एफिसी 1:14 - नेवाः बाइबल

¹⁴ परमेश्‍वरं बी धकाः धयादीगु झीत नं दइ, अले वय्‌कःया थः मनूतय्‌त पापं छुतय् यानादी धयागु दसिकथं झीत पवित्र आत्‍मा बियातःगु खः। झीसं वय्‌कःयात तःधंके।

एफिसी 1:14 ပူးပေါင်းရင်းမြစ်များ

भजनसंग्रहया सफू 74:2

छिं तःदँ न्‍ह्यः थः सर्बय यायेत ल्‍ययादीपिन्‍त लुमंकादिसँ। अले थःगु जाति यायेत मू पुलाः त्‍वःतकादीपिं मनूतय्‌त लुमंकादिसँ। छि थः च्‍वनादीगु सियोन पर्वत व यरूशलेमयात नं लुमंकादिसँ।

भजनसंग्रहया सफू 78:54

वय्‌कलं इमित थःगु पवित्र देशय्, थःगु हे जव ल्‍हाःया शक्तिं त्‍याकादीगु थ्‍व पहाडी देशय् हयादिल।

लूका 21:28

थथे जुइवं छिमिसं दनाः च्‍वय् पाखे स्‍व, छाय्‌धाःसा याकनं हे छिमिगु उद्धार जुइत्‍यंगु दु।”

प्रेरित 20:28

“अथे जूगुलिं होश यानादिसँ, अले पवित्र आत्‍मां धाःथें छिकपिन्‍सं विश्‍वासीतय्‌गु हेरबिचार यानादिसँ, छाय्‌धाःसा प्रभुं थःगु हि हाय्‌काः इमित न्‍यानादीगु खः, अले छिकपिं इमि जवाः खः।

प्रेरित 20:32

“आः जिं छिकपिन्‍त परमेश्‍वरया ल्‍हातय् व वय्‌कःया दया मायां जाःगु वचनय् त्‍वःताच्‍वना। वय्‌कलं हे छिकपिन्‍त विश्‍वासय् बल्‍लाकादी, अले यक्‍व आशिष बियादी।

रोमी 8:23

सृष्‍टि जक मखु, झीपिं नं आत्‍माया न्‍हापांयागु फल दुपिं झीपिं थःपिं हे नं परमेश्‍वरया लहिनातःपिं सन्‍तान थें जुयाः उद्धारया निंतिं आय्‌बुयाच्‍वना।

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

२ कोरिन्‍थी 1:22

झीपिं वय्‌कःया मनूत खः धकाः म्‍हसीकेत वय्‌कलं चिं थें झीगु नुगलय् पवित्र आत्‍मा बैनाकथं बियातयादीगु दु।

२ कोरिन्‍थी 5:5

झीत थज्‍याःगु न्‍हूगु म्‍ह बियादीम्‍ह परमेश्‍वर हे खः। वय्‌कलं थथे यानादी तिनि धकाः सीकेत झीत पवित्र आत्‍मा बैनाकथं बियादीगु खः।

गलाती 4:6

झीपिं नं परमेश्‍वरया काय्‌पिं खः धकाः सीकेत परमेश्‍वरं थः काय्‌यागु आत्‍मा झीगु नुगलय् तयादिल। अले थ्‍व हे आत्‍मां झीगु नुगलं “अब्‍बा, जिमि बाः” धकाः धयादी।

एफिसी 1:11

परमेश्‍वरं थ्‍व फुक्‍क न्‍हापा हे क्‍वःछिना तःकथं यानादीगु खः। वय्‌कलं झीत न्‍हापांनिसें हे ख्रीष्‍टनाप मिलय् यानाः थः मनू यायेत ल्‍ययादीगु खः।

एफिसी 1:12

झीपिं ख्रीष्‍टयाके भरोसा तयापिं दक्‍वसिबय् न्‍हापां हे ल्‍ययातःपिं खः। उकिं परमेश्‍वरयात झीसं तःधंके।

एफिसी 4:30

थुलि जक मखु, पवित्र आत्‍मायात दुःख बी मते, छाय्‌धाःसा पवित्र आत्‍मा उद्धार बी खुन्‍हुयात धकाः झीत बियातःगु चिं खः।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।