एफिसी 2:11 - नेवाः बाइबल

¹¹ न्‍हापायागु खँ लुमंकी, म्‍हय् चिं तयातःपिं यहूदीतय्‌सं छिमित म्‍हय् चिं मतःपिं यहूदीमखुपिं धकाः धाइगु खः।

एफिसी 2:11 ပူးပေါင်းရင်းမြစ်များ

इजकिएल 20:43

छिमिगु गुगु पहःचहः व ज्‍यापाखें छिपिं अशुद्ध जूगु खः, उपिं छिमिसं अन लुमंकी। अले छिमिसं याःगु मभिंगु ज्‍याया लागि छिमिसं थःम्‍हं थःपिन्‍त मययेका हइ।

इजकिएल 36:31

अबलय् छिमिसं थःगु मभिंगु चाला व मभिंगु ज्‍यायात लुमंकी, थःगु पाप व घच्‍चाइपुगु चलनया कारणं छिमिसं थःपिन्‍त हे घृणा याइ।

मत्ती 20:7

“इमिसं लिसः बिल – ‘जिमित सुनानं ज्‍या मब्‍यू।’ “‘अय्‌सा, छिपिं नं जिगु दाखक्‍यबय् ज्‍या याः हुँ’ धकाः वं इमित धाल।

रोमी 11:17

अथे हे गुलि कचात त्‍वधुला वं थें यहूदीत नं गुम्‍हं गुम्‍हं परमेश्‍वरयात त्‍वःताः वन। छिपिं यहूदीमखुपिं धाःसा जंगली जैतूनमा लिसे कचा स्‍वाःथें स्‍वाये धुंकल। उकिं जैतूनमायागु हा व रस छिमिसं नं काये खन।

रोमी 2:26

अय्‌जूगुलिं म्‍हय् चिं मतःम्‍ह मनुखं व्‍यवस्‍थाय् च्‍वयातःगु खँ मानय् यात धाःसा व मनुखं म्‍हय् चिं मतःसां चिं तःगु थें मजुइ ला?

रोमी 2:27

थथे म्‍हय् चिं मतःसां व्‍यवस्‍था मानय् याःपिं मनूतय्‌सं छिमित दोषी ठहरय् याइ, छाय्‌धाःसा म्‍हय् चिं तःसां व च्‍वयातःगु नियम छिमिके दःसां छिमिसं व्‍यवस्‍था मानय् मयाः।

१ कोरिन्‍थी 12:2

छिपिं विश्‍वासी जुइ न्‍ह्यः छिपिं नमवाइपिं मूर्तितय्‌त पुजा याइपिं खः धकाः छिमिसं सि हे स्‍यू।

१ कोरिन्‍थी 6:11

छिपिं मध्‍ये नं गुम्‍हं गुम्‍हं न्‍हापा थथे हे याना जुइ धुंकूपिं खः। आः ला छिमिगु पाप सिले धुंकूगु दु। छिपिं परमेश्‍वरयात देछाये धुंकूपिं मनूत खः। झी परमेश्‍वरया आत्‍मां प्रभु येशू ख्रीष्‍टयागु नामं छिमित परमेश्‍वर नाप मिलय् यानादीगु दु।

गलाती 2:15

झीपिं बूसांनिसें हे यहूदीत खः। झीपिं यहूदीमखुपिं मनूत थें पापी मखु।

गलाती 6:12

ततःधंगु खँ ल्‍हानाः तःधं जुया जुइपिं मनूतय्‌सं हे खः छिमित म्‍हय् चिं तय्‌केत कर यानाच्‍वंगु। येशू ख्रीष्‍ट क्रूसय् सिनादीगु खँ न्‍यंकाः दुःखकष्‍ट फयेमाली धकाः इमिसं थथे याना जूगु खः।

एफिसी 2:2

थ्‍व संसारयापिं मनूतय्‌सं थें छिमिसं नं पापी ज्‍याखँ याना जूगु खः। अले मभिंगु ज्‍याखँया नायः शैतानं धाःथें जुयाच्‍वंगु खः। थ्‍व शैतानं परमेश्‍वरयात विश्‍वास मयाःपिन्‍त थःगु ल्‍हातय् कयातःगु दु।

एफिसी 5:8

न्‍हापा ला छिपिं नं खिउँथाय् जुयाच्‍वंपिं खः। आः छिपिं प्रभुया जलय् वये धुंकल। उकिं छिमिगु ज्‍याखँ नं थुकथं हे जुइमाः।

व्‍यवस्‍था 15:15

मिश्रय् छिपिं दास जुयाच्‍वंबलय् परमप्रभु छिमि परमेश्‍वरं छिमित त्‍वःतकाहयादीगु खँ लुमंकि। अथे जुयाः थौं जिं छिमित थ्‍व आज्ञा बी।

व्‍यवस्‍था 16:12

छिपिं मिश्रय् दास दासी जुयाच्‍वंगु खः धइगु खँ ल्‍वःमंके मते अले थुपिं नियम बांलाक मानय् या।

व्‍यवस्‍था 5:15

छिपिं मिश्रय् दास जुयाच्‍वंबलय् गथे यानाः परमप्रभु छिमि परमेश्‍वरं थःगु बल्‍लाःगु ल्‍हाः व चक्‍कंगु लपुं छिमित पितहयादिल। व लुमंका ति! अथे जुयाः परमप्रभु छिमि परमेश्‍वरं विश्रामबार हनेत छिमित आज्ञा बियादीगु खः।”

व्‍यवस्‍था 8:2

छिमित क्‍वमिलु यायेत, छिमिगु मन स्‍वयेत अले वय्‌कःया आज्ञा मानय् याइ कि मयाइ धकाः सीकेत थुपिं पिइदँ यंकं मरुभूमिया लँपुइ परमप्रभु छिमि परमेश्‍वर न्‍ह्यलुवाः जुयाः गथे यानाः छिमित हयादिल व लुमंकि।

व्‍यवस्‍था 9:7

मरुभूमिइ छिमिसं गथे यानाः परमप्रभु छिमि परमेश्‍वरयात तं चाय्‌कागु खः, व खँ लुमंकि, अले गुबलें ल्‍वःमंके मते। छिपिं मिश्र त्‍वःता वःगु दिंनिसें थन थ्‍यंकः वःगु दिं तक छिमिसं परमप्रभुयागु विरोध याना हे च्‍वंगु दु।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

कलस्‍सी 1:21

छिपिं नं न्‍हापा मभिंगु ज्‍याखँय् जुयाः परमेश्‍वर नाप तापानाः वय्‌कःया शत्रु जुयाच्‍वंगु खः।

कलस्‍सी 2:11

छिमिसं ख्रीष्‍टयात विश्‍वास यानाच्‍वंगु हे धात्‍थें म्‍हय् चिं तःगु खः। थ्‍व चिं मनूतय्‌गु ल्‍हातं तःगु मखु, बरु पापं लिफ्‍याइगु ख्रीष्‍टयागु हे चिं खः।

कलस्‍सी 2:13

न्‍हापा पाप यानाच्‍वंगुलिं व व्‍यवस्‍था मानय् मयाइपिं यहूदीमखुपिं जूगुलिं छिपिं सीपिं थें जुयाच्‍वंगु खः। आः धाःसा परमेश्‍वरं छिमित ख्रीष्‍टनापं तुं म्‍वाकादीगु दु। अले छिमिगु पाप फुक्‍कं क्षमा यानादीगु दु।

कलस्‍सी 3:11

यहूदीमखुपिं जुइमा, यहूदी जुइमा, म्‍हय् चिं तःपिं जुइमा, मतःपिं जुइमा, सःस्‍यूपिं जुइमा, छुं मस्‍यूपिं जुइमा, अले दास जुइमा, दासमखुपिं जुइमा, फुक्‍कं उथें खः। सकसिकें ख्रीष्‍ट दी। ख्रीष्‍ट हे फुक्‍कं खः।

१ शमूएल 17:26

दाऊदं थः लिक्‍कसं च्‍वंपिं मनूतय्‌के न्‍यन, “थ्‍व पलिश्‍तीयात स्‍याइम्‍हय्‌सित व इस्राएलीतय्‌गु थ्‍व बेइज्‍जतपाखें बचय् याइम्‍ह मनूयात छु दइ? म्‍वाःम्‍ह परमेश्‍वरयात मानय् मयाइम्‍ह म्‍हय् चिं मतःम्‍ह थ्‍व सु पलिश्‍ती खः?”

१ शमूएल 17:36

छपिनि दासं सिंह व भालू निम्‍हय्‌सित नं स्‍याये धुनागु दु। थ्‍व परमेश्‍वरयात मानय् मयाइम्‍ह म्‍हय् चिं मतःम्‍ह पलिश्‍तीयात नं अथे हे यानाः स्‍यानाबी। वं म्‍वाःम्‍ह परमेश्‍वरया सिपाइँतय्‌त क्‍वह्यंकूगु दु।