एफिसी 1:4 - नेवाः बाइबल

⁴ संसार मदुनिबलय् हे परमेश्‍वरं झीत वय्‌कःया न्‍ह्यःने धर्मी ठहरय् जुइत व पवित्र यायेत ल्‍ययादीगु खः।

एफिसी 1:4 ပူးပေါင်းရင်းမြစ်များ

२ शमूएल 22:24

जि दोष मदुम्‍ह धकाः वय्‌कलं स्‍यू अले पापं चिलाच्‍वनागु दु।

भजनसंग्रहया सफू 135:4

परमप्रभुं याकूबयात थःगु निंतिं, इस्राएलयात मू वंगु थः प्रजा जुइत ल्‍ययादीगु दु।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

लेवी 19:2

“सकलें इस्राएलयापिं मनूतय्‌त धा, ‘जि परमप्रभु छि परमेश्‍वर पवित्रम्‍ह जूगुलिं छिपिं नं पवित्रपिं जुयाच्‍वँ।

लेवी 20:7

“‘अय्‌जूगुलिं छिपिं थुपिं फुक्‍कपाखें अलग च्‍वनाः पवित्र जुयाच्‍वँ! छाय्‌धाःसा जि परमप्रभु छिमि परमेश्‍वर खः।

मत्ती 24:22

परमेश्‍वरं व ईयात चिहाकय्‌का मदीसा सुं हे बचय् जुइ मखु। वय्‌कलं थःम्‍हं ल्‍ययातःपिं मनूतय्‌गु निंतिं व ईयात चिहाकय्‌कादी।”

मत्ती 24:24

छाय्‌धाःसा उबलय् फताहा ख्रीष्‍टत व फताहा अगमवक्तात खनेदय्‌कः वइ। इमिसं फतिंफतले परमेश्‍वरं ल्‍ययातःपिं मनूतय्‌त झंगःलायेत ततःधंगु चिं व अजू चायापुगु ज्‍या यानाक्‍यनी।

मत्ती 24:31

अले तुरहीया सःलिसें मनूया काय्‌नं स्‍वर्गदूततय्‌त पृथ्‍वीया प्‍यखें छ्वइ। इमिसं परमेश्‍वरं ल्‍ययातःपिन्‍त मुंका हइ।

मत्ती 25:34

“अले जुजुं थःगु जवय् च्‍वंपिन्‍त थथे धाइ – ‘जिमि बाःनं आशिष बियातःपिं मनूत छिपिं हे खः। वा, संसार सृष्‍टि मजूनिबलय् निसें छिमित बी धकाः तयातःगु राज्‍यय् आः छिमिसं हे अधिकार या।

यूहन्‍ना 10:16

जिमि फैत थ्‍व फैगलय् जक मखु, मेथाय् नं दु। इमित नं जिं हयेमानि। इमिसं नं जिगु सः ताइ। थुकथं फुक्‍क फैत छथ्‍वः जुइ, अले इमि फैजवाः नं छम्‍ह हे जुइ।

यूहन्‍ना 15:16

छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

यूहन्‍ना 17:24

“बाः, संसार मदुनिबलय् निसें छिं जितः माया यानाः तःधंकादीगु खँ इमिसं थुइके फयेमा, अले जि गन दु, इपिं नं जि लिसे हे दयेमा धयागु जिगु इच्‍छा खः।

प्रेरित 13:48

थ्‍व न्‍यनाः यहूदीमखुपिं तसकं लय्‌लय्‌ताल। इमिसं परमेश्‍वरयागु वचनयात तःधंकल। अले अनन्‍त जीवन बीत ल्‍ययातःपिं मनूतय्‌सं विश्‍वास यात।

प्रेरित 15:18

परमप्रभुं धयादीगु थ्‍व खँ, न्‍हापांनिसें हे धयावयाच्‍वंगु खः।’”

प्रेरित 18:10

जि छ नाप दु। सुनानं छन्‍त स्‍यंके फइ मखु, छाय्‌धाःसा थ्‍व शहरय् जिमि मनूत यक्‍व दु।”

रोमी 8:33

परमेश्‍वरं ल्‍ययातःपिन्‍त सुनां दोषी याये फइ? धर्मी यानादीम्‍ह परमेश्‍वर हे खः धाःसा

१ कोरिन्‍थी 1:8

झी प्रभु येशू ख्रीष्‍ट झायादीबलय् तक परमेश्‍वरं छिमित विश्‍वासय् क्‍वात्तुकाः द्वं मदुम्‍ह यानातयादी।

गलाती 5:13

यःपिं दाजुकिजापिं, परमेश्‍वरं छिमित छुत्‍कारा बीत सःतादीगु खः। थः यःथें याना जुइ मते, बरु माया यानाः मेपिन्‍त ग्‍वाहालि बीगु या।

गलाती 5:22

पवित्र आत्‍माया फल धाःसा माया यायेगु, लय्‌तायेगु, शान्‍ति याकेगु, सह यायेगु, दया यायेगु, ग्‍वाहालि यायेगु, विश्‍वास यायेबहः जुइगु,

गलाती 5:6

झीपिं ख्रीष्‍टनाप मिलय् जुइ धुन धाःसा म्‍हय् चिं तःसां मतःसां छुं नं पाइ मखु। झीत माःगु ला विश्‍वास खः। थ्‍व हे विश्‍वासं यानाः झीसं माया याये फइ।

एफिसी 2:10

छाय्‌धाःसा झीपिं भिंगु ज्‍याया निंतिं ख्रीष्‍ट येशूपाखें सृष्‍टि यानातःपिं वय्‌कःया ल्‍हाःया सीप खः। वय्‌कलं न्‍हापांनिसें दय्‌कातःगु भिंगु ज्‍याखँ झीगुपाखें जुइ फयेमा धकाः झीत तयार यानादीगु खः।

एफिसी 3:17

उकिं विश्‍वासं यानाः ख्रीष्‍ट छिमिगु नुगलय् च्‍वनादी। छिमिगु नुगलय् मायां हा काय् फयेमा, अले छिपिं मायायागु लिधंसाय् च्‍वने फयेमा धकाः जिं प्रार्थना यानाच्‍वनागु दु।

एफिसी 4:2

न्‍ह्याबलें क्‍वमिलु, स्‍वजा व सह याइपिं जुयाः थःथवय् माया यानाः

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

एफिसी 5:27

थःगु हे निंतिं धकाः वय्‌कलं थज्‍याःगु पवित्रगु, छुं हे दोष मदुगु, खू मदुगु, स्‍यमकूंगु व बांलाःगु मण्‍डली दय्‌कादिल।

फिलिप्‍पी 2:15

उकिं छिपिं दोष मदुपिं व स्‍वजापिं जुयाः पापी व मभिंगु मनूतय्‌गु पुचलय् छुं हे ख्‍वं मदय्‌क परमेश्‍वरया मस्‍त जुयाच्‍वँ। नगुतय्‌सं आकाशय् झल्‍ल थीकू थें छिपिं नं इमिगु पुचलय् थिना च्‍वँ।

कलस्‍सी 1:22

तर आः वय्‌कःया काय्‌नं थः हे सिनाः छिमित हाकनं वय्‌कः नाप मिलय् यानादीगु दु। वय्‌कः छिमित थःगु न्‍ह्यःने पवित्र, शुद्ध व दोष मदुपिं यायेत हे थथे सिनादीगु खः।

कलस्‍सी 2:2

छिमित साहस दयेमा, अले थःथवय् माया यानाच्‍वनेमा धकाः जिं थथे यानाच्‍वनागु खः। अले छिमिसं फुक्‍क खँ ध्‍वाथुइके फइ। थुकथं छिमिसं परमेश्‍वरयागु गुप्‍ति खँ ख्रीष्‍टयात नं बांलाक म्‍हसीके फइ।

कलस्‍सी 3:12

छिपिं परमेश्‍वरं ल्‍ययातःपिं पवित्रपिं व वय्‌कःया यःपिं मनूत खः। उकिं छिमिसं दया माया यायेगु, क्‍वमिलु जुइगु, स्‍वजा जुइगु, सह यानाच्‍वनेगु यायेमाः।

१ थेसलोनिकी 3:12

जिमिसं छिमित माया याना थें प्रभुं छिमित नं थःथवय् व मेपिन्‍त माया यानाः न्‍ह्यज्‍याये फय्‌कादीमा।

१ थेसलोनिकी 4:7

परमेश्‍वरं झीत अशुद्ध जुइत मखु, बरु पवित्र जुइत सःतादीगु खः।

२ तिमोथी 1:9

थ्‍व हे परमेश्‍वरं झीत बचय् यानाः वय्‌कःया मनूत यायेत सःतादिल। झीसं यानागु धर्मकर्मं यानाः मखु, बरु वय्‌कलं हे दया माया यानाः झीत बचय् यानादीगु खः। सृष्‍टि जुइ न्‍ह्यः हे ख्रीष्‍ट येशूं झीत थ्‍व दया माया बियादीगु खः।

२ तिमोथी 2:10

अय्‌जूगुलिं परमेश्‍वरं ल्‍ययातःपिं मनूतय्‌गु निंतिं जिं न्‍ह्यागुं सह याये फु। अले इपिं ख्रीष्‍ट येशूं बियादीगु सदां दइगु मुक्ति कयाः तःधने फयेमा।

२ तिमोथी 2:19

अय्‌नं परमेश्‍वरं स्‍वनादीगु जग गुबलें दुनावनी मखु। अले थ्‍व जगय् थथे च्‍वयातःगु दु – “प्रभुया मनूयात प्रभुं म्‍हस्‍यू।” अले “प्रभुयागु नां कयाः जूपिन्‍सं मभिंगु ज्‍या याये मज्‍यू।”

याकूब 2:5

यःपिं दाजुकिजापिं, जिं धयागु खँ न्‍यँ – संसारय् चीमिपिन्‍त हे परमेश्‍वरं विश्‍वासय् तःमि यायेत व वय्‌कःयात माया याःपिन्‍त दुकाये धकाः धयादीगु राज्‍यय् दुकायेत ल्‍ययादीगु मखु ला?

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।

१ पत्रुस 1:20

थथे यायेत परमेश्‍वरं ख्रीष्‍टयात संसार सृष्‍टि याये न्‍ह्यः हे ल्‍ययादीगु खः। अय्‌जूगुलिं छिमिगु निंतिं वय्‌कः आः फुक्‍कसिया न्‍ह्यःने खंक झाःगु दु।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

२ पत्रुस 3:14

अय्‌जूगुलिं यःपिं दाजुकिजापिं, थथे गुबलय् जुइ धकाः पिया च्‍वनीपिं जुयाः छिमिसं प्रभुयात लय्‌ताय्‌केत कुतः याना च्‍वँ। पापी ज्‍या याना मजुसे पवित्र जुयाच्‍वँ। थुकथं छिपिं परमेश्‍वर नाप मिलय् जुयाच्‍वँ।

१ यूहन्‍ना 4:16

अले झीत परमेश्‍वरं माया यानादिल धकाः झीसं सि नं स्‍यू, अले विश्‍वास नं याना। परमेश्‍वर माया खः, उकिं माया यानाजुइम्‍ह मनूयागु नुगलय् वय्‌कः दयाच्‍वनी। अले व नाप दइ।

प्रकाश 13:8

अले पृथ्‍वीइ च्‍वंपिं फुक्‍कसिनं व पशुयात पुजा याइ। संसारयागु सृष्‍टि जूसांनिसें स्‍याःम्‍ह चीधिकःम्‍ह भ्‍याःचाया जीवनयागु सफुलिइ नां च्‍वया मतःपिं फुक्‍कसिनं वयात पुजा याइ।

प्रकाश 17:8

व पशु न्‍हापा ला दुम्‍ह खः, आः मदु। व हे पशु तःजाःगु गालं पिहां वइतिनि। अले नाश नं जुइतिनि। संसारयात सृष्‍टि याये न्‍ह्यःनिसें जीवनयागु सफुलिइ नां च्‍वया मतःपिं मनूत व पशुयात खनाः तसकं छक्‍क जुइ, छाय्‌धाःसा व पशु न्‍हापा दु, आः मदु, अले लिपा वइतिनि।