एफिसी 1:17 - नेवाः बाइबल

¹⁷ ज्ञान बीम्‍ह व परमेश्‍वरयात म्‍हसीका बीम्‍ह पवित्र आत्‍मा छिमित बियादीमा धकाः जिं दकलय् तःधंम्‍ह व येशू ख्रीष्‍टया बाः परमेश्‍वरयाके फ्‍वनाच्‍वना।

एफिसी 1:17 ပူးပေါင်းရင်းမြစ်များ

१ इतिहास 29:11

हे परमप्रभु! महिमा, शक्ति, गौरव व वैभव छिगु हे खः, छाय्‌धाःसा आकाश व पृथ्‍वीइ छु छु दु व फुक्‍क छिगु हे खः। हे परमप्रभु! राज्‍य छिगु हे खः, अले छि फुक्‍कसिया शासक खः।

अय्‍यूब 42:5

जिगु न्‍हाय्‌पनं छिगु बारे न्‍हापा हे न्‍यने धुंकूगु खः, तर आः ला जिं छितः थःगु हे मिखां खंगु दु।

भजनसंग्रहया सफू 24:10

तःधंम्‍ह जुजु सु खः? दक्‍व शक्ति दुम्‍ह परमप्रभु! वय्‌कः तःधंम्‍ह जुजु खः। सेला

भजनसंग्रहया सफू 24:7

पुलांगु ध्‍वाखात चालाहुँ! पुलांगु लुखात चालाहुँ! अले तःधंम्‍ह जुजुयात दुहां वयेब्‍यु!

भजनसंग्रहया सफू 29:3

परमप्रभुया सः समुद्रय् थ्‍वइ। तसकं तःधंम्‍ह परमेश्‍वर न न्‍याः थें हाली। वय्‌कःया सः समुद्रय् लिथ्‍वइ।

प्रस्‍थान 28:3

जिं बुद्धि बियातयापिं थज्‍याःगु ज्‍या यायेफुपिं फुक्‍कसित सःती। इमित हारूनया निंतिं वसः सुइत उजं ब्‍यु। अले हारूनं पुजाहारी अभिषेक जुयाः जिगु सेवा याइ।

हितोपदेश 18:15

सःस्‍यूपिं मनूतय्‌सं न्‍ह्याबलें सय्‌केगु मनसुबा तयाच्‍वनी, अले मालाच्‍वनी।

हितोपदेश 2:5

छं परमप्रभुयागु भय छु खः धकाः सी, अले परमेश्‍वरया ज्ञान लाइ।

यशैया 11:2

परमप्रभुया आत्‍मा वयाके वइ – बुद्धि व दुग्‍यांया आत्‍मा, सल्‍लाह व शक्तिया आत्‍मा, ज्ञान व परमप्रभुया भयया आत्‍मा।

यर्मिया 2:11

मेगु छुं नं जातिं थः द्यःतय्‌त उपिं ईश्‍वर मखुसां हीगु दु ला? तर जिमि प्रजां थःगु महिमां जाःम्‍ह परमेश्‍वरयात ज्‍यालगय् मजूपिं द्यःतनापं हिल।

यर्मिया 24:7

जि हे परमप्रभु खः धकाः म्‍हसीगु नुगः जिं इमित बी। अले इपिं जि प्रजा जुइ। जि इमि परमेश्‍वर जुये, छाय्‌धाःसा इपिं दुनुगलंनिसें जिथाय् लिहां वइ।

यर्मिया 31:34

‘प्रभुयात म्‍हसीकी’ धकाः इमिसं थः जःलाखःलापिन्‍त व दाजुकिजापिन्‍त नं स्‍यना जुइ माली मखु, छाय्‌धाःसा चिधिकःपिन्‍संनिसें कयाः तःधिकःपिन्‍सं तकं जितः म्‍हसी। इमिसं याःगु मभिंगु बांमलाःगु ज्‍याखँ फुक्‍कं जिं क्षमा यानाबी। अले इमिगु पाप नं जिं लुमंके मखु,” परमप्रभुं धयादी।

यर्मिया 9:24

तर सुयां तःधंछुइ मास्‍ति वःसा, वं जितः म्‍हमस्‍यूगु व थूगु खँय् तःधंछुइमाः। पृथ्‍वीइ सदां दयाच्‍वनीगु दयामाया, न्‍याय व धार्मिकतायागु ज्‍या याइम्‍ह परमप्रभु जि हे खः। छाय्‌धाःसा थ्‍व खँय् हे जि लय्‌ताः,” परमप्रभुं धयादी।

दानिएल 10:1

फारसया जुजु कोरेसया स्‍वँगूगु दँय् दानिएलयात छगू बुखँ बिल (गुम्‍हय्‌सित बेलतसजर नं धाः)। थ्‍व बुखँ धात्‍थेंगु खः। थ्‍व छगू तःधंगु लडाइँया बारे खः। वयाथाय् दर्शनय् व बुखँया अर्थ वःगु खः।

दानिएल 5:11

छःपिनिगु देशय् पवित्र द्यःपिनिगु आत्‍मा दुम्‍ह छम्‍ह मनू दु। न्‍हापायाम्‍ह जुजुया पालय् थ्‍व मनुखं द्यःपिन्‍सं थें दुग्‍यां, अक्‍कल व बुद्धि क्‍यंगु खः। छःपिनि न्‍हापायाम्‍ह जुजु नबूकदनेसरं वयात जादु क्‍यनिपिं, साइत स्‍वइपिं, ज्‍योतिषीत, व ज्‍वखना स्‍वइपिनि नायः दय्‌कादीगु खः।

मत्ती 11:25

अबलय् येशूं धयादिल – “हे परमेश्‍वर बाः, स्‍वर्ग व पृथ्‍वीया प्रभु, जिं छितः सुभाय् बी, छाय्‌धाःसा छिं थ्‍व खँ सःस्‍यू व थू धाइपिन्‍त न्‍यंका मदिसे छुं मस्‍यूपिं मस्‍तय्‌त न्‍यंकादिल।

मत्ती 11:27

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू, बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका ब्‍यूपिन्‍सं जक बाःयात म्‍हसी।”

मत्ती 16:17

वय्‌कलं वयात धयादिल – “योनाया काय् सिमोन, छ धन्‍य खः, छाय्‌धाःसा छं थ्‍व खँ मनूतय्‌पाखें सय्‌काः धाःगु मखु, बरु स्‍वर्गय् च्‍वनादीम्‍ह जिमि बाःनं हे छन्‍त थ्‍व खँ धाय्‌कादीगु खः।

मत्ती 20:33

अले इमिसं धाल – “प्रभु, जिमिगु मिखा चाय्‌कादिसँ।”

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

लूका 12:12

छाय्‌धाःसा पवित्र आत्‍मां उबलय् हे छिमित छु धायेमाःगु खः स्‍यनादी।”

लूका 2:14

“स्‍वर्गय् च्‍वनादीम्‍ह परमेश्‍वर तःधं जुइमा। अले परमेश्‍वरयात यःपिं मनूतय्‌त पृथ्‍वीइ च्‍वनाच्‍वंसां शान्‍ति दयेमा।”

लूका 21:15

छाय्‌धाःसा जिं छिमित थज्‍याःगु खँ व बुद्धि बी, गुकियात छिमि शत्रुतय्‌सं लिसः बी नं फइ मखु, त्‍वाःल्‍हाय् नं फइ मखु।

यूहन्‍ना 14:17

थ्‍व सत्‍य आत्‍मायात संसारयापिं मनूतय्‌सं ग्रहण याये फइ मखु, छाय्‌धाःसा इमिसं वय्‌कःयात खनी नं मखु, म्‍हसी नं मखु। छिमिसं धाःसा वय्‌कःयात म्‍हस्‍यू। वय्‌कः छिपिंनाप, अले छिमिके हे च्‍वनादी।”

यूहन्‍ना 14:26

छिमित ग्‍वाहालि याइम्‍ह पवित्र आत्‍मायात जिगु नामय् बाःनं छ्वयाहयादी। वय्‌कलं हे छिमित माक्‍व खँ स्‍यनादी। अले जिं धयागु फुक्‍क खँ छिमित लुमंकाबी।

यूहन्‍ना 16:3

बाःयात व जितः म्‍हमस्‍यूगुलिं हे इमिसं थथे याइ।

यूहन्‍ना 17:3

छि छम्‍ह हे जक सत्‍य परमेश्‍वरयात व छिं छ्वयाहयादीम्‍ह येशू ख्रीष्‍टयात म्‍हसीकेगु हे अनन्‍त जीवन खः।

यूहन्‍ना 20:17

वय्‌कलं वयात धयादिल – “जितः थी मते, आः तक जि बाःयाथाय् थाहां वनागु मदुनि। जिमि किजापिन्‍थाय् वनाः धाः हुँ – ‘जिमि बाःयाथाय् अले छिमि बाःयाथाय्, जिम्‍ह परमेश्‍वरयाथाय् अले छिमि परमेश्‍वरयाथाय् जि थाहां वनाच्‍वना।’”

प्रेरित 6:10

पवित्र आत्‍मां स्‍तिफनसयात बुद्धि बियादीगुलिं वयागु खँय् सुनानं जवाःसवाः याये मफुत।

प्रेरित 7:2

स्‍तिफनसं धाल – “बाः धाये ल्‍वःपिं व दाजुकिजापिं, जिगु छकुचा खँ न्‍यनादिसँ। झी तापाःबाज्‍या अब्राहाम हारानय् वने न्‍ह्यः मेसोपोटामियाय् दनिबलय् दकलय् तःधंम्‍ह परमेश्‍वरं झायाः

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।

रोमी 15:6

थथे छिपिं फुक्‍कं छप्‍पँ जुयाः छगू हे सलं झी प्रभु येशू ख्रीष्‍टया बाः परमेश्‍वरयात जयजय याये फयेमा।

१ कोरिन्‍थी 12:8

अले थ्‍व हे पवित्र आत्‍मां छम्‍हय्‌सित बुद्धि बियादीसा मेम्‍हय्‌सित ज्ञान बियादी।

१ कोरिन्‍थी 14:6

अय्‌जूगुलिं यःपिं दाजुकिजापिं, छिमिथाय् वयाः जिं थीथी भाषां नवाःसा छिमित छु ज्‍यालगय् जुइ? थीथी भाषां नवायेगु स्‍वयाः परमेश्‍वरं जितः क्‍यनादीगु खँ, ज्ञानयागु खँ, अगमवाणी, अले शिक्षा न्‍यंकुसा हे जक छिमित ज्‍यालगय् जुइ।

१ कोरिन्‍थी 2:10

परमेश्‍वरयागु थ्‍व हे गुप्‍ति खँ पवित्र आत्‍मापाखें वय्‌कलं झीत हे सीके थुइके बियादीगु खः। पवित्र आत्‍मां न्‍ह्यागुं माला स्‍वइ, परमेश्‍वरयागु दुनुगलय् च्‍वंगु खँनापं मालाः सीकी।

१ कोरिन्‍थी 2:8

थ्‍व संसारया जुजुपिं छम्‍हय्‌सिनं हे थ्‍व ज्ञान मथू। इमिसं थ्‍व ज्ञान थूगु जूसा दकलय् तःधंम्‍ह प्रभुयात क्रूसय् नकिं तानाः स्‍याइ मखुगु।

२ कोरिन्‍थी 12:1

फुइँ यानाः भिं जुइ मखु धकाः सीक सीकं नं जिं फुइँ याये माल। प्रभुं जितः क्‍यनादीगु दर्शन जिं आः कने।

एफिसी 1:3

ख्रीष्‍टयात विश्‍वास यानागुलिं परमेश्‍वरं झीत स्‍वर्गयागु फुक्‍क आशिष बियादीगुलिं झी प्रभु येशू ख्रीष्‍टया बाः परमेश्‍वरयात तःधंकेमाः।

एफिसी 3:5

थ्‍व गुप्‍ति खँ न्‍हापा न्‍हापायापिं मनूतय्‌सं मस्‍यू। थौंकन्‍हय् परमेश्‍वरं वय्‌कःया पवित्र प्रेरिततय्‌त व अगमवक्तातय्‌त थ्‍व गुप्‍ति खँ पवित्र आत्‍मापाखें सीके बियादीगु दु।

एफिसी 4:13

थुकथं थ्‍व वरदानयागु ज्‍यां झीत विश्‍वासय् छप्‍पँ जुइत व परमेश्‍वरया काय्‌यात म्‍हसीकाः न्‍ह्यज्‍यायेत ग्‍वाहालि बियाच्‍वनी। अले छन्‍हु झीपिं सिद्ध मनू जुयाः ख्रीष्‍ट थें जुइ फइ।

फिलिप्‍पी 3:15

झीपिं बांलाक स्‍यूपिन्‍सं थथे मतिइ तयेमाः। छिपिं मध्‍ये सुयां छुं खँय् बिचाः पात धाःसा परमेश्‍वरं छिमित थ्‍व नं क्‍यनादी।

२ तिमोथी 2:25

अले शत्रुयात नं क्‍वमिलु जुयाः थुइका बीम्‍ह जुइमाः। सके परमेश्‍वरं इमिगु नुगः हे हिलाः सत्‍य खँयात थुइके फयेकादी ला?

तीतस 1:1

परमेश्‍वरया दास, येशू ख्रीष्‍टयाम्‍ह प्रेरित जि पावलं च्‍वयाच्‍वनागु दु। जिगु ज्‍या हे परमेश्‍वरं ल्‍यया तःपिनिगु विश्‍वास क्‍वात्तुका बीगु व सत्‍य खँयात थुइका बियाः परमेश्‍वरयात यःथें याये सय्‌का बीगु खः।

याकूब 2:1

दाजुकिजापिं, छिपिं दकलय् तःधंम्‍ह झी प्रभु येशू ख्रीष्‍टयात विश्‍वास याःपिं जुया नं छाय् ख्‍वाः स्‍वयाः व्‍यवहार यायेगु यानागु?

२ पत्रुस 1:3

पवित्र जुयाः म्‍वायेत माःगु फुक्‍क खँ झीसं परमेश्‍वरया शक्तिं हे कयाच्‍वनागु दु, छाय्‌धाःसा थःगु इज्‍जत व गुण बीत सःतादीम्‍ह परमेश्‍वरयात झीसं म्‍हस्‍यू।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।

प्रकाश 7:12

“आमेन! परमेश्‍वरयागु प्रशंसा, महिमा, ज्ञान, सुभाय्, मान, शक्ति व बल न्‍ह्याबलें दयाच्‍वनेमा। आमेन!”