलय् जुयाच्‍वंगु दु, अले म्‍ह छम्‍हं माःकथं स्‍वानाच्‍वंगु दु। छता छता म्‍हब्‍वं थथःगु ज्‍या याना च्‍वंसा म्‍ह छम्‍हं स्‍वय् जिया वइ, अले थःथवय् माया यानाः न्‍ह्यज्‍याये फइ।

कलस्‍सी 1:20

परमेश्‍वरं सृष्‍टि यानातःगु स्‍वर्ग व पृथ्‍वीइ च्‍वंगु फुक्‍कं वय्‌कःया काय्‌नं क्रूसय् हाय्‌कूगु हिं थःलिसे मिलय् यानादिल।

कलस्‍सी 2:20

ख्रीष्‍टनापं तुं सिनाः छिपिं संसारयागु थितिकुतिं तापाय् धुंकूगु दु। छिमिसं हानं छाय् संसारयागु नियम मानय् यानाच्‍वनागु?

कलस्‍सी 3:11

यहूदीमखुपिं जुइमा, यहूदी जुइमा, म्‍हय् चिं तःपिं जुइमा, मतःपिं जुइमा, सःस्‍यूपिं जुइमा, छुं मस्‍यूपिं जुइमा, अले दास जुइमा, दासमखुपिं जुइमा, फुक्‍कं उथें खः। सकसिकें ख्रीष्‍ट दी। ख्रीष्‍ट हे फुक्‍कं खः।

कलस्‍सी 3:15

ख्रीष्‍टयागु शान्‍तिं छिमिगु नुगः जायाच्‍वनेमा। थ्‍व हे शान्‍तियागु लागि परमेश्‍वरं छिमित सःताः छम्‍ह हे यानादीगु खः। परमेश्‍वरयात सुभाय् ब्‍यु।

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।

हिब्रू 7:2

अब्राहामं जुजुपिन्‍त त्‍याकाः हःगु सम्‍पत्तियागु झिब्‍वय् छब्‍व मल्‍कीसेदेकयात बिल। मल्‍कीसेदेकया नांया अर्थ “धार्मिकताया जुजु” खः, अले शालेमयाम्‍ह जुजु जूगुलिं वयागु नांयागु अर्थ “शान्‍तिया जुजु” धकाः नं थुइकू।