उपदेशक 8:4 - नेवाः बाइबल

⁴ जुजुया वचनय् फुक्‍क शक्ति दु। सुनानं जुजुयात थथे धाये फइ ला, “छसपोलं छाय् थथे यानादियागु?”

उपदेशक 8:4 ပူးပေါင်းရင်းမြစ်များ

२ शमूएल 24:4

अय्‌नं जुजुं योआब व सेनापतितय्‌त मनूतय्‌गु ल्‍याः मकाय्‌क मज्‍यू धाल। उकिं इपिं वनाः इस्राएल न्‍यंक चाःहिलाः मनूत ल्‍याः खायेत जुजुया न्‍ह्यःनं वन।

१ राजा 1:30

परमप्रभु इस्राएलया परमेश्‍वरया नामय् जिं छनापं पाफयागु खः, छं काय् सोलोमन हे जिगु लिपा जुजु जुइ, व जिगु पलेसा जिगु सिंहासनय् च्‍वनी, थौं धात्‍थें हे जिं अथे हे याये।”

१ राजा 2:25

अथे जुयाः जुजु सोलोमनं यहोयादाया काय् बनायाहयात आज्ञा बिल, वं वनाः अदोनियाहयात स्‍यानाबिल।

१ राजा 2:46

अले जुजुं बनायाहयात आज्ञा बिल। व पिहां वन, अले वं शिमीयात कय्‌काः स्‍यात। थुकथं राज्‍यया फुक्‍क अधिकार सोलोमनया ल्‍हातय् वल।

एज्रा 6:13

अथे जुयाः यूफ्रेटिस पारियाम्‍ह राज्‍यपाल तत्तनै अले शत्तर-बोज्‍नै व इपिंनापं ज्‍या याइपिन्‍सं दाराया आज्ञा बांलाक मानय् यात।

अय्‍यूब 9:12

वय्‌कलं लाकाकयादिल धाःसा सुनां वय्‌कःयात पने फइ? ‘छिं छु यानादियागु’ धकाः, सुनां वय्‌कःयात न्‍यने फइ?

प्रस्‍थान 1:18

अथे जुयाः मिश्रया फारोनं इमित सःताः न्‍यन, “छिमिसं थथे छाय् यानागु? छिमिसं काय् मस्‍तय्‌त छाय् मस्‍यानागु?”

हितोपदेश 19:12

जुजुया तं धयागु सिंहया सः थें खः, तर वयागु कृपा घाँसय् च्‍वंगु सुतिलः थें खः।

हितोपदेश 20:2

जुजुयागु तं धयागु सिंहयागु सः थें खः, सुनां वयात तं पिकाय्‌की, वयागु ज्‍यान वनी।

हितोपदेश 30:31

फुर्ति दुम्‍ह ग्‍वंगः, दुगुचा व सिपाइँत जवंखवं तयाः जुइम्‍ह जुजु।

दानिएल 3:15

आः छक्‍वः नं छिमिसं तुरही, बाँसुरी, सितार, सारंगी, वीणा, सनई व मेमेगु बाजायागु सः तायेवं जिं दय्‌कागु मूर्तियात भ्‍वसुलाः भागि मयात धाःसा छिमित उघ्रिमय् हे ह्वाना ह्वाना च्‍यानाच्‍वंगु मियागु भट्टीइ वांछ्वयाबी। छु, छिमित बचय् याये फुम्‍ह सुं द्यः दु धकाः च्‍वनागु ला?”

दानिएल 4:35

“पृथ्‍वीयापिं सकलें मनूत परमेश्‍वरया न्‍ह्यःने छुं नं मखु, स्‍वर्गया दूतत व पृथ्‍वीयापिं मनूतय्‌त वय्‌कलं थः यःथें यानादी। सुनानं वय्‌कःया ल्‍हाः पने फइ मखु अले वय्‌कःयात छिं छु यानादियागु? धकाः न्‍यने फइ मखु।”

रोमी 9:20

मनू जुयाः परमेश्‍वरयात लिसः बीम्‍ह छ सु खः? जितः छाय् थथे दय्‌का धकाः दय्‌कातःगु सामानं दय्‌कूम्‍हय्‌सित न्‍ह्यसः याइ ला?