उपदेशक 9:1 - नेवाः बाइबल

¹ थुपिं फुक्‍क खँयात बिचाः याना अले थ्‍व हे खँ पक्‍का थुल कि धर्मीपिं व बुद्धि दुपिं अले इमिसं याःगु फुक्‍क ज्‍या परमेश्‍वरया ल्‍हातय् जुयाच्‍वन। तर सुं मनुखं थःत माया वा घृणा छुकिं लंच्‍वनाच्‍वंगु दु व इमिसं मस्‍यू।

उपदेशक 9:1 ပူးပေါင်းရင်းမြစ်များ

अय्‍यूब 12:10

वय्‌कःयागु हे ल्‍हातय् फुक्‍क म्‍वाःपिनिगु प्राण व फुक्‍क मनू जातिया सासः दु।

अय्‍यूब 27:12

छिकपिं सकसिनं थ्‍व खँ खंगु दु, छिकपिन्‍सं थज्‍याःगु बकंफुसुलु खँ छाय् ल्‍हानादियागु?

अय्‍यूब 5:8

जि जूगु जूसा, जिं जिगु बिन्‍ति परमेश्‍वरयात हे छायेगु जुइगु, अले जिगु मुद्दा वय्‌कःया न्‍ह्यःने हे तयेगु जुइगु।

भजनसंग्रहया सफू 10:14

अय्‌नं परमेश्‍वर, छिं दुःखय् लाःपिन्‍त स्‍वयादी, अले ग्‍वाहालि यानादी। दुःखय् लानाच्‍वंपिन्‍सं थःपिन्‍त छिगु ल्‍हातिइ हे त्‍वःताबी। छिं मांबौ मदुपिन्‍त न्‍ह्याबलें ग्‍वाहालि यानादी।

भजनसंग्रहया सफू 119:109

जिं थःगु जीवन पायेत तयार दु, अय्‌नं छिं स्‍यनातःगु खँ जिं ल्‍वःमंके मखु।

भजनसंग्रहया सफू 31:5

जिं थःत छिगु हे ल्‍हातिइ लःल्‍हायेधुन। हे परमप्रभु, विश्‍वास याये बहःम्‍ह परमेश्‍वर! जितः उद्धार यानादिसँ।

भजनसंग्रहया सफू 73:3

छाय्‌धाःसा दुष्‍टतय्‌गु जियावःगु स्‍वयाः इपिं घमण्‍डीत खनाः जिगु नुगः मूगु खः।

हितोपदेश 16:3

थःम्‍हं यायेगु न्‍ह्यागुं ज्‍या परमप्रभुयात लःल्‍हानाब्‍यु, अले छंगु फुक्‍क ज्‍या ताःलाइ।

उपदेशक 1:17

अले जिं बुद्धि, वँय्‌सू व मूर्खता धयागु छु खः धकाः सीकेगु निंतिं उकिया बारे बिचाः याना। तर थ्‍व नं फय्‌यात लिइगु थें जक खः धकाः जिं सीकागु दु।

उपदेशक 10:14

मूर्खम्‍ह मनुखं खँ जक ल्‍हानाच्‍वनी। लिपा छु जुइ धकाः सुनानं सी मखु। थुयां लिपा छु जुइ धकाः सुनानं धाये फइ?

उपदेशक 7:15

जिं थ्‍व सितिं वंगु जीवनय् थुपिं नितां खनागु दु। धर्मीम्‍ह मनू थःगु धार्मिकताय् नाश जूगु, व मभिंम्‍ह मनू धाःसा थःगु मभिंगु ज्‍या यानाः यक्‍व दँ तक म्‍वानाच्‍वंगु।

उपदेशक 7:25

अथे जुयाः जिं बुद्धि व छुं जुइगुया कारण छु खः धकाः माला स्‍वयेगु मति तया, अले मभिंगु व मूर्ख खँय् वँय् जुइगु गथे खः धकाः थुइकेगु इच्‍छा याना।

उपदेशक 8:14

संसारय् छगू मेगु सितिं वंगु खँ जुयाच्‍वंगु दु, मभिंम्‍हय्‌सित दयेमाःगु दण्‍ड धर्मीम्‍हय्‌सित लाइ। धर्मीम्‍हय्‌सित दयेमाःगु दण्‍ड मभिंम्‍हय्‌सित लाइ। जिं धाये थ्‍व नं सितिं वंगु खँ खः।

उपदेशक 8:16

संसारय् मनूतय्‌सं मिखा तीमस्‍युसे चां न्‍हिं मद्यंसे याःगु ज्‍या स्‍वयेत व बुद्धि छु खः धकाः थुइकेत जिं थःगु मन बिया,

उपदेशक 8:7

लिपा जुइगु खँ सुनानं सीके फइ मखु। अथे जुयाः मनूतय्‌त सुनां लिपा थथे जुइ धकाः धाये फइ?

उपदेशक 9:6

इमिगु माया, घृणा, ईर्ष्‍यां फुक्‍क मदयावनी। थ्‍व संसारय् याःगु छुं नं ज्‍यापाखें इमित गुबलें भाग दइ मखु।

यशैया 26:12

हे परमप्रभु, छिं जिमित सुख शान्‍ति बियादी, जिमिसं छु क्‍वचाय्‌के धुनागु खः, व फुक्‍क छिं हे जिमिगु निंतिं यानादीगु खः।

यर्मिया 43:6

मिजंपिं, मिस्‍त, मस्‍त, राजकुमारीत, जुजुया सेनापति नबूजरदानं शापानया छय् अहीकामया काय् गदल्‍याहया ल्‍हातय् लःल्‍हाःपिं फुक्‍कसित व अगमवक्ता यर्मियायात अले नेरियाहया काय् बारूकयात नं इमिसं यंकल।

व्‍यवस्‍था 33:3

मनूतय्‌त माया याइम्‍ह धात्‍थें छि हे खः, फुक्‍क पवित्र मनूत छिगु हे ल्‍हातय् दु। इपिं सकसिनं छिगु तुतिइ थःपिनिगु छ्यं क्‍वछुकी, अले छिपाखें सय्‌का सीका काइ,

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

१ पत्रुस 1:5

परमेश्‍वरयात छिमिसं क्‍वात्तुक विश्‍वास यानाच्‍वंगुलिं वय्‌कःयागु शक्तिं छिमित मुक्ति बियादी। दकलय् लिपा थ्‍व मुक्ति छिमिगु न्‍ह्यःने खनेदः वइ।

१ शमूएल 2:9

वय्‌कलं विश्‍वास याये बहःपिनिगु रक्षा यानादी, दुष्‍टतय्‌त धाःसा खिउँगु थासय् सुम्‍क तयादी, “सुं मनूयागु शक्तिं वयात त्‍याकेफइ मखु।