उपदेशक 9:9 - नेवाः बाइबल

⁹ परमेश्‍वरं थ्‍व संसारय् बियादीगु छंगु सितिं वंगु जीवनया फुक्‍क दिनय् थःम्‍हं माया यानाम्‍ह कलाःनापं मोजमज्‍जा या। थ्‍व हे जीवनय् व थ्‍व संसारय् छं याःगु थाकुगु ज्‍या हे छंगु भाग जुइ।

उपदेशक 9:9 ပူးပေါင်းရင်းမြစ်များ

उत्‍पत्ति 26:8

इसहाक अन च्‍वनाच्‍वंगु तःन्‍हु लिपा छन्‍हु जुजु अबीमेलेकं झ्‍यालं स्‍वःबलय् इसहाकं थः कलाःयात माया यानाच्‍वंगु खन।

भजनसंग्रहया सफू 144:4

मनू ला छम्‍हू सासः जक थें खः, वयागु आयु मदयावनीगु किचः थें जक खः।

भजनसंग्रहया सफू 39:5

छिं जिगु जीवनयात गुलि चिहाकः यानादियागु! छिगु न्‍ह्यःने ला जिगु आयु छु हे खः धकाः! छिगु न्‍ह्यःने ला जिगु आयु छुं हे मखु। मनूतय्‌गु जीवन ला छम्‍हू सासः जक हे खनि।” सेला

हितोपदेश 18:22

मनूतय्‌गु तःधंगु सम्‍पत्ति धयागु हे वया कलाः खः, अले परमप्रभुया कृपा नं।

हितोपदेश 19:14

छेँ व धनसम्‍पत्ति बौयापाखें वइ, तर भिंम्‍ह कलाः परमप्रभुयापाखें दइ।

उपदेशक 2:10

जिगु मिखां लोभं चाय्‌कूगु फुक्‍क जिं कया। फुक्‍क कथंयागु मोजमज्‍जा यायेगु जिं मत्‍वःता। जिं हिचःति हाय्‌काः यानागु फुक्‍क ज्‍याखं जिगु नुगः लय्‌ताल। अले थ्‍व जिं हिचःति हाय्‌काः यानागु फुक्‍क ज्‍याया लिच्‍वः खः।

उपदेशक 2:24

मनुखं नयेगु त्‍वनेगु व थःगु थाकुगु ज्‍यां लुधंकिगु स्‍वयाः मेगु बांलाःगु छु हे याये फइ धकाः। थ्‍व नं जिं परमेश्‍वरया ल्‍हातं वःगु खना।

उपदेशक 3:13

फुक्‍क मनूतय्‌सं बांलाक नयेगु, त्‍वनेगु यायेमा अले थःपिन्‍सं दुःखसिया याःगु ज्‍याय् लुधंकाच्‍वनेमा। थ्‍व परमेश्‍वरया दान खः।

उपदेशक 3:22

अथे जुयाः जिं थ्‍व खँ खनागु दु। मनूतय्‌सं थःगु ज्‍याय् लय्‌ताया च्‍वनीगु स्‍वयाः अप्‍वः मेगु भिंगु खँ छु हे मदु, छाय्‌धाःसा थ्‍व हे वं यायेगु ज्‍या खः। छाय्‌धाःसा सुनां वयात लिपा जुइगु खँ क्‍यनाबी फइ?

उपदेशक 5:18

अनंलि जिं थ्‍व खँ थुल। परमेश्‍वरं बियादीगु थ्‍व चिहाकःगु जीवन दतले थ्‍व संसारय् नयेगु, त्‍वनेगु अले थःम्‍हं तसकं दुखसिया यानागु ज्‍याय् लुधंका च्‍वनेत कुतः यायेगु मनूतय्‌गु निंतिं भिं जुइ, छाय्‌धाःसा व हे इमिगु भाग खः।

उपदेशक 6:12

थ्‍व चिहाकःगु जीवनया छुं हे अर्थ मदुगु इलय्, मनूतय्‌सं किचः थें थ्‍व जीवन हनाच्‍वनी, अय्‌नं इमित छु खँ बांला धकाः सुनां स्‍यू? व सिनावने धुंकाः थ्‍व संसारय् छु जुइ धकाः सुनां इमित धाये फइ?

उपदेशक 7:15

जिं थ्‍व सितिं वंगु जीवनय् थुपिं नितां खनागु दु। धर्मीम्‍ह मनू थःगु धार्मिकताय् नाश जूगु, व मभिंम्‍ह मनू धाःसा थःगु मभिंगु ज्‍या यानाः यक्‍व दँ तक म्‍वानाच्‍वंगु।

मलाकी 2:15

वय्‌कलं छ व छिमि कलाःयात छम्‍ह हे यानाः दय्‌कादीगु मखु ला? म्‍हय् व आत्‍माय् छिपिं वय्‌कःया हे खः। अले वय्‌कलं छु इच्‍छा यानादी? छिमिगुपाखें परमेश्‍वरयागु भय काइपिं सन्‍तान मालाच्‍वंगु दु। अथे जुयाः छिमिसं थःगु मनयात रक्षा या, अले थः ल्‍याय्‌म्‍हबलय्‌याम्‍ह कलाःयात ध्‍वंलाये मते।