एफिसी 2:1 - नेवाः बाइबल

¹ छिपिं थःगु अपराध व पापं यानाः सीपिन्‍त वय्‌कलं म्‍वाकादिल।

एफिसी 2:1 ပူးပေါင်းရင်းမြစ်များ

उत्‍पत्ति 8:21

उकिं लय्‌तायाः परमप्रभुं मनं मनं धयादिल, “मनूया नुगलय् मचांनिसें हे मभिंगु खँ बुयावःसां आः हाकनं जिं मनूया कारणं पृथ्‍वीयात सराः बी मखुत। अले न्‍हापा याना थें आः हाकनं ज्‍यान दुपिं फुक्‍कसितं नाश याये मखुत।

मत्ती 8:22

वय्‌कलं वयात धयादिल – “सीम्‍हयात सीम्‍हय्‌सिनं हे थुनी। छ जि लिसे वा।”

लूका 15:24

छाय्‌धाःसा थ्‍व जिमि काय् सी धुकूम्‍ह हानं म्‍वानावल, तने धुंकूम्‍ह हानं लुल।’ अले भ्‍वय् नयाः न्‍ह्यइपुकल।”

लूका 15:32

थौं ला भ्‍वय् न्‍याय्‌काः लय्‌ताय् माःगु दिं खः, छाय्‌धाःसा छं किजा सी धुंकूम्‍ह हानं म्‍वानावल, तने धुंकूम्‍ह हानं लुल।’”

यूहन्‍ना 10:10

खुँ खुइत, स्‍यंकेत व स्‍यायेत जक वइ। तर जि इमित जीवन दयेमा, अले व यक्‍व जीवन दयेमा धकाः वयागु खः।

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 5:21

गथे बाःनं सीपिन्‍त म्‍वाकाः जीवन बियादी, अथे हे काय्‌यात यःपिन्‍त नं काय्‌नं जीवन बियादी।

यूहन्‍ना 5:25

“जिं छिमित खःगु खँ धाये – ई वयाच्‍वंगु दु, अले व ई थ्‍व हे खः – सीपिन्‍संनापं परमेश्‍वरया काय्‌यागु सः ताइ, अले सुनां न्‍यनी, इपिं म्‍वाइ।

रोमी 8:2

आः ला झीत येशू ख्रीष्‍टपाखें न्‍हूगु जीवन बियादीम्‍ह परमेश्‍वरया आत्‍मां पाप व मृत्‍युयागु व्‍यवस्‍थां मुक्त यानादीगु दु।

१ कोरिन्‍थी 15:45

धर्मशास्‍त्रय् नं थथे च्‍वयातःगु दु – “दकलय् न्‍हापायाम्‍ह आदम जीवन काःम्‍ह जुल। दकलय् लिपायाम्‍ह आदम जीवन बीम्‍ह आत्‍मा जुल।”

२ कोरिन्‍थी 5:14

ख्रीष्‍टं जिमित माया यानादीगुलिं थुकथं जिमिसं ज्‍या यानाच्‍वनेमाःगु खः। फुक्‍क मनूतय्‌गु निंतिं ख्रीष्‍ट सिनादीगु खः, उकिं सिनादीम्‍ह ख्रीष्‍टनाप फुक्‍क मनूत सित।

एफिसी 4:18

इमिगु नुगः अज्‍जं मचाःनि। परमेश्‍वरं बियादीगु न्‍हूगु जीवनं इपिं अज्‍जं तापाः नि, छाय्‌धाःसा इमिगु नुगः तसकं छाः, अले इमिसं छुं हे मस्‍यू।

एफिसी 5:14

छाय्‌धाःसा जलय् वल कि जलं खइ। उकिं थथे नं च्‍वयातःगु दु – “अय् न्‍ह्यःगुलु दँ, सीपिं म्‍वाना वा। अले ख्रीष्‍ट येशूं छिमित जः बियादी।”

कलस्‍सी 2:13

न्‍हापा पाप यानाच्‍वंगुलिं व व्‍यवस्‍था मानय् मयाइपिं यहूदीमखुपिं जूगुलिं छिपिं सीपिं थें जुयाच्‍वंगु खः। आः धाःसा परमेश्‍वरं छिमित ख्रीष्‍टनापं तुं म्‍वाकादीगु दु। अले छिमिगु पाप फुक्‍कं क्षमा यानादीगु दु।

१ तिमोथी 5:6

भाःत मदय्‌ धुंकूपिं मिसां यःयःथें सनाः मोजमज्‍जा याना जुल धाःसा व सीगु ति हे ग्‍यनी।

१ यूहन्‍ना 3:14

झी मृत्‍युं जीवनय् न्‍ह्याये धुन धयागु थुकिं हे सी दु। झीसं थः दाजुकिजापिन्‍त माया याना। थः दाजुकिजापिन्‍त माया मयाइम्‍ह मनू कालयागु ल्‍हातय् हे लानाच्‍वनी।

प्रकाश 3:1

“सार्डिसय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया न्‍हय्‌म्‍ह आत्‍मा व न्‍हय्‌गः नगु दुम्‍हय्‌सिनं थथे धयादी – “छिमिसं यानाच्‍वंगु ज्‍याखँ जिं स्‍यू। मनूतय्‌सं छिपिं म्‍वानाच्‍वंपिं खः धकाः बिचाः याइ, अय्‌नं धात्‍थें धाये धाःसा छिपिं सीपिं खः।