एफिसी 2:12 - नेवाः बाइबल

¹² बिचाः या, छिपिं ख्रीष्‍टपाखें तापाना च्‍वंपिं खः। छिपिं इस्राएलयागु हकं पिनेलाःपिं, परमेश्‍वरं चिनादीगु बाचां पिनेलाःपिं, आशा धयागु हे त्‍वफिका च्‍वंपिं, व परमेश्‍वर हे मदय्‌का च्‍वंपिं जुयाच्‍वंगु खः।

एफिसी 2:12 ပူးပေါင်းရင်းမြစ်များ

उत्‍पत्ति 15:18

अबलय् हे परमप्रभुं अब्रामलिसे थुकथं बाचा चिनादिल, “जिं छिमि सन्‍तानयात मिश्र देशयागु खुसिंनिसें तःधंगु खुसि यूफ्रेटिसतकयागु थ्‍व देशत बियागु दु –

२ इतिहास 15:3

ताःई तक इस्राएलं सत्‍य परमेश्‍वर मदय्‌कं जीवन हनाच्‍वंगु खः। इमित स्‍यनेत पुजाहारीत मदु, व्‍यवस्‍था मदु।

एज्रा 4:3

यरूबाबेल, येशूअ व इस्राएलया परिवारया मेपिं सकल नायःतय्‌सं धाःसा इमित थथे लिसः बिल, “परमप्रभु जिमि परमेश्‍वरया निंतिं दय्‌का च्‍वनागु थ्‍व देगःलिसे छिमिगु छुं नं स्‍वापु मदु, फारसयाम्‍ह जुजु कोरेसं जिमित आज्ञा ब्‍यू थें देगः जिमिसं हे दय्‌के।”

प्रस्‍थान 12:45

अय्‌नं विदेशीं व ज्‍यामितय्‌सं थ्‍व भ्‍वय् नयेदइ मखु।

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।

यशैया 44:6

इस्राएलया जुजु व उद्धार यानादीम्‍ह, दक्‍व शक्ति दुम्‍ह परमप्रभुं थथे धयादी – “जि हे शुरु व अन्‍त खः। जि बाहेक मेपिं सुं नं परमेश्‍वर मदु।

यशैया 45:20

“छिपिं फुक्‍कं छथाय् मूंवा। छिपिं जात-जातियापिं शरण कायेत वःपिं, फुक्‍क जिगु न्‍ह्यःने वा। सिँया मूर्तित क्‍वबिया जुइपिं, अले बचय् याये मफुपिं द्यःतय्‌के प्रार्थना याइपिं छुं हे मस्‍यूपिं खः।

यशैया 61:5

परदेशीतय्‌सं छिमि फैच्‍वलय्‌तय्‌त ज्‍वये यंकी, अले परदेशीतय्‌सं छिमिगु बुँ व दाखक्‍यबय् ज्‍या याइ।

यर्मिया 14:8

हे इस्राएलया आशा, दुःखया इलय् वयात उद्धार यानादीम्‍ह, थ्‍व देशय् छि छाय् परदेशी थें जुयादियागु? छाय् छि छचा जक च्‍वनेत थःगु पाल ग्‍वइम्‍ह लँजुवाः थें जुयादियागु?

यर्मिया 17:13

हे परमप्रभु, छि इस्राएलया आशा खः। छितः त्‍वःतिपिं सकलें मछालेमाली। छिपाखें फस्‍वयावनीपिं धुलय् च्‍वयातःगु नां थें मदयावनी, छाय्‌धाःसा इमिसं छि परमप्रभु म्‍वाःगु लःया मुहानयात त्‍वःतूगु दु।

इजकिएल 13:9

जिगु ल्‍हाः मखुगु दर्शन खनीपिं व मखुगु ज्‍वखना ल्‍हाइपिं अगमवक्तातय्‌गु विरोधय् जुइ। इमित जिगु प्रजाया सभाय् थाय् दइ मखु। इमिगु नां इस्राएलया घरानाया धलखय् दइ मखु। इस्राएल देशय् इपिं दुहां वने दइ मखु। अले जि हे परमप्रभु परमेश्‍वर खः धकाः छिमिसं सी।

इजकिएल 37:26

जिं इपिंलिसें शान्‍ति व सुरक्षाया बाचा ची, व न्‍ह्याबलेंया लागि जुइ। जिं इमित थापं याये, जिं इमिगु ल्‍याः अप्‍वय्‌काबी। इमिगु दथुइ जिं थःगु पवित्रथाय् न्‍ह्याबलेंया लागिं तये।

इजकिएल 47:22

छिमिसं थ्‍व देश न्‍ह्याबलेंया सर्बयकथं थःगु हे निंतिं व छिपिंनापं च्‍वनाच्‍वंपिं, काय्‌म्‍ह्याय् दुपिं विदेशीतय्‌गु निंतिं नं इनाब्‍यु। छिमिसं इमित इस्राएलय् हे बूपिं इस्राएलीत थें ताय्‌कि। छिपिंनापं हे इस्राएलया कुलतय्‌गु दथुइ इमित सर्बय दयेमाः।

होशे 3:4

थुकथं इस्राएलीत यक्‍व दिं तक राजा वा राजकुमार मदय्‌क बलिदान व पुजा यायेगु ल्‍वहंया थां मदय्‌क व एपोद व छेँया द्यःत मदय्‌काः च्‍वनी।

गन्‍ती 18:19

इस्राएलीतय्‌सं परमप्रभुयात देछाइगु पवित्र बलिपाखें अलग तयातःगु फुक्‍क ब्‍व जिं छ व छिमि काय् म्‍ह्याय्‌पिन्‍त दया हे च्‍वनीगु भागकथं बियागु दु। परमप्रभुया न्‍ह्यःने छ व छिमि सन्‍तानया लागिं थ्‍व लिपाथ्‍यंक दयाच्‍वनीगु चियागु बाचा खः।”

लूका 1:72

वय्‌कलं झी तापाःबाज्‍यापिन्‍त दया यानादीगु व वय्‌कःपिं नाप चिनादीगु बाचा लुमंकादी।

यूहन्‍ना 10:16

जिमि फैत थ्‍व फैगलय् जक मखु, मेथाय् नं दु। इमित नं जिं हयेमानि। इमिसं नं जिगु सः ताइ। थुकथं फुक्‍क फैत छथ्‍वः जुइ, अले इमि फैजवाः नं छम्‍ह हे जुइ।

यूहन्‍ना 15:5

“जि दाखमा खः, अले छिपिं दाखमाय् च्‍वंगु कचा खः। सु जिके च्‍वनाच्‍वनी, अले जि वयाके च्‍वने, वं हे जक यक्‍व दाख सय्‌की। जिलिसें तापानाः छिमिसं छुं नं याये फइ मखु।

यूहन्‍ना 4:22

छिपिं सामरियाय् च्‍वंपिन्‍सं म्‍हमस्‍यूम्‍हय्‌सित आराधना याइ। तर जिमिसं सुयागु आराधना यानाच्‍वना वय्‌कःयात जिमिसं बांलाक हे म्‍हस्‍यू, छाय्‌धाःसा मुक्ति ला यहूदीतय्‌पाखें वइ।

प्रेरित 2:39

झी प्रभु परमेश्‍वरं थःम्‍हं सःता दिक्‍वसित थ्‍व हे खँ बी धकाः बचं बियादीगु खः। उकिं थ्‍व बचं छिकपिं, छिकपिनि मस्‍त व आः तकं तापाक च्‍वनाच्‍वंपिं फुक्‍कसिगु निंतिं बियादीगु खः।”

प्रेरित 28:20

थ्‍व हे खँ धायेत जिं छिकपिन्‍त सःतागु खः। इस्राएलीतय्‌सं आशा याना च्‍वंम्‍हय्‌सिगु खं यानाः जि थथे ज्‍वंका च्‍वनेमाल।”

प्रेरित 3:25

छिकपिं व हे अगमवक्तातय्‌ सन्‍तान खः, अले परमेश्‍वरं चिनादीगु बाचाय् नं दुथ्‍याः। थ्‍व हे बाचा परमेश्‍वरं छिकपिनि तापाःबाज्‍या अब्राहामलिसे थुकथं चिनादीगु खः – ‘छं सन्‍तानपाखें हे संसारयापिं मनूतय्‌सं आशिष कायेखनी।’

रोमी 9:8

अय्‌जूगुलिं अब्राहामया इच्‍छां दुपिं सन्‍तान जुइवं परमेश्‍वरया सन्‍तान जुइ मखु। बचंया सन्‍तान जक परमेश्‍वरया सन्‍तान खः।

गलाती 4:8

न्‍हापा परमेश्‍वरयात म्‍हमस्‍यूगुलिं छिपिं परमेश्‍वर हे मखुपिं मेपिं द्यःतय् दास जुयाच्‍वंगु खः।

एफिसी 2:19

उकिं छिपिं आः यहूदीमखुपिं जूसां इस्राएलयागु हकं पिनेलाःपिं व परमेश्‍वरयागु बाचां पिनेलाःपिं मखुत। बरु आः छिपिं नं इस्राएलयागु हकं थ्‍याःपिं व परमेश्‍वरया जहानया दुजः जुल।

एफिसी 4:18

इमिगु नुगः अज्‍जं मचाःनि। परमेश्‍वरं बियादीगु न्‍हूगु जीवनं इपिं अज्‍जं तापाः नि, छाय्‌धाःसा इमिगु नुगः तसकं छाः, अले इमिसं छुं हे मस्‍यू।

कलस्‍सी 1:21

छिपिं नं न्‍हापा मभिंगु ज्‍याखँय् जुयाः परमेश्‍वर नाप तापानाः वय्‌कःया शत्रु जुयाच्‍वंगु खः।

कलस्‍सी 1:27

थथे व गुप्‍ति खँ मनूतय्‌त ध्‍वाथुइकादीगु परमेश्‍वरया ग्‍वसाः खः। अले गुप्‍ति खँ थ्‍व हे खः – “ख्रीष्‍ट छिपिं यहूदीमखुपिन्‍के नं दी। अले परमेश्‍वरलिसे छिपिं नं तःधनी।”

कलस्‍सी 1:5

छिमिगु निंतिं स्‍वर्गय् तयादीगु आशाया निंतिं हे विश्‍वास व माया यानागु खः। अले सत्‍यगु वचन व भिंगु खँ न्‍यंकः वयाबलय् छिमिसं अनन्‍त जीवन दइ धयागु खँय् आशा याःगु दु।

१ थेसलोनिकी 4:13

दाजुकिजापिं, सी धुंकूपिं विश्‍वासीतय्‌गु खँ नं छिमित कने। आशा मदुपिं मनूतय्‌सं थें छिमिसं नुगः मछिंके मते।

१ थेसलोनिकी 4:5

परमेश्‍वरयात म्‍हमस्‍यूपिं थें मभिंगु मतिइ तयाः मखु।

२ थेसलोनिकी 2:16

प्रभु येशू ख्रीष्‍टं हे व झीत माया यानादीम्‍ह व दया माया याना गुबलें सिना मवनीगु साहस व भिंगु आशा बियादीम्‍ह परमेश्‍वर बाःनं

१ तिमोथी 1:1

मुक्ति बियादीम्‍ह परमेश्‍वरया उजंकथं आशा बियादीम्‍ह येशू ख्रीष्‍टया प्रेरित जुयाम्‍ह जि पावलयापाखें

हिब्रू 11:34

ह्वाना ह्वाना च्‍यानाच्‍वंगु मिं नं इमित छुं याये मफुत। तरवारं पालाः स्‍यायेत्‍यंबलय् नं इपिं बचय् जुल। बमलाःपिं इपिं, आः तसकं बल्‍लाना वल। भचा मग्‍यासे ल्‍वानाः इमिसं पिनें वःपिं शत्रुतय्‌त बिसिका छ्वत।

हिब्रू 6:18

थथे गुब्‍सं हिली मखुगु थ्‍व निता खं वय्‌कःपाखें बचय् जुया च्‍वनापिं झीत नं झीसं आशा यानाच्‍वनागु खँय् बल्‍लाना च्‍वनेत साहस बी।

हिब्रू 8:6

येशूयात इपिं स्‍वयाः नं तसकं तःधंम्‍ह पुजाहारी दय्‌कादीगु खः। अथे हे परमेश्‍वर व मनूतय्‌गु दथुइ वय्‌कलं चिनादीगु न्‍हूगु बाचा नं न्‍हापायागु पुलांगु बाचा स्‍वयाः तःधं, छाय्‌धाःसा उकी अज्‍ज भिंगु खँया बचं बियातःगु दु।

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।

१ पत्रुस 1:3

झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।

१ पत्रुस 3:15

दुनुगलंनिसें ख्रीष्‍टयात छिमिसं “प्रभु” धकाः मानय् याना च्‍वँ। छिमिसं याना जूगु आशायागु खँ सुनानं न्‍यं वल धाःसा छिपिं लिसः बीत न्‍ह्याबलें न्‍ह्यचिला च्‍वँ।

१ यूहन्‍ना 3:3

थथे ख्रीष्‍टयाके आशा यानाच्‍वंपिं वय्‌कः थें पवित्र जुयाः च्‍वनेमाः।