एफिसी 1:3 - नेवाः बाइबल

³ ख्रीष्‍टयात विश्‍वास यानागुलिं परमेश्‍वरं झीत स्‍वर्गयागु फुक्‍क आशिष बियादीगुलिं झी प्रभु येशू ख्रीष्‍टया बाः परमेश्‍वरयात तःधंकेमाः।

एफिसी 1:3 ပူးပေါင်းရင်းမြစ်များ

उत्‍पत्ति 14:20

दक्‍वसिबय् तःधंम्‍ह परमेश्‍वरयात तःधंकी, गुम्‍हय्‌सिनं छिमि शत्रुतय्‌त छंगु ल्‍हातय् लःल्‍हानादिल।” अले अब्रामं थःम्‍हं हःगु फुक्‍क झिब्‍वय् छब्‍व वय्‌कःयात बिल।

उत्‍पत्ति 22:18

छं जिं धाःथें याःगुलिं छिमि सन्‍तानपाखें संसारय् च्‍वंपिं फुक्‍कसिनं आशिष कायेखनि।”

१ इतिहास 29:20

अनंलि दाऊदं मनूतय्‌त धाल, “परमप्रभु छिमि परमेश्‍वरया प्रशंसा या।” अले सकल मनूतय्‌सं परमप्रभु थः पुर्खाया परमेश्‍वरयात प्रशंसा यात अले परमप्रभु व जुजुयात हनाबना बीत बँय् तक छ्यं क्‍वछुकल।

१ इतिहास 4:10

तर याबेसं इस्राएलयाम्‍ह परमेश्‍वरयात थथे धकाः प्रार्थना यात, “हे परमेश्‍वर, जितः आशिष बियादिसँ। जितः तःकूगु इलाका बियादिसँ। जिं यानागु न्‍ह्यागु नं ज्‍याय् छि जिनापं च्‍वनादिसँ। जितः कसाः बीगु दुःखपाखें बचय् यानादिसँ।” अले परमेश्‍वरं वयागु बिन्‍ति न्‍यनादिल।

२ इतिहास 31:8

हिजकिया व वया भारदारत अन वःबलय् इमिसं मुंकातःगु द्वँ खन। अले इमिसं परमप्रभुयात व वय्‌कःया प्रजा इस्राएलया मनूतय्‌त धन्‍य धाल।

नहेम्‍याह 9:5

अले येशूअ, कादमीएल, बानी, हशबन्‍याह, शरेबियाह, होदियाह, शबन्‍याह व पतहियाह नांयापिं लेवीतय्‌सं धाल, “दनाः अनादिंनिसें अनन्‍त तक दीम्‍ह परमप्रभु झी परमेश्‍वरयात तःधंकि।” अले इमिसं थथे प्रार्थना यात, “छिगु महिमां जाःगु नां धन्‍य जुइमा, व नां फुक्‍क सुवाः व प्रशंसा स्‍वयाः च्‍वय् दु।

भजनसंग्रहया सफू 134:3

स्‍वर्ग व पृथ्‍वी सृष्‍टि यानादीम्‍ह परमप्रभुं छन्‍त सियोनं सुवाः बियादीमा।

भजनसंग्रहया सफू 72:17

वयागु नां न्‍ह्याबलें लुमनाच्‍वनेमा। सूर्य दतले वयागु नां जायाच्‍वनेमा। फुक्‍क जातियापिन्‍सं वयापाखें परमेश्‍वरया आशिष कायेमा। सकसिनं वयात धन्‍य धायेमा।

भजनसंग्रहया सफू 72:19

वय्‌कःयागु महिमां जाःगु नांया सदां प्रशंसा जुयाच्‍वनेमा। पृथ्‍वी न्‍यंक वय्‌कःयागु महिमां जायेमा। आमेन! आमेन!

यशैया 61:9

इमि सन्‍तानत जाति जातिया दथुइ, अले इमि मचाखाचातय्‌त मनूतय्‌गु दथुइ म्‍हसिइगु जुइ। इमित खंपिं सकसिनं ‘इपिं ला परमप्रभुपाखें सुवाः दुपिनि सन्‍तान खः’ धकाः स्‍वीकार याइ।”

दानिएल 4:34

न्‍हय्‌गू काल बिनावने धुंकाः जि नबूकदनेसरं थःगु मिखा थस्‍वकाः स्‍वर्गपाखे स्‍वया अले जिगु बुद्धि न्‍हापा थें तुं जुल। जिं दकलय् तःधंम्‍ह परमेश्‍वरयात च्‍वछाया अले न्‍ह्याबलें म्‍वानादीम्‍हय्‌सित हनाबना व महिमा बिया। वय्‌कलं न्‍ह्याबलें राज्‍य यानादी अले वय्‌कःया राज्‍य पुस्‍तांनिसें पुस्‍ता तक दयाच्‍वनी।

लूका 2:28

शिमियोनं मचायात बुयाः परमेश्‍वरयात सुभाय् बियाः थथे धाल –

यूहन्‍ना 14:20

उबलय् हे जक जि बाःयाके, छिपिं जिके, अले जि छिमिके दु धकाः छिमिसं सी।

यूहन्‍ना 17:21

इपिं नं छप्‍पँ जुयाच्‍वनेमा। यःम्‍ह बाः, गथे छि जिके, अले जि छिके दु, अथे हे इपिं नं झीके छप्‍पँ जुयाच्‍वनेमा। थुकथं जूसा जक छिं जितः छ्वयाहःगु खः धकाः संसारं विश्‍वास याइ।

यूहन्‍ना 20:17

वय्‌कलं वयात धयादिल – “जितः थी मते, आः तक जि बाःयाथाय् थाहां वनागु मदुनि। जिमि किजापिन्‍थाय् वनाः धाः हुँ – ‘जिमि बाःयाथाय् अले छिमि बाःयाथाय्, जिम्‍ह परमेश्‍वरयाथाय् अले छिमि परमेश्‍वरयाथाय् जि थाहां वनाच्‍वना।’”

रोमी 12:5

थथे हे झीपिं नं यक्‍व दसां ख्रीष्‍टयागु म्‍हय् ला छम्‍ह हे जक खः। अले थीथी म्‍हब्‍वत छगू छगू यानाः मिलय् यानातःपिं खः।

रोमी 15:6

थथे छिपिं फुक्‍कं छप्‍पँ जुयाः छगू हे सलं झी प्रभु येशू ख्रीष्‍टया बाः परमेश्‍वरयात जयजय याये फयेमा।

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

१ कोरिन्‍थी 12:12

मण्‍डली म्‍ह थें खः। गथे तःता म्‍हब्‍व दःसां म्‍ह ला छगू हे जुइ। म्‍ह छगू हे जूसां तःता म्‍हब्‍व दइ। ख्रीष्‍ट नं अथे हे खः।

२ कोरिन्‍थी 1:3

झी प्रभु येशू ख्रीष्‍टया परमेश्‍वर व बाःयात झीसं सुभाय् बी हे माः। वय्‌कः दया माया दुम्‍ह व फुक्‍क कथंया सान्‍त्‍वना बियादीम्‍ह परमेश्‍वर खः।

२ कोरिन्‍थी 11:31

जिं थथे धयाच्‍वनागु खँ मखुगु मखु धकाः सदां तःधंके बहःम्‍ह परमेश्‍वर प्रभु येशूया बाः नं स्‍यू।

२ कोरिन्‍थी 5:17

अथे जुयाः सुं मनू ख्रीष्‍टनाप दु धाःसा व न्‍हूम्‍ह मनू जुइ। पुलांगु मदयावन, फुक्‍क न्‍हूगु जुल।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

गलाती 3:9

गथे अब्राहाम परमेश्‍वरयात विश्‍वास याःगुलिं धर्मी ठहरय् जुल, अथे हे वय्‌कःयात विश्‍वास याक्‍वसिनं आशिष काये खन।

एफिसी 1:10

पाय्‌छिगु ई वइबलय् स्‍वर्ग व पृथ्‍वीइ दुगु फुक्‍क खँ ख्रीष्‍टया अधीनय् हयेगु परमेश्‍वरया ग्‍वसाः खः।

एफिसी 1:17

ज्ञान बीम्‍ह व परमेश्‍वरयात म्‍हसीका बीम्‍ह पवित्र आत्‍मा छिमित बियादीमा धकाः जिं दकलय् तःधंम्‍ह व येशू ख्रीष्‍टया बाः परमेश्‍वरयाके फ्‍वनाच्‍वना।

एफिसी 1:20

थ्‍व हे शक्तिं वय्‌कलं सी धुंकूम्‍ह ख्रीष्‍टयात म्‍वाकाः स्‍वर्गय् थःगु जवय् तयादिल।

एफिसी 2:6

झीसं ख्रीष्‍टयात विश्‍वास यानागुलिं वय्‌कलं झीत हानं म्‍वाकाः वय्‌कः नाप स्‍वर्गय् तयादिल।

एफिसी 3:10

आः ला मण्‍डलीपाखें आकाशय् राज्‍य याइपिं व अधिकार दुपिन्‍त परमेश्‍वरयागु तःधंगु ज्ञान सीके बीत थथे थ्‍व गुप्‍ति खँ उलादीगु खः।

एफिसी 6:12

झीगु ल्‍वापु मनूतलिसे मखु। बरु आकाशय् च्‍वंगु दुष्‍ट आत्‍माया शक्ति, थ्‍व खिउँगु संसारया शक्ति अले थ्‍व संसारया शासकत व अधिकार दुपिनिगु फौज लिसे खः।

फिलिप्‍पी 2:11

अले परमेश्‍वर बाःयात तःधंकेत फुक्‍कसिनं येशू ख्रीष्‍ट हे “प्रभु” खः धकाः थः नाला कायेमाः।

हिब्रू 8:5

इमिसं पुजाहारी जुयाः थन याइगु ज्‍या ला स्‍वर्गय् जूगु ज्‍याखँया किपालु जक खः। मोशायात नं वं पाल ग्‍वयेत्‍यंबलय् परमेश्‍वरं थथे धयादीगु खः – “जिं छन्‍त गुँच्‍वकाय् क्‍यनागु नमूनाकथं थ्‍व फुक्‍कं बांलाक दय्‌कि।”

हिब्रू 9:23

स्‍वर्गयागु किपालु थें जक यानाः दय्‌कातःगु थ्‍व फुक्‍कयात थथे हिं शुद्ध याये हे माः। अथे हे स्‍वर्गय् च्‍वंगुयात ला थ्‍व स्‍वयाः भिंगु बलिदानं शुद्ध यायेमाः।

१ पत्रुस 1:3

झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।