एफिसी 1:21 - नेवाः बाइबल

²¹ ख्रीष्‍ट फुक्‍क अधिकार दुम्‍ह, शासन यानादीम्‍ह, शक्तिं जाःम्‍ह व फुक्‍क प्रभुत स्‍वयाः नं तःधंम्‍ह खः। वय्‌कःयात थ्‍व संसारय् जक मखु, वइतिनिगु संसारय् नं फुक्‍क नां स्‍वयाः च्‍वय् तयादिल।

एफिसी 1:21 ပူးပေါင်းရင်းမြစ်များ

दानिएल 7:27

पृथ्‍वीया फुक्‍क राज्‍यतय्‌गु शक्ति व तःधंसू दकलय् तःधंम्‍ह परमेश्‍वरया पवित्र मनूतय्‌गु ल्‍हातय् बी। वय्‌कःया राज्‍य न्‍ह्याबलें दयाच्‍वनीगु राज्‍य जुइ। फुक्‍क राज्‍यं वय्‌कःया खँ न्‍यनी व वय्‌कःयागु सेवा याइ।’

मत्ती 12:32

मनूया काय्‌यात मभिंकाः खँ ल्‍हाःम्‍हय्‌सित क्षमा यानाबी, पवित्र आत्‍मायात मभिंकाः खँ ल्‍हाःम्‍हय्‌सित धाःसा आः नं, लिपा नं, गुबलें हे क्षमा बी मखु।”

प्रेरित 4:12

“अय्‌जूगुलिं येशूयागु नामं जक मुक्ति दइ, मेपिनिगु नामं मुक्ति दइ मखु। सारा संसारय् झीत बचय् याये फुम्‍ह मेम्‍हय्‌सिगु नां परमेश्‍वरं बियादीगु मदु।”

एफिसी 2:2

थ्‍व संसारयापिं मनूतय्‌सं थें छिमिसं नं पापी ज्‍याखँ याना जूगु खः। अले मभिंगु ज्‍याखँया नायः शैतानं धाःथें जुयाच्‍वंगु खः। थ्‍व शैतानं परमेश्‍वरयात विश्‍वास मयाःपिन्‍त थःगु ल्‍हातय् कयातःगु दु।

एफिसी 3:10

आः ला मण्‍डलीपाखें आकाशय् राज्‍य याइपिं व अधिकार दुपिन्‍त परमेश्‍वरयागु तःधंगु ज्ञान सीके बीत थथे थ्‍व गुप्‍ति खँ उलादीगु खः।

एफिसी 6:12

झीगु ल्‍वापु मनूतलिसे मखु। बरु आकाशय् च्‍वंगु दुष्‍ट आत्‍माया शक्ति, थ्‍व खिउँगु संसारया शक्ति अले थ्‍व संसारया शासकत व अधिकार दुपिनिगु फौज लिसे खः।

कलस्‍सी 2:10

वय्‌कःपाखें हे छिपिं बांलाक ब्‍वलंगु दु। वय्‌कः फुक्‍क राज्‍य व शक्ति स्‍वयाः तःधं।

कलस्‍सी 2:15

थ्‍व हे क्रूसय् वय्‌कलं शैतानयागु राज्‍य व शक्तियात त्‍याकाः क्‍यनादिल।

हिब्रू 1:4

स्‍वर्गदूतत स्‍वयाः परमेश्‍वरं वय्‌कःया काय्‌यात तःधं यानादिल। इपिं स्‍वयाः तःधं धकाः सीकेत परमेश्‍वरं वय्‌कःयागु नां हे तःधंकादिल।

हिब्रू 2:5

जिमिसं धयाच्‍वनागु लिपा वइगु संसारयात परमेश्‍वरं स्‍वर्गदूततय्‌गु ल्‍हातय् बियामदी।

हिब्रू 4:14

स्‍वर्गय् झायादीम्‍ह परमेश्‍वरया काय् येशू हे झी दक्‍वसिबय् तःधंम्‍ह पुजाहारी जूगुलिं झीसं मानय् यानाः वयागु विश्‍वासयात अज्‍जं क्‍वात्तुकाच्‍वनेमाः।

१ पत्रुस 3:22

वय्‌कः स्‍वर्गय् झायाः परमेश्‍वरया जवय् च्‍वनादीगु दु। अधिकार दुपिं, शक्ति दुपिं, व स्‍वर्गदूतत फुक्‍कं वय्‌कःया ल्‍हातय् दु।